اللي قروا رواية طلبتك لا تحاكيني

1. بنات مين قرت رواية *@طلبتك لا تحاكيني*@


2. المسؤول(بدون نفس):وين الهويه؟))

السلام عليكم ورحمة الله

بنات مين قرت رواية *@طلبتك لا تحاكيني*@

ما تحسون ان الكاتبه تعدت على الهيئه بكلامها هذي مقتطفات من روايتها شوفوا ايش تقول:
((تكلم راشد وما انتبهت لتاخير مشاعل ما حست الي واحد يسحبها من ايدها ويجرها بقوه طاح الجوال من يدها وراشد يناديها وما يسمع الا صراخ ..)) اولا:الهيئه ما يسحبون البنات لازم يتاكدون قبل اذا كان صدق عندها علاقات وبعدين الهيئه ما يمسكون البنات ويسحبونهم . ((راح عند الهيئه وسال عن المسؤول هناك دخلوه مكتب شكله قديم ويجيب الكابه جلس قدام الرجال الي شكله يخوف ما يبتسم ابد وحواجبه معقوده ومعصب كان احد طاقه... نواف:السلام عليكم
المسؤول:وعليكم السلام والرحمه
نواف:لو سمحت انا جاي اسال عن وحده جت عندكم اليوم
المسؤول:قصدك احنا جبنها هنا
نواف:نفس الشي ما تفرق
المسؤول:وشنو اسمها؟
نواف:عهود عادل ال.....
المسؤول مسك السماعه ودق على رقم وعلى طول جاله الرد قالهم يجبون عهود للمكتب سكر السماعه والتفتت على نواف الي كان يطالع المكتب بقرف مو قادر يتخيل شلون عهود بنت خالته الدلوعه تجلس هنا...

المسؤول(بدون نفس):وين الهويه؟))

ثاني شي شوفوا وصفها شلون ((يخوف،معقد حواجبه،المكتب قديم ويجيب الكابه،ما يبتسم))
يعني كل هذا برجال الهيئه وهذا شلون يرضى يروح الهيئة ياخذ بنت خالته وبكل قوات عين يتكلم ويجادل،لا وبعد قاعد يناظر بقرف ليه يعني الهيئه مكاتبهم شينه ومقطعه وبنت خالته الدلوعه ما تقدر تتحمل. ((دخل واحد جثه طويل وعريض وشكله كانه سجان يخوف اول ما دخل المكتب رمى عهود باقوى ما عنده وهي من كثر التعب طاحت على الارض ولا قدرت تقوم.... نواف راح عندها وهو خايف لتكون ماتت لانها ما تتحرك,فتح وجهها ولقه لون ازرق واحمر واخضر من الضرب وشفايفها متجمع فيها الدم وشكلها مو حاسه بشي...
نواف(مومصدق الي يشوفه):انتوا شنو سويتوا فيها؟
المسؤول(بكل بروود):ما رضت تعطينا رقم احد من اهلها اطرينا نضربها
نواف(بحقد):انت شلون تسمح لنفسك تمد ايدك عليها؟))
هنا عاد زودتها جثه وطول بعرض وماسكها بعد اصلا رجال الهيئه ما يمسكوون البنت ابدا لو وش تسوي وذي تقول سحبها ومسكها وما ادري ايش.
لا وبعد طقها يعني هي عندها الصح نواف ولد متفهم وما عنده مانع انها تروح الهيئه بالعكس قاعد يقول شلون تتحمل تقعد بهالمكان والله حاله
لا وطقوها بعد ووجهها صار ازرق واحمر من الطق والرجال يتكلم بكل بروود.
بالاخير فيه نقاط كثيره غلط بالقصه وهي:
1-ان رجال الهيئه مكاتبهم معفسه وتجيب المرض .
2_ان رجال الهيئه همج ويسحبون البنات ولايبتسمون وما عندهم احساس.
3_ان الهيئه طقت عهود بهمجيه ولسبب سخيف ويتكلمون عنه ببرود
وش رايكم بنات بالقصه؟؟