اللي تصبغ شعره بالبيت تتفضل

بسم الله الرحمن الرحيم
هلاا والله باللي دخل يالله تحييهم كلهم
وعيدكم مباارك عقب الزحمه وعسااكم من عوااده
اخبااركم واخباار عيدكم وعسااكم طعطعتوا بالعيد<< على قولة ولد اخووي
المهم ترى لوو بتخلونن على راحتي تساان اهرج الا بااتسر<< تحب تحتسي كثير
ياطويلاات العمر خبركم بالعيد الوحده تدور الكشخه
وترزز اغدي الله يلفح له من هناا والا من هناا
والله يسلمكن من زوود الثقه قلت بصبغ شعري تعرفوون لزووم الكشه
واجيتس اشري الصبغه<< تحسب العووق منه
شريت لوون برغندي من ويلاا الساايل مووب العصاار<< ادري انه ماعندتس احد بالشرح بس اتوقع فهمتوا
المهم
سويت نفس اللي بالتعليمات بالضبط
ومكتوب تحطينه على شعرتس دقيقه اناا حطيته سااعات
اعرف شعري مايصبغ على طوول لانه ثقيل واسوود
قلت ان شاء الله الحين اذا غسلته بيطلع اشقر مووب بس برغندي
واجيتس واغسله صاارن عنووني تسذا
وش الساالفه ماصبغ ابد بس الجذوور صاارت مثل اللون اللي ابي
والبااقي ماتسن صبغه طابتووه<< ورااح العرس وراح العريس << ارحم يابعدي اناا
أدري اني اوجعت روسكن وكثرت الهرج بس ابي اي
وحده عنده خبره بالصبغه تشير علي
فكرت اضيف معه بروكسيد يمكن يضبط ؟
لاانه مستحيل ارووح تسذا للجاامعه ..
ويالله عسى من ترد علي ترزقه الجنه هي ومن يعز عليه
ويسخر له رجله اذا هي معرسه
ويزوجه اذا هي مااعرست