اللي شعرها مصبوغ بليز تدخل تساعدني

انا اول مره ادخل قسم العنايه بالشعر بعد ماتروشت وشفت نفسي بالمرايه يمه
عاد قررت اشوف لها الشوشه حل بعد ما هريتها صبغات تصفحت بالمنتدى ابي زيوت تنفع مع الشعر المصبوغ بس اللي فهمته من بعض الاخوات ان الزيوت ما تفيد الشعر المصبوغ لا تغذيه ولا تطوله
انا خصلته كذا مره واخر شي صبغته لون واحد بصبغة (مس كليرول) بس باقي في اخر شعري خصل
المهم انه فيه كل العلل اللي ممكن تكون في شعر ادمي جاف متقصف ناكش ومعيي يطول بس عمري مازيته
بصراحه واجد مدحوا زيت عافيه ومازولا (حق الطبخ) او بالمرز مع زيت زيتون ما ادري اجربهم ولا لا؟؟؟؟؟ ما ابي اضيع وقتي والبد شعري على الفاضي
اللي عندها نصيحه الله يجزيها خير تنصحني ولا تبخل