السلام عليكم ورحمة الله وبركاته
.. مساء الخير يا بنات يا حلوات يا قمورات
هل تعانين من ألام في فروة رأسك ؟
هل شوشتس توجعتس إذا تحركت بعكس اتجاهها ؟ وتجلسين تعملين تدليك لفروة راسك ويزيد الألم اكثر ؟!
هل تشعرين بوخز مستمر بعد غسل شعرك بيوم يستمر معك حتى يتم غسله مره أخرى ؟
هل زرت عدة عيادات جلديه ؟ وكانت النتيجه إنهم كرشوك وقالوا لك ضفي مافيك إلا العافيه ؟!
واستغربو من حالتك ؟ واللي قال انها نوع من الصداع واللي قال واللي قال ؟!!
هل أزعجتي أهلك شعري يعورني وجلسو يتحمدون عليتس ويقولون مافيتس إلا دلع ووسوسه ؟
هل بلعتي من الفيتامينات والزنك والحديد لين قالت معدتس أطلبي الله ؟
الآن عزيزتي أم شوشه معوقه إليك العلاج لأن قبل فتره قريت بساحة الإقلاع كذا بنوته
تشتكي من ألام في فروة راسها وقلت افيدكم بالحل اللي صراحة عن تجربه مريت فيها ما يقارب تسع شهور الم
( الزبده ) الحل هو إنك أول شي : تغيرين نوعية شامبوك بأي شامبو يناسب شعرك جاف – دهني – عادي إلخ
ثانياً : لا تغسلين شعرك بشامبو لمدة اسبوع كامل !
بتقولون: وي وي شلون وكيف وليه ؟!!
بقولك : تروشي عادي ولكن شعرك غسليه بماء وسدر فقط
بتقولين : لا السدر يجفف الشعر ويعدمه ويسويه كيرلي
بقولك : مره أو مرتين كل اسبوع مهوب ضارك !
وخليه يجفف الشعر اهم شي العافيه ويروح الألم
يعني خليك مستمره كذا لمدة شهر لا تغسلين شعرك بشامبو !
وبعد الشهر أو الثلاث أسابيع الخاليه من الشامبو ابدئي بالتدريج بالنوعية الجديده اللي بدلتيها من
الشامبو بغسل شعرك مره وحده كل اسبوع ولا تلطين الشامبو مباشرة على فروة راسك غلط ×غلط
لا خليك حرمه سنعه خففيه بماء ثم لطيه على عكاريشك المبلله مسبقا بالماء ونظفيه من الشامبو كويس وشيئاً فشيئاً << يمديكم على شيئاًفشيئاً
اغسليه بالشامبو مرتين كل اسبوع بكمية قليله جداً ومخففه بالماء
وشي ثالث كنت أسويه : يومياً اشربي كوب عصير فواكه كوكتيل بصفة يوميه أو شبه يوميه
بتقولين ما أحب الفاكهه ولا أقدر آكلها بقولك سوي مثلي غمضي عيونك الحول وسمي بالله ولطيه بسرعه
< ما تحب الفاكهه ولا الخزروات
((عصائر حلوة ومستساغه ))
حليب بارد وموز وعسل وماء بارد
حليب بارد وموز وشمام وعسل وماء بارد
برتقال وليمون وعسل
لكن بقية الفواكه إذا صعب انك تاكلينها او تشربينها
اعمليها طبقات مثلاً حطي بال
خلاط :
منقا وعسل وحليب بارد وحطيه طبقة اولى بالكوب
ثم اغسلي ال
خلاط وحطي موز وحليب وعسل كطبقة ثانيه مع مراعاة وضع الملعقه اثناء صب العصير بالكاس حتى لا تختلط الطبقات
ثم اغسلي ال
خلاط وحطي فراوله وحليب وماء بارد وصبيها كطبقة ثالثه
ثم اخر شي مثلا عنب وماء بارد وسكر أو أي فاكهه موجوده عندك وبالاخير حطي شوكليت هرشي باخر طبقه وتمتعي بالمذاق الحلو والشكل المرتب واهم شي الفيتامينات
ولا تنسين الخضروات والسلطه لو كميه قليله اهم شي تاكلينها بصفة مستمره
كل هذا يغنيك بإذن الله ويبعد الألم عن شوشتك الحلوة
وإن شاء الله تطلع شوشكم أكوس الشوش الخاقوقيه
أول مره انقل شي
موضوع جميل وفعلا المشكله موجوده عندنا