اللي متزوجه خآرج قبيلتها أو بمدينه غير مدينة أهلها تجي

1. يغير من رأيي أو أنه يكدر فرحتي


2. بس تعرفون مهما كآن حنا بشر ولنا طآقه

السلام عليكم ورحمة الله وبركآته
هلا وغلا بأحلى عرايس وفرآشات
الحمدلله انا ملكت قبل فتره
أكيد بتقولون مبروك
الله يبآرك فيكم وعقبآل خواتي واللي مآتزوجوا يآرب
زوجي مو من قبيلتي وأبوي إنسآن مثقف ومتفتّح ومآعنده سوالف القبليه والأقآرب وعيآل العم
لا أهم شي التوافق الفكري والنفسي
والحمدلله تزوجت (ملكت) على شخص قبيلي لكن مو من قبيلتنا بعيد مره عننا وهالشي أنا كنت أأيده من زمآن والحمدلله تحقق لي
طبعاً صخب الأقآرب وأستهجآنهم للفكره والكلام والقيل والقآل ماعطيت أحد وجه أو مجآل أنه

يغير من رأيي أو أنه يكدر فرحتي

بس تعرفون مهما كآن حنا بشر ولنا طآقه

فيه موقف حز بخآطري مره وماتمنيته يحصل تخيلوا جآرتنا الروح بالروح حنا ويآها لنا أكثر من 6 سنوات وحنا الجدار بالجدار قبل تقريباً ام سنه من الآن ملكت بنتها علمتني وهي مآودها تخآف من العين وخصوصاً أن بنتها أصغر مني أنا الحمدلله مآعندي هالتفكير
ومؤمنه أن لكل شخص نصيب ورآح يآخذه بإذن الله أنا فرحت لبنتها وبآركت لها من قلب
وصرت أوصيها تجهز من أمااكن معينه من كثر حبي لها كنت جآلسه عندهم وكآنوا مواعدين خطيب بنتهم يجي ويآخذ خآتم من عندهم عشآن يآخذ مقآس الدبل أنا كنت لابسه خآتم فخم فضّه ومقآسي ومقآس البنت واحد بطيب نيه قلت مآيحتآج ياام فلان تروحين فوق وتدورين لها خآتم خذو خآتمي ويفداكم ،، نآظرت فيني بنص عين وقآلت لالا بجيب الخآتم الألمآس حقي
من داخلي انقهرت مره بس قلت يلله ليش أحقد الحمدلله يمكن مآقصدها ويمكن بتّجمل بنتها قدام الرجآل
حطيت لهم أعذار ،، انقطعوا فتره عننا من ملكت بنتهم تغيروا المهم أنا طابت نفسي لأنهم لايدقون ولايزورون
قلت بكيفهم والغآيب حجته معه بعد فتره زاارونا والبنت نحفانه فجأه قالت الام حنا جتنا عين عيآلي مآنجحوا والبنت عآفت الرجآل قلت سلامات قالت فجأه كرهته وقآلت مآبيك طلقني وطلقها
حسيت من أسلوبها كأنها تلمّح انها عيني :(((( كلامها طعني وأنا ساكته وآسيت البنت وقلت خيره وربي يعوضكِ خير منه قآموا يسبون الرجآل وع بدوي مدري إيش قلت بقلبي محد حآدكم عليه من الأول بس قلت الله يستر علينا وعليه المهم بعدها بفتره أنخطبت وبيوم ملكتي دقت اختي تعزمهم قالت أبشركم أختي ملكتها بكرى ويشرفنا حضوركم طبعاً ملكتي عآئليه ومختصره لأنها جت مستعجله لظروف معينه
على طول قآلت منهو ؟؟؟؟
قآلت لها أختي أنه فلان الفلاني قالت بتريقه ومالقيتوا الا العايله الفلانيه تخيلوا ماقالت مبروك إلا
بعدمآشبعت تعليقآت تسم البدن وقآلت أنا اصلاً تعبانه وماأقدر اجي
ولاجت أنا من طيب أصلي ارسلت لها مسج اتحمد لها بالسلامه على مآجاها
وارسلت لبنتها مسج قلت تمنيت تشآركيني فرحتي لكن تعوضونها لي بالزواج
والله ليومكم هذا لاردوا على مسجآتي ولادقوا
أنا أنقهرت وطنشتهم دايم اتغاظى واقول عيب الجيره والتربيه بس لكل شي حد وبصرااحه المواقف تطلع معآدن النآس
كثرت قرقره بس هذا احد المواقف اللي حطتني فيها عقليات بعض افراد مجتمعنا المنغلقه والمآديه
طبعاً أنا مقتنعه بالشخص لأنه عآجبني وعآجب أبوي وسمعته زي الألمآس ((قولوا مآشاءالله))
هو بمدينه ثآنيه بعد اهلي للآن ينهش بعرووقي وأفكر دايم كيف بعيش بعيده عنهم
حآلياً المعآناة إني بصراحه أشتاق له بس المسآفه بيننا وأستحي أصرح له
والله يعين بعدين لازم اتكيف على بعد الريآض وبعد أهلي وألأجواء الإجتمآعيه والطقوس والعآدات والتقآليد لمجتمعهم
طبعاً كتبت هالموضوع عشآن أشوف معاناة كل وحده تزوجت خآرج نطآق قبيلتها
وسلبيآت هالزواج وإيجآبياته
إما بطرح رأي
أو تجربه شخصيه
أو موقف مماثل
وأخذ تجآرب الأخوات اللي سبقونا بالزواج للأستفاده منها مستقبلاً
دعواتي لكم بدوام السعآده واللي مآتزوجت ربي يرزقها بالزوج الصآلح
دُمتم بِخير
استغفر الله العظيم