اللي سويته صح والا خطأ دلوني طلبتكم

1. السلام عليكم..


2. بدخل في موضوعي على طول..


3. دلوني هل اللي سويته صح والا خطأ..؟؟


4. ابي آرائكم..

السلام عليكم..

بدخل في موضوعي على طول..

زوجي كان يشتغل في احد الشركات..وكان كثير الغياب ومهمل جدا في شغله..وكنت دائما انصحه ولا في فايدة..تكلم يوم معاي ان وده يفتح مشروع وقالي فكرته وأيدته وشعته كثير..بس جلس يفضفض ان ماعنده فلوس تكفي للمشروع فأنا على طول تحمست وقلت له اساعدك قالي شلون قلت له ابيع ذهبي او ارهنه في البداية مارضى لكن مع اصراري تقبل الموضوع..بعد فترة من هالكلام تفاجأت انه ترك الشغل باعتبار انه معتمد على المشروع اللي الله اعلم بنجاحه او فشله..وامس توه تكلم معاي على الذهب انا بصراحة لمن شفته ترك الشغل انقهرت وقلت له انا مستعده ترهنه بس ماودي ابيعه..ورحت معاه سوق الذهب وثمناه لكن بالبيع يكون السعر اعلى من الرهن..
وانا شوي تراجعت عن البيع لان حسيت ان بيكون اعتماده كله علي انا وانا مابي هالشي يصير ابيه يعتمد على نفسه..
قلت له رهنه مارضى وبعدين عاتبني قالي لو ماتكلمتي عن ذهبج كان احسن لاني حطيت امل كبير وتركت شغلي..
فبكلمته هذي عصبت حسيت اني انا السبب في انه يترك شغله تخيلوا يحط اللوم علي..
مع اني انا اللي شجعته على المشروع وقلت له ان لاتطلع من شغلك الا لمت تفتح المشروع وتشوفه ناجح في ذاك الوقت اترك الشغل..لكن هو ماسمع كلامي..
والحين احس اني محتارة هل اعطيه الذهب يبيعه واكسر كلامي مع اني ادري ان ماراح ياخذه والا اسكت عن الموضوع وكأن شي ماصار..بس احس ان هالشي اللي سويته راح يظل عالق بذهنه..

دلوني هل اللي سويته صح والا خطأ..؟؟

ابي آرائكم..

ادري يمكن تقولون لو احنا مكانج بنساعده..وانا قلت كذا لكن مابيه بعد انه يعتمد علي لان حسسيته لغى المشروع من اصله لمن مارضيت ابيع الذهب..يعني يدل انه اعتماده على ذهبي وغير كذا انا ماصار لي مدة من تزوجت يعني ذهبي جديد ماحللته كلش..
فشرايكم؟؟