اللي تعرف المطربة روبي يابنات

طيب يابنات اذا مافي احد يعرفها ,, بالله عليكم قوليلي مين المطربات الحماس مره ويشعللو الفرح كدا ومايكونو كشريين ونايمين على نفسهم امانه عليكم اي وحده تعرف مطربه وعجبتها لما شافتها او سمعت عنها تقلي وتكتبلي سعرها كمان سواء غاليه او رخيصه ,, وماابغا وحده بتكون بتسوي دعايه لوحده تعرفها ,, ولو كانت تعرفها فأمانه في رقبتها اذا دلتني عليها وطلعت اي كلام ,, لاني هشوف كل مغنيه اسمع انها كويسه وبتسوي حماس في الفرح
وكمان شفت في اخت في المنتدى كاتبه ارقام مغنيات ومنهم فرقة (( التوأم )) هادول كيف يابنات الفرقه فله وحماس ولا نص نص ,, واللي تعرف سعرهم ايش تدني خبر ومعليش طولت عليكم يابنات ,,بس غصب عني ماني عارفه اسأل مين ولا اروح لمين لانه فرحي في شهر ان شاءلله ولسه ماحجزت لا مطربه ولا مصوره بس ان شاءلله قدامي شوية وقت ,,

ام من كثرهم حسنى والله
ونااس تمدح ونااس تذم
احترناا
انا حجزت نشوى ويذمو فيها ماره
ع انو حضرت لها فرح حماس
بس مزاجيه >>>>> يقلون والعهده ع الراوي ^_^
عندك
فاديه
عهود الجابري
غرام حجازي
بس الي حضرتلها وطيرت راسي من الطرب
ام رياض من جد ابيها
صوتها احلى من مووضي وتواجدها خيالي
بس ضااع الكاارد حقها اهى

المصوره انصصحك ياسهام 6737609
او ذكرياات >>>> خصوصا ديه تصووير خيالي زي سهام
ويمدحو مركز اللؤلؤه 2573027

ايوه والله حسنا (( ياود وشقاوة )) عارفه ليش في ناس تمدح وناس تزم لأنه المطربات دول اصلا يابيضو الوش يافشلوكي فشله ,, يعني حسب المزاج العالي حق سموهم وفعلا انا شفت بنفسي مطربات فله وفي افراح تانيه لا اقلك كمية الكابه كيف ,, طيب نشوى هادي اللي حجزتيها بكم ؟؟ وفي رجال يردد وراها ولا لأ ؟؟ وهي من النوع اللي تتحرك في الفرح وتنزل عند الطاولات او حتى لو مانزلت تسوي حماس ولا لأ ؟؟ وكمان ابغا اعرف هي زي بقية المغنيات تسأل ايش هي القاعه الاول وبعدين تقول السعر ؟؟ ياريت تفيدني عنها اكتر واكتر ,, وام رياض هادي ماسألتي احد عنها طيب يعطيكي رقمها ؟؟ خساره شكلها فلاوية زي مابتقولي بس ايش نسوي لازم نحوس شوية فالله يعين ,, وشكرا ياعسل تسلم يدك والله ,, وياريت لو في بنات كمان يقولو خبرتهم في المطربات كيف وخصوصا فرقة التوأم هادي كيف ؟؟

الله يعين
نشوى ايه ماتعطي سعر الا اذا حجزتي اليووم واهم شي القاعه
وطلبت ايقاعات و2 يدقو دفووف
وبالقوه اعطتني 6 الاف ونص
بس سالتني بالاول كم ميزنيتي قالت مش اكثر من 5 الاف
قالت خلااس تبغي الجهاز لحاله من غير الدفوف
وتناقشنا وصلنا لسعر داا
والله شفتها بزواج صحبتي حماس
صوتها يجنن وجضورها وتواجدها خياالي
ماتقعد مستحيل رقص في رقص
وجات بدري 10 وخرجت 4 ع اذان الفجر
بس وحده من بنات المنتدى خوفتني تقوول جات 12 وتنافخ بعد
يختي شي غريب
تووكلت ع الله وحجزتها
وراح اقولها زفتي بدري ع 1 ونص الله يعن بكذب عشان تجي بدري ههه

ههه ايوه صح هو الكدب يمشي مع المغنيات دول لانهم في الاصل هما يكدبو على الناس ويقولو احنا هنيجي بدري والكلام الفاضي هادا وتلاقيهم ييجو متأخر يالطيف ,, عارفه انا لو مكانك اقلها هتزف الساعه 12 ههه ,, طيب الله يعطيكي العافيه اعطيني رقمها عشان اكلمها واروح اشوفها في فرح ..

طيب ياقلبي اسدحيلنا رقم نشوى
من زمان ادور عليها اهلي حضروا لها فرح
مره يمدحوها في كل شئ خذيها ونوكلي على الله على ضمانتي

عطيتيني امل
ههه
ان شاء الله تحي الفرح يارب
ترا هيا اذا شافت بنات ورقص وجوو حلو
تنبسط وتفلهاا
بس لو شافت النااس بارده ماعليها في احد
هذا رقمها
0567190152

ود وشقاوة دقيت عليها جوالها مقفل ,, لايكون الحرمه صار فيها مصيبه ولا شي ههه اتأكدي لاييجي فرحك وماتلاقي مغنيه يابنتي تغنيلك ,, وكنت ابغا اسألك هي معاها رجال يغني ولا لأ ؟؟
وكنت ابغا اسأل سؤال كمان معليش اذا مافيها تقاله ابغا اسألك متى فرحك وفي اي قاعه عشان اذا ينفع بس اجي اشوفها انا وماما عشره دقايق واحنا واقفين ,, لانه احسن شي انك تشوفي المغنيه في فرح وهي تغني اذا كانت حماس ولا نص نص ,, ومن جد اكتر شي شايله همه المغنيه لانه الفرح يعتمد عليها اذا كانت فلاويه ولا نص نص ,, والشي اللي مطفشني زياده انه اي وحده لازم تعرف ايش هي القاعه ,, وانا ماني مسويه الفرح هادول اهل العريس لكن انا عليا المطربه والمصوره فكل مااقول لوحده مسويه في قاعة امسيتي تضاعف عليا السعر وبعدين كلمنا نفس المغنيه من رقم تاني تخيلي وقلتلها الفرح في الكريستال اشوف ايش هتقول هتقلل السعر ولا لأ ,, عارفه نقصت في السعر 4000 الاف ريال بالله هادا افترا وسرقة ولا مو سرقه ,, فماني عارفه ايش هسوي مع هادول المطربات شكلي هقتلهم كلهم في الاخير وارتاح ههه