اللي عندهم بنات بس يدخلون

السلام عليكم ورحمة الله وبركاته كيف الحال عساكم بخير بدخل بالموضوع على طول موضوع قاهرني مره اللي هو عن تربية البنات في سن المراهقه وفي سن الزواج وين أمهاتهم عنهم ؟اللي تتكشف بالشارع واللي تطلع وأهلها مايدرون واللي قاعده عن النت بغرفتها كل شوي تتعرف لها على واحد واللي مسترجله واللي 24 ساعه نايمه واللي طول وقتها ماسكه التليفون واللي تدخل المطبخ ماتدري وين الله حاطها ماتعرف حتى تقلي بيض وش ذا ؟؟؟؟؟؟اسمحولي قمة قلة الأدب وين أهاليهم عنهم وين أبائهم عنهم تراهم أمانه انتي يالأم الغافله اشلون بنتك بتربي عيالها بكره وش بيصير موقفك لو زوجتي بنتك ورجعها لك زوجها ثاني يوم وقال بنتك ماهي سنعه والله ترى عيب الناس بيلومونك انتي ياأمها وش رايكم في كلامي أنا أشوف اللي حولي كلهم بناتهم من هذا النوع ماغير بس يهتمون بشعورهم ومكياجهم وطلعاتهم ماأنكر هذا شي زين ان البنت تهتم بنفسها بس وش الفايده أذا ماتعرف تغسل صحن ولا تكنس غرفه المفروض كل وحده عندها بنت من تدخل بسن المراهقه تبدا تعلمها المسؤوليه لا تقولون ماينفع إلا ينفع ونص لكن أنتي يالأم متكيسله وتقولين خليها اذا كبرت تفهم ترا نادر هذا الشي يحصل وش بيضرك اذا فهمتيها وهي صغيره أحسن ماتتعبين معها وهي كبيره لأنها اذا كبرت ماراح تقدرين لها وهيئيها للزواج ترى مو كل رجال يصبر على زوجته ومو كل رجال بيرضى يجيب خدامه لحضرتها خليها تعتمد على نفسها بكل شي سامحوني حبيباتي اذا طولت عليكم هذا لأنكم غاليين عندي الله يخليلكم بناتكم ويفرحكم فيهم ويرزقهم الأزواج الصالحين وياليت كل وحده تقول رايها بصراحه في موضوعي والله يجزاكم ألف خير