اللي تعرف عن التسجيل في الماجستير تفضل

مافيه احد يعرف .......؟؟؟

نفس الامنيات ياقلبو
ان شاء الله نسجل ويقبلونا

شوفي ياقلبي انا تخرجت من جامعه الملك سعود بكالوريس بعدها قدمت على الماستر السنه اللي راحت في نفس الجامعه بس ربي ماكتب لي قبول فيه
والحمدلله على كل حال<<قلت انه خيره من عند ربي
انا ابعطيك على حسب تخصصي انا ت(خصصي خدمه اجتماعيه) يمكن اقدر افيدك لو شوي ان شاء الله
اول شي الدراسه سنتين+الرساله
فيه بعض الاقسسام يحطون اختبارات تحريريه للقبوول+مقابله شخصيه
وبعض الاقسام الاخرى بس يحطون مقابله شخصيه من دون اختبار
في الاختبار التحريري اسئله من المواد اللي سبق ودرستيها خلال سنوات دراستك في تخصصك البكالوريوس
وفي الاغلب ورقه وحده واربع اسئله او اقل بس اغلبها شرح عشان يشوفون انتي فاهمه و لا
اما المقابله يشوفون شخصيتك ثقافتك يسالونك اسئله عن الاحداث اللي صايره الحين في العالم ومن هالاشياء
ولازم تكونين مطلعه وعندك ثقافه
انا اسألوني وش اسماء الوزراء في الدول الغربيه
عطينى اسباب وحلول للبطاله
وش اخذتي دورات وش قد معرفتك بالانترنت
واحيانا يسألونك اسئله يستفزونك فيها بس انتي جاوبي وخذي الدعوة بساطه
لانهم يختبرون شخصيتك والمفروض الواحد يكون هادي مو منفعل طيب
اما من ناحيه الدراسه هل هي صعبه او سهله
الماستر يبيله واحد يفكر كثيير وعنده طموح
وانتي ما شاء الله علييك عندك طموح والله يوفقك يارب
سجلي وتوكلي على الله
والله يوفقك يحقق لك كل ماتتمنينه
ملاحظه..ياقلبي انا قلتلك من خلال تخصصي اعطيتك معلومات
يمكن تفيدك واولا واخيرآ كلن على حسب تخصصه..
دعواتك لي بالتوفيق

بالتوفيق

طيب اختي انا بعد حابه اكمل بس مدري عن النسبه انا نسبتي جيد ودراسات اسلاميه لازم اقدم في الجامعه او الكليه اللي تخرجت منها او عادي ليت احد يرد ع استفساراتي انا سمعت ان التقديم ع دراسات العليا لازم واسطه

الله يبارك فيك.
سنيوريتا ربي يسعدك.....ويجزيك خير الدنيا والاخره
ماقصرتي..
وربي يحقق امانيك..
كارزيما مولازم كليتك..روحي لجامعه ثانيه..
اما الجيد فيه بعض التخصصات يفبلون الجيد المرتفع..

كآريزمآ..
لا ياقلبي تقديم الماستر مو لازم واسسطه
اذا ربي كاتب لك قبول فيه بتنقبلين
بس انتي قدمي وتوكلي على الله
فيه معلومه يا بنات بعض التخصصات ماتقبل بنات من تخصصات اخرى
مثل انا تخصصي خدمه مايقبلون وحده تخصصها مثلًا تاريخ لا
يكون البكالوريوس والماستر نفسس التخصص<<طالعيين فيها مدري وش يحسسون فيه

عادي
انا بكمل بقسمي..ناقصه اخل مخي بمعلومات ثانيه ههه
بس السؤال هل المقابله بعد القبول ولاكيف لاني خارج الرياض..؟؟؟؟

الساهرة 2009
ههه الله يوفقك
شوفي ياقلبي انتم اول شي تسجلون
بعدها اذا قبلوك مبدئي يرسلون رساله بموعد الاختبار اذا كان فيه اختبار او يكلمونك
اما اذا مافيه اختبار يصير يرسلون لك موعد المقابله في اليوم الفلاني والساعه الفلانيه
على رقم جوالك
انا اذكر كلموني وعلموني عن موعد الاختبار
وجيت واختبرت بعدها اجتزت الامتحان
وجا وقت المقابله بس ماقبلو الا 20 طالبه
في النهايه يقبلون 10 طالبات او 14 طالبه فقط
لانها ماستر ومايقبلون الا بنات قليل
بس عليكم بالدعاء والله يوفقكم
بعض الدكتورات اللي يقابلونكم ماعندهم خوف من الله يقبلون البنات اللي يعرفونهم واللي مايعرفونها
عليها السلام..
الله يوفق الجميع << تحس انها قصة قصت حياتها