اللي ما تحب الحركات الرومانسيه لا تدخل

1. ( 6 )


2. افرشي مفرش للنزهات في البيت و استمتعي بنزهة داخل المنزل .

يالغالية مراحب فيك يالغلا
كل وحدة متزوجة تدور و تسعى باحثة لاهثة لكل ما يمكنها من %%قلب زوجها %%
و نيل حبة و احترامة و لفت انتباهه دائما
فحبيت اليوم اجمع بيت ايديكم بعض الحركات الحلوة
بسم الله نبدأ:
بس لا تنسوني من دعواتكم
و الله الله بالردود الزينة اللي تشرح القلب
اولاً:
اشتري نجوم كثيرة من اللي تضئ بالظلام ... ولصقيها بالسقف عند السرير .. واكتبي فيها (أحبك أو I Love You ) فلما تطفئ الأنوار راح يقراء المكتوب بالسقف
(2)
في أي مناسبة مع زوجك ... اشتري ورود طبيعيه كثير ... وورده وحده بس اصطناعية وحطي الوردة الأصطناعية بالوسط ..... اعطيه الباقة ومعاها كرت مكتوب فيه:
"راح اضل احبك .... لين تذبل آخر وردة"
(3)
اشتري لزوجك مراية شكلها حلو .... بعدين اعطيها زوجك ومعاها الكرت مكتوب فيه:
"في المراية هذي .... راح تشوف اجمل رجل في العالم
(4)
خذي وردة حمراء .. وحطيها في مكان زوجك راح يشوفها ..... واربطي فيها ورقة مكتوب فيها:
"اشكرك لانك دخلت حياتي"
(5)
أصحي مبكر الصباح قبل مايصحى زوجك
وخوذي ورد مجفف ووزعيه على رف الحنفيه (( المغسله )) وحطي بالعلبه الخاصه بأغراض الحلاقه ورده حمراء طبيعيه
وأكتبي على المرآه بروج أو كحل مثلاً (( صباح الورد ياحبيبي )) او تكملين عليها >> نعيماً مقدماً
ويمكن هذي الفكره تصلح أكثر للزوجه اللي عندها دوام وتداوم قبل زوجها لان راح يجلس ويتفاجئ

( 6 )

افرشي مفرش للنزهات في البيت و استمتعي بنزهة داخل المنزل .

• اعيدو قراءة الرسائل و بطاقات الحب القديمة التي ارسلها كليكما للآخر.
• العبو لعبة الغميضه.
• لا تنسي لبس أروع ما لديكِ .
• أضواء الشموع مع العشاء تضيف سحر رومانسي .
• ضعي خيمة صغيرة في فناء منزلك , و اقضو ليلة تحت أضواء النجوم .
• تسلو بلعب بعض الألعاب الجاهزة .
• فاجئيه بحمام ساخن مع الرغوة المنعشة .
• اخبزوا كعكة معاً أو أعدو العشاء معاً .
• اعملي شيئا لطالما الطرف الآخر كان يود منك أن تعمليه.

(7)
شتري صندوق صغير و اوراق محارم ملونه ثم داخل الصندوق ضعي أوراق
زهور حمراء و بيضاء ثم ضعي بجامته المفضلة و رشي عليها عطره المفضل وشيكولاته
و ضعي ورقة تقولين فيها انكي ستكونين سعيده لرؤيته مرتديها
(8)
فاجئى زوجك يوم بأنك تتطلعي له مثل المارد
وتقولي له شبيك لبيك المارد بين إيديك
ولك 3 طلبات تطلبها وراح تنفذ
أمر وتدلل أطلب شو ماتريد
وعقب مايطلب نفذيها على طول وأكيد ساعتها بيكون سعيد جداا .
(9)
هذي الليله راح تكون غير شكل
بس لازم الزوج يكون مرتاح ومزاجه عالي وجسمه نشيط
وما يكون بكرة دوام او عمل بيكون احسن....عشان القعدة اذا طولت تحلى
وعلشاان ما يبهذلك لما تفاجئيه بهاليلة ......الغير شكل
لانه توقيتها بنص الليل قبل اذان الفجر بساعة
بخري مكان معين هادي وعطريه وجهزي ماء بارد وحطي فيه( لقاح)
وحطي بجانب الماء السواك لاتنسيه (مرضاة للرب مطهرة للفم)
الحين روحي لعنده شوي شوي
وصحيه بصوت ناعم .....مو تفززي الرجال ؟؟وتخوفيه؟؟
بصوت هادي ولمسة حانية قوليله ........ تعال يا حبيبي نتعبد ساعة
باقي شوي للفجر قوم نناجي ربنا ....في السحر والناس نايمة
قوم نعدد مطالبنا ونرفع شكاوينا للحي اللي ما ينام
قوم نسبح ونحمد ونشكر لهذا الرب الكريم الرحيم
يلي جمعنا واعطانا هالاولاد والبنات ورزقنا من فضله الكتير
واشعري حقيقة عزيزتي انه الله شايفك وانتي بهاللحظة
واشعري كم من الرضا نلتي باذن الله......وصدقيني ما في احلى
من ليلة تجلسي مع الله تناجيه في ظلمة الليل
ليلة لاتنسى سحرها خاص وطعمها ..........آآآآآآآآه من القلب
صدقيني نهارك كله بيصير غير شكل
انتي بس اعزمي وتوكلي ..........واعزمي زوجك
بهاليلة احلى ليلة العمر
(10)
ثبتي مثلاً من (7 الى 12 ) ورده بخيط وعلقيها على البانيو يعني كأنه ينزل بدال الماي
ومعلقه معها كرت مكتوب عليه ((حبيت أن أغسلك بالزهور يا زهرة حياتي ))
افكار اتمنى تعجبكم
و لله الله بالردود الزينة لأن الأنسان دايم يحتاج لتعزيز و شلون لو كان هالإنسان بنوتة
و البنات يحبون شئ اسمه المدح ..
شئ غصب عنهم ما يستغنون عنه ابداً و الا وش رايكم في احد ينفي هالشئ ؟؟!
مع حبي و تقديري
شدونة