اللي تدرس بجامعة الملك عبد العزيز تدخل ضروري

بالاول مبروك القبول يا عسل
وثانيا: انتي انتظام ولا انتساب؟
وان كنتي انتساب ترى كل شي مسموح حتى البنطلون بس بشرط ما تفصخي العباية
اما الانتظام فمدري والله
موفقة

لا ياقمر أنا إنتظام والله إني خايفة لما رحت أسجل مرة مجتمعها غير عن المدرسة

هلا حبيبتي ..
ألف مبروك القبول بتنور الجامعة بك ياعسل
لا تخافي ولا تشيلي هم ..
بصراحه أغلب البنات يجلسوا بالعبايات وطبعاً العباءة مسموحه لكن بعض الأستاذات يلزمونك بخلع العباءة وإلا تحطك غياب
لكن الأغلبية يسمحوا بلبسها لكن في الإختبارات طبعا إجباري تخلعي العباءة
يعني بالعربي لا تشتري ملابس المهم شنة وجزمه وإكسسوارات إذا حبيتي
الشنطة تحطي فيها قلم وجوال ومنديل وعطر ومرايا و.. ههه امزح
الشنطة اللي تعجبك لانه ما تحتاجي للكتب تحتاجي دفتر واحد لجميع المواد تقسميه وإنتهاء الموضوع
لكن ما قلتي لي أنتٍ في أي كلية في الجامعة وإنتظام ولا إنتساب ؟!
عموماً أنا أكلمك عن واقع تجربتي في كلية الآداب إنتظام
وطبعاً الإنتساب كل شيء عندهم مسموح نحزن ههه
ماعلينا نكمل
والجزمة الله يكرمك أنصحك تكون رياضية سبورت عشان بتمشي كثير وثقي أنك بتنحفي أقل شيء 7 كيلو
والإكسسوارات حسب الرغبة ههه طبخة
لا أمزح معك إذا حابه تلبسي عادي على حسب مزاجك في كل يوم
وبالنسبة للبلوزة عادي نص كم
أما الجوال فممنوع الكاميرا .. معلومة إضافية ههه
وبالنسبة للأسبوع الأول عادة ما في محاضرات
أنصحك ما تجي غير يوم الأربعاء من أول أسبوع عشان تتعرفي على المباني و قاعات محاضراتك وطبعاً تنزل في النت فإطبعي الجدول وشمري عن ساعديك وروحي الجامعة دوري على القاعات عشان ما تتوهي في الاسبوع اللي بعده و تبدئي تتأقلمي على الوضع
عموماً حبيبتي أنا في الخدمة وأي شيء تحتاجيه راسليني على الخاص
ومن عيوني بإذن الله ماراح أبخل عليك
الله يوفقك ويسدد خطاك وينور لك دربك ويحقق أمانيك يارب
محبتك ..

مشكورة يا فراشة داعية لك كان ودي أرسل لك على الخاص بس ما أقدر لأني جديدة وأبشري الحين بقوم أصلي ركعتين وأدعي لك باللي ودك به ألف شكر يا قمر

سلام
ألف ألف مبروك القبول
ترى فترة الجامعه احلى فترة فيحياتي
مرة انبسطت فيها
ومرة لا تشيلي هم
ترى البناطيل ممنوعه يعني ان لبستي رح يمسكوكي الشؤون!!! خالفي بس يعني مو دايما.. على حسب المزاج
التنانير عادي لو تلبسي ميدي بس يعني تكون بس مبينه 4 اصابع من رجلك من تحت ( خبرة دايما يمسكوني على تنانيري)!!!!!!!
والبلايز كل شي مسموح الا الكت.. يعني لازم على الاقل كم صغير.. بس انصحك انك ما تلبسي اكمام قصيرة دايما.. لاني انا كنت كده ومرة سمرت مع الشمس.. لأني ما احب العباية..وكمان حر
اش كمان.. لاتشتري شنطة مرة صغيرة اذا كنتي انتظام.. لانو عندك كتب و دفتر .. يعني على حسب جدولك.. عندك اليوم 3 او 4 مواد خذي شنطة كبيرة.. عندك مادة خذي صغيرة وكذا..
طبعا لاتنسي النظارات الشمسية.. مرة ضروريه لانو مرة شمس.. وكمان واقي الشمس لانو من جد انا تعبت عشان ارجع للوني بس الله يعين.. يعني انتبهي على بشرتك...
كمان خذي لك جوال بدون كميرا.. والعبايات كل وحده بكيفها طبعا... الكفتريات تلاقيها في كل مكان..
المباني شوي بعيدة عن بعض... بالذات السنتين الاوليتين.. يحطونكم في مباني مشعترة!!! فرح تنحفي.. والله اعرف وحده كانت تجيب معاها مظله!!! مو كثير يجيبو مظلات بس والله هي مشالله عليها ما عدمت بشرتها..
رح تتعرفي على بنات كثير و كمان رح تنبسطي مع الانشطة اللي يسووها.. عندك في مبنى ال13 أو الشؤون.. لو تعدي عليه كل فترة وفترة رح تلاقي دورات مجانية بالهبل.. وفي كل ترم يعملو دورات مكثفه في قاعه المؤتمرات..
نصيحتي لك :
لا تضيعي عليكي هذه الدورات .. و لا تقولي ما عندي وقت.. والله كنت مرة مزحومة وتخصصي صعب لكني ما فوتها.. و تخيلي جمعت شهادات دورات كثيرة.. مشالله السي في حقي اتعبى منها.. ولا دفعت ولا ريال فيها..
وكمان عندهم نادي رياضي ونادي انجليزي..
انشالله تنبسطي معانا.. واذا تبغي اي خدمه في الانجليزي لاتترددي تراسليني على الخاص..
بالتوفيق
ايوة صح.. كثري تشيرتات قطنيه و بلايز والتنانير خذي لك كم وحده... وزي ما قالو لك الشوزات الله يكرمك خليهم فلات او رياضية..

مشكورة يا بترفلاية ما قصرت وشكرا لكل اللي ردوا علية والله يحقق لكل وحدة اللي تتمنى بروح أنام

بنات كل وحدة تحكي لي تجربتها بأول يوم وتقول لي نصائح من خبرتها ؟ وين أروح أول يوم ووش أسوي تفاعلوا تكفون ما تتخيلوا قد ايش قلقانه
( وش يعني up ) بالرد اللي قبلي ؟