اللي سوت منظار عشان تشيل اكياس مبيض تتفضل للمقابلة داخل

1. سلام عليكم بنات ....

سلام عليكم بنات ....

شخباركم مع تحاليل الحمل ؟؟ << أمس شارية اثنين و هي تدري انها مب حامل خ
انا كتبت الموضوع ... لأن عندي كم سؤال بخصوص عملية المنظار ... لأني ان شاء الله بسويها عقب اسبوعين عشان اشيل الاكياس اللي عندي عالمبايض .... ( ادعولي الله يسهل العملية و ينجحها و ما احس فيها و احمل بعدها << وايد تطلبين انتي )
و باختصار ... سيرتي الذاتية هي ..
انا متزوجة من سنه و اربع شهور تقريبا .. ما حملت ولا مرة .. عندي كيس دم على كل مبيض .. بحجم 3 سم تقريبا ....
المهم ... هو الدكتور عطاني كتيّب .. فيه كل المعلومات و الاشياء اللي لازم اسويها قبل العمليه ..
لكن ما ادري عقب العمليه شو بيكون وضعي صراحة ... و شوي خايفة .. ولو اني موكله امري لله سبحانه .....
فاللي خاضت هالتجربة .. يا ليت تساعدني و تجاوبلي هالاسئلة ....
1. كيف يكون الالم بعد العمليه ؟؟ و كم الفتره اللي يظل فيها الالم لين يختفي تماما ؟؟
2. بعد كم يوم اقدر امارس نشاطاتي اليوميه ؟؟
3. انا افكر اسافر لأهلي عقب العملية باسبوعين و الرحلة 14 ساعة وبكون بروحي من غير زوجي .. فهل هالشي بيكون سهل ؟؟ ولا ما بقدر ؟
4. الدكتور قالي بيكون عندي نزيف مثل الدورة بعد العمليه ... فكم يوم بيستمر هالشي ؟
5. بعد اسبوع من العمليه بيبتدي شهر رمضان ان شاء الله ... و اذا انا كان عندي نزيف ... هل اصوم عادي باعتبار انها استحاضه ولا لازم افطر .... ؟ << هالسؤال استراتيجي ترا
بس هذا هو .... اللي ما عندها فكره .. بما انها دخلت الموضوع .. لا تطلع بدون ما تدعيلي ... ترا اشوفكم وحدة وحدة .... خ
وشكرا مقدما للي بتجاوب و تساعدني ... وجزاكم الله الف خير ... وكل عام وانتوا بخير ...