اللي دورتها مش منتظمة تدخل للمشاركة الافادة و الاستفادة والحوار

كيفكم حبيباتي انا بصراحة اللي زمان ما كتبت موضوع لإنو و لله الحمد كل المواضيع مذكورة و موجودة بس حبيت افتح باب للمناقشة و الحوار بخصوص الفراشات اللي تتأخر دورتهم و تغلبهم و اللي مش منتظمة (متل اختكم في الله انا ) في البداية انا متزوجة من 6 شهور تقريبا و قبل الزواج كانت منتظمة متل عقارب الساعة دائماً بتيجي 6 او 7 او 8 بعد الزواج ضلت منتظمة شهرين بعد بلشت تتلعبن مع (يعني تلعب معي لهجة اردنية كح ) بشكل اوضح كان تواريخها عندي كالآتي : في شهر 5جاتني في7/5 في شهر 6جاتني في/6 في شهر 7.... تأخرت حوالي 14 يوم جاتني في 19/7 في شهر 8.... ما اجت نهائياً
في شهر 9 اجتني في 17/9 وفي شهر 10 بدعت الدورة عندي اجتني في 3/10 واجتني كمان في 18/10 يعني ماخدة راحتها عالآخر رحت دكتورة و كتبتلي دوا لتنظيم الدورة اسمه METFORAL
ودوا لتنشيط المبايض احتياطأ اسمه Ova-mit
مع اني رحتلها اول مرة تأخرت علي يعني في شهر 7 بس طلعت بتخاف الله الدكتورة و حكتلي ما بدي اياكي من اولها توخدي دوا و تعطلي على حالك خلها تيجي براحتها
حالياً الدكتورة حكتلي اضلني متابعة على كورس الدوا اللي كتبتلي اياه لحد 22/11 اذا ما اجتني اراجعها و دعواتكم حبيباتي ما تجيني و اضلني حامل
يا رب اسفة انو طولت عليكم بس موضوعي ممكن يفيد الغير و اللي بتحب تفيدنا او تشاركنا تتفضل
وتحياتي لحبيباتي الفراشات