اللي تبي شعر طويل وكثيف ولمعه وعن تجربه تتفضل

بنات بصراحه انا اتكلم عن تجربتي... انا كان شعري طويل وكثيف بس مره رحت الصالون وكنت ابي اصبغ شعري وصبغتلي صاحبة الصالون ومابين لانه شعري وايد اسود سواد الليل بعدين صاحبة الصالون قالت لي وي الصبغه بالمره ماستوت لانه شعرج وايد اسود وقالت لي خلاص انا عندي طريقه بتخلي الصبغه تكون على شعرج وايد حلوه وانا يالسه ومستانسه انه بتصبغلي راحت ماعرف شو حطت في شعري ويوم غسلته شفت شعري اصفر لا ليش قالت لا بعدنا ماخلصنا الحينه بصبغلج شعرج المهم صبغته وطلعت الصبغه روعه وبعدين سألتها شو سويتي قالت لي سويتلج سحب لون.. لا ليش سويتلي سحب لون وايد يخرب الشعر وايد قالت لي لالا مايخرب.. والله يابنات اني امشط شعري ومايتمشط ماعرف من احط المشط في شعري ماينزل مع انه شعري قبل الصبغه ناعم ناعم وايد حتى والله اني يوم الف شعري يتبطل من نعومته وخلاص اتخبلت الصبغه حلوه بس شوالفايده يوم ان الشعر مااقدر امشطه... والله قلت ياليتني ماصبغت هي سوتلي سحب لون والسحب لون وايد يخرب الشعر وايد.. وكنت اعاني شافتني وحده قالت لي شعرج شوفيه اخترب قلت لها ان صاحبة الصالون سوتلي سحب لون قالت لي حرام ليش المهم بعدين قالت لي جربي هالخلطه؟؟؟
رحت على طول وجربت الخلطه والله يابنات شعري رد مثل ماكان ناعم طويل وكثيف والخلطه هي: زيت الخروع + زيت الجرجير + زيت بارشوت + زيت دابر املا الذهبي.. واخلطيهم مع بعض وان شاء الله شعرج بيطول وبيكون كثيف جربوا وخبروني..
انا يوم قالت لي زيت الجرجير قلت شو هابعد ويوم قالت لي دابر املا قلت لا ريحته خايسه ماحبه قالت لي الحرمه لالا خذي الذهبي مافي ريحه وعن جد خذته وماافي ريحه.. والاهم من هذا اني استفدت من الخلطه وايد والله ماطولت اقل عن اسبوع حسيت بفرق والحمدالله على كل حال وان شاء الله انتو بعد تستفيدون
ملطووش للفائدة