اللي تحب زوجها تدخل

1. ملاحظات أثناء عمل حمام البخار:


2. بعدها تجيبين جهاز المساج والعنايه بالقدمين

بسم الله الرحمن الرحيم
السلام عليكم ورحمة الله وبركاته اخواتي الفراشات
هذا الموضوع بمجهود شخصي فرجاء اللي تدخل ترفع الموضوع
علشان الكل يسفيد ..
طيب نبدى بالموضوع طبعا كل زوجه تعرف ان زوجها يتعب طول الاسبوع في
الدوام يعني ارهاق وتعب وحر وانتم شايفين كيف الجو الحين الصبح والظهر
هذا لحاله تعب ..
وكل زوج يستاهل انك تدلعينه طيب انا فكرت ببرنامج اسويه لزوجي يوم الجمعه
انشالله وحبيت كل وحده منكم تسويه لزوجها ..
طبعا اخترت يوم الجمعه لانه يكون نهاية اسبوع وبداية اسبوع جديد يعني علشان
يرجع زوجك للدوام وهو نشيط ونفسه مفتوحه للدوام ويحس بانتعاش
اول شي تحددين الوقت مثلا يكون بعد صلاة الظهر او اذا كان زوجك ياخذ قيلوله
بعد العصر خليها بعد المغرب وانا افضل بعد المغرب
سوي بطاقة واكتبي فيها ..
زوجي العزيز بعد تعب اسبوع في الدوام تستاهل انك تتدلع لأنك اغلى انسان عندي في الدنيا
انا انتظرك في الصاله
هذا مثال وانتي تقدرين تتفنين في محتوى البطاقه
تحطين عند الباب روب حمام وشورت
وتحطين بطاقة صغيره تكتبين فيها حبيبي ممكن تلبس الشورت
والروب
تكونين مجهزه كرسي اذا كان عندك كرسي المساج رهيب
انا بصراحه حطيت كرسي الاصابع لانه مريح مره وقماشة مخمل
وحطي فواحه بالمكان بأي ريحة انتي تحبينه انا احب ريحة الفانيلا
وحطي طاوله جهزي عليها الفوط
والكريمات وجهزي المقشر حق الوجه باحط هذا وهذا القناع حق الوجه
وهذا القناع
ومرطب للوجه من أي نوع عندك انا باستخدم هذا
حطيهم بسله او صندوق حلو ومن الجهه الثانيه حطي طاوله ثانيه عليها عصير برتقال
وحطي جنبه صحن فيه فرواله وتفاح مقطع او أي فواكه يحبها زوجك
نجي للبس البسي مثلا تي شيرت اسود وبنطلون اسود وارفع شعرك ذيل حصان
وحطي مكياج خفيف مره
حطي ميوزك خفيف في الغرفه وحطي شموع واضاءه خفيفه في الغرفه يعني
لاتخلين الغرفه ظلام حيل بس تكون الاضاءه خافته
اول مايدخل زوجك بتطير عيونه بوسيه على خدوده وقولي له حبيبي انت تعبت
طول الاسبوع وتستاهل انك تتدلع فاسمح لي ادلعك طبعا بينبسط قعديه على الكرسي
وقولي له ابيك تستمتع بالهدوء وتسمح لنفسك ترتاح ..
جيبي الجهاز حق تنظيف الوجه بالبخار وغطي شعره بفوطه وشغليه وقولي له يحط وجه في الجهاز مدة 10 دقايق
ملاحظات ممكن تستفدين منها في عمل بخار الوجه

ملاحظات أثناء عمل حمام البخار:

قبل استخدام حمام البخار يجب غسل الوجه جيدا ، ثم تغطية شعر الرأس بواسطة فوطة لمنع تسرب البخار إليه وكذلك التركيز على بشرة الوجه.
بعد الانتهاء من حمام البخار الذي تتراوح فترته من 10 إلى 15 دقيقة، يجفف الوجه تماما ثم يوضع عليه مباشرة الكريمات أو المواد العلاجية المحضرة لعمل القناع إذا احتاج الأمر لذلك، وإذا لم تستخدم هذه المواد العلاجية أو أقنعة الجمال، يجب غسل الوجه بالماء البارد
بعدها تاخذين الفوطه وتمسحين وجه زوجك من البخار وترجعين راسه على ورا
على مخده او ترجعين كرسي المساج لورا
عقبها تاخذين المقشر وتوزعينه على اربع مناطق الجبين والخد الايمن والايسر
والانف والذقن وبعدها تاخذين الفرشه حقت التقشير اللي تكون موجوده مع جهاز البخار
وتقشرين وجهه بخفه لان الرجال مو متعودين على هالاشياء تكونين مجهزه جبنك
وعاء فيه مويه دافيه واستخدمي في ازالة المقشر اسفنجه المكياج الدائريه وتحطينه
في المويه الدافيه وتمسحين وجهه بعد كذا تجيبن القناع اللي ذكرته او أي قناع عندك
قناع الطين من بودي شوب وتاخذين هذي الفرشه
وتوزعين القناع على وجهه وتكونين مجهزه شريحتين خيار وتحطينه على عيونه
وتطلبين منه يسترخي

بعدها تجيبين جهاز المساج والعنايه بالقدمين

وتحطين مويه وشامبو ريحته حلوه وتشغلين الجهاز وتدخلين رجلينه في الجهاز وهو مسترخي احس ان ازواجنا بينهبلون ههه خليها 20 دقيقه او اكثر مايضر
عقبها يكون عندك كرسي منخفض وتاخذين وعاء فيه مويه دافيه وتدخلين يده وتكونين حاطه على رجلينك فوطه تخلي يده شوي في المويه وبعدها تطلعين يده وتمسحينها بالفوطه وتكونين مجهزه ادوات تقليم الاظافر طبعا مالقيت صوره للادوات
بس كلكم عارفينها .. تنظفين اظافره وتقصينها وتزيلين الجلد الميت حول الاظافر بعدها تجيبن كريم مرطب اليدين وتحطينها على يد زوجك وتسوين لها مساج خفيف ولليد الثاني نفس الخطوات ..
عقبها تاخذين الاسفنجه وتمسحين القناع عن وجهه وتمسحينه بالفوطه وتبوسينه وتقولين له انشالله مبسوط اكيد بيقولك ايه .......
عقبها تعطينه العصير وتقولين له اشرب حبيبي ..
وبعدها تحطين الكرسي قدام رجلينه وتحطين الفوطه في حضنك وبعدها تطلعين رجلينه من الجهاز وتحطينها في حضنك وتمسحينها بالفوطه وتسخدمين الادوات اللي
مع الجهاز فيه وحده للمساج والثانيه للتقشير ووحده والثالثه اسفنجه تختلف الانواع طبعا
اول شي تقشرين اقدامه من تحت بالمقشر وبعدها تغسلينها بالمويه وتحطين شوي شامبو وتفركينه بالاسفنجه وبعدها تغسلينها بالمويه وامسحيها وبعدها سوي لها
مساج بالجهاز
وبعدها قصي اظافر رجلينه وسوي له نفس الخطوات اللي سويتها لليدين
وامسحيها بالفوطه ..
اذا حابه تكتفين بهالشي خلاص بس بالنسبه لي باكمل
باكون مجهزه الجاكوزي او البانيو وحاطه فيه من الزيوت العطريه ومجهزه الفوط وبعدها اخذه بيده واقوله صار وقت الحمام الحين واخذه وعاد كل وحده ومخيلتها
انشالله تكونون استفدتوا من هذا الموضوع ..
اللي تبي تنقل الموضوع تكتب اسمي واسم المنتدى
ادعوا لي ربي يرزقني بالذريه الصالحه