اللي يبنا عيت النفس تبيه واللي نبيه عيا البخت لا يجيبه

حسيت بهزة قوية....بالجيب....وصرخات امي واخواني ارتفعت.....وصوت ابوي...والجيب قاعد يتدحرج كذا مرة على الرمل.....عرفت ان صدمنا بتريلا... شلون..ما ادري...يمكن لحظة ابوي يوم شال عينه عن الطريق علشان يرد على امي...ما ادري من سوء حظي او من حسنه...ان تدحرج الجيب وتقلبه على الرمل....خلاني اطيح لخارج الجيب من خلال القزاز المتكسر...صرخت صرخة قوية....وانا اشوف النيران تشتعل قدامي...على بعد مسافة قصيرة مني....ما ادري وين كان عقلي؟؟....ما كنت حاسة لا بالزمان ولا المكان....ماني قادرة استوعب وش اللي يصير....بس لمن سمعت الصرخات....اللي ترددت في الصحراء الواسعة المظلمة....استوعبت ان هذا صوت امي.....يمه.....آآآآآآآآآآآآآآآآآه....م مديت ايدي....الجروح مالية جسمي....كانت النار كبيرة موصلة لفوق...جيبنا صار كورة كبيرة من النار.... حطيت ايدي على أذاني بقوة احاول اني ما اسمع هالصرخات اللي قاعدة تقطع قلبي.. وتوقف الدم في جسمي...وحسيت بشعر راسي يوقف..يا ويلي.....ياربي لا تعذبهم....لا تعذبهم خلهم يموتون بسلام....لحظات...وانطفت النار...هي لحظات؟.....لا اكثر اكثر بكثيير...موب لحظات يمكن ساعات...حطيت ايدي على فمي بقوة اكتم صيحاتي اللي تخترق صمت الصحراء الممتدة....ياويل قلبي....كلهم ماتوا...امي ابوي....سلمان..محمد...خالد...بندر...ً صبرية ... سواق التريلا الهندي...جيبنا صار مجرد قطعة متفححمة سودا.. والتريلا على كبرها منكسه فوق رمال الصحراء ما يصدر منها أي صوت..شفت اشلاء متناثرة وانا اقرب من الجيب...صرخت بجزع.... صرخة لحقتها صرخة ثانية مني....سمعت صياح وبكاء.....وين؟؟..وين هالصوت؟؟؟ طالعت حولي....وين؟؟؟... وين؟؟؟ .. .... ورحت اركض مجنونة على الخط...
فتحت عيوني بتعب.... احس جسمي متشنج.. عرفت ان اللي شفته حللم...او...يمكن كابوس؟؟..ما كنت مستوعبة انا وين بالضبط؟؟...غرفة صغيرة بيضاء قذرة....وحرمتين لابسين عبايات على الراس ويصيحون....حاولت اتكلم بس حسيت بحلقي جاف...كنت بسأل عن اهلي...وليش انا هنا؟؟؟...مرت لحظات ثقيلة على قلبي وانا اقول للنيرس المصرية اللي دخلت" ماء..." سمعتني على طول واسقتني ماء...بعد ما شربت كثير وكأن لي سنين ما شربت....سألت بصوت واطي..." وين...انا؟..." قالت وحده من الحريم اللي متغطيات...وهي تمسك يدي بحنان" ملكه...عظم الله اجرك.." طالعتها...باستغراب...عظم الله اجري...وش قاعدة تقول هاذي؟؟؟...هزيت راسي مستغربة للنيرس اللي طالعت بقههر للحرمه وقالت بصوت مرتفع" الست...ملكه محتاجه للراحه..." وش قاعدين يخربطون هاذولي؟؟ ليش انا متمددة هنا؟؟؟.. وين امي؟؟...ابوي؟؟...مين هاذولي؟؟ تصارعت الاسئلة براسي...وشفت الحريم يطلعوون وهم يشاهقوون... ..لكن انتهت الاسئلة يوم دخل الدكتور علي....تعلققت عيوني فيه وكأنه شيطاان...كنت مفزوعة...انا من خلقتي اكره الابر واخافها موت...وكان ماسك ابرة كبيرة .. .... مسك ذراعي وانا اطالعه بهلعع... قال الدكتور بلهجة عملية باردة" ازايك يا ست ملكة؟..."
فتحت فمي بتكلم ما قدرت... فكمل بلهجة عملية..." ملكه...انت انسانة مؤمنة بقزاء الله وئدره..." شلت ايدي من ايده وارتجففت...وش صاير؟....وش صاير؟؟...ليش الناس تصيح.. مين ذوليك الحريم....ليش الدنيا متشحه بالسوااد....والحزن مالي القلوب....انا فيني شي..... عكست عيوني الاسئلة اللي تدور براسي...فكمل وهو يمسح على ذراعي بالمطهر.." الحادس اللي حصل...كان جامد...واهلك ...." وسكت لحظات ثمن كمل بتردد..." مائدرناش للاسف ننقز اهلك..." وكمل وعيوني توسعت على الاخير وشفتي السفلى ترتعش بجنون" من حسن حزك...ان الحادس ما اسر عليكي...لانك كنتي خارج السيارة..." حطيت ايدي على فمي....اكتم صيحتي المفزوعه...ياويلي...موب كابوس....كان واقع..الاصوات.... المفزوعه... هالصرخات المتعذبه. ...وقعدت اصارخ...بقوة....فمسكوني النيرسز بقوة.... علشان الدكتور يغرس الابرة فيني...لحظات والكل راح عني..مديت ايدي لوجه امي.....كانت تصيح....وشفت ابوي جنبها.....واخواني كلهم....يطالعوني وعيونهم مليانة دموع.....آآآآآآآآآآآآآآآآآآآآآآآآآآآآآآآآ آآآآه....
طلعت من مستوصف عقلة الصقور المركزي....( عقلة الصقور...قرية تبعد عن القصيم ....حوالي المية او الميتين كيلو)....كان الحزن يعصف فيني...وينهشني مثل ما ينهش الدود الميت....طلعت بعد اسوأ ثلاث ايام قضيتها بحياتي.. ثلاث ايام كلها كوابيس....وابر مهدئة ومغذيات...كانت مرت ولد عم ابوي نايمة عندي خلال الايام الثلاثة...تضمني.. .وتشغل القرآن بغرفتي...وتقرالي عن الصبر والايمان بالله وقضاء الله وقدره... وكانت تقولي انهم باذن الله من اهل الجنة...وانهم شهداء...ماكنت ارد عليها...قلبي وعقلي....ماتوا.... والله ماتوا في الحادث....انحرقوا مع ميمتي وابوي...هالحين انا حيه....لكن روحي ماتت....روحي طارت...طلعت من الارض ولحقت هلي...سبحان الله. .. . كنت اسمع هالجمل كثير...لكني ماكنت افهمها...كيف تموت الروح والانسان حي...كيف القلب ينبض وانا ميتة...لكن هاذي هي حال ملكة...هاذي هي حالي...انا...ما تدرون شلون كانت الثلاث ايام الماضية ثقيلة على القلب...تسم البدن....لدرجة احس كأن احد ماسك قلبي بقوة لا ينبض....تذكرت وانا اركب الجيب الرمادي....ابوي...فصرخت... ما قدرت اركبه.... خايفة.. وحاولوا الحريم يدخلوني الجيب وانا رففضت....لالالالا....وقعدت ابعدهم عني....قد ما اقدرر...رجولي حسيتها مشلولة من الخوف....جيب ابوي....جيب ابوي...هذا الجيب اشتراه منصور ولم عم ابوي معه....ياويلي.....لالالا....ما ابي.....روحووا عني....كانت الناس البعيدة عني تطالعني وهم يضربون كف بكف.... اكيد انجنت البنت.... واللي يقول....يا حرام تذكرت هلها...ماحد يلومها....ركضوا علي النيرسز يحاولون يهدووني...وانا مو قادرة....عيوني بارزة قاعدة اطالع الجيب كأنه شبح....شفت ابوي داخل يبتسملي.. .جزعت... لالالا...الله يخليكم لالا...لا تسون فيني كذا...نزلت على رجل ولد عم ابوي...ابي ابوسها عشان ما يركبني الجيب... كان ولده واقف ومعاه مرته....تكلمت مرته منيرة وقالت بصوت عاقل متزن..." خلوها تجي معنا في السيارة.." طالع منصور في ولده عبدالعزيز... وقاله..." خذوها...وانتبهوا لها...." وكمل... وهو يشووف منيرة تاخذني وتسحبني على سيارتهم" انا بخلص اوراقها والحقكم..." رد عليه عبدالعزيز بثقل وعقل" ان شاء الله يبه..." ولحق زوجته اللي تزاحل فيني علشان ادخل السيارة...كنت مرعوبة على الاخير....بس اضطريت ادخل سيارتهم...وانا ارتعش...تمسكت بمقعدها الامامي...وانا ادعي ربي بهلع...ابي الحق هلي...لكن ما ابي انحرق...ما ابي انحرق... مشى عبد العزيز... بسيارتهم ومسك خط وهو مسرع....كان صوت القرآن....سورة البقرة...حسيت نفسي المتحطمة الكسيرة...بدت تنتعش شوي....كان صوت الشيخ علي الحذيفي وهو يقرا الآيات...يدخل الطمأنينه على القلووب..." وإذ سألك عبادي عني...فأني قريب أجيب دعوة ألداع إذا دعان...فليستجيبوا لي وليؤمنوا بي لعلهم يرشدون" صدق الله العظيم...صوت القرآن وتسبيح منيرة مرت عبدالعزيز...والابر المهدئة اللي انغرزت فيني قبل لا اطلع وانواع الحبوب اللي كنت آكلها كل الثلاث ايام اللي فاتت...خلتني انهار....وانوم نوم عميق...
حالي وانا اشوف قبب ومنارات الحرم النبوي يوم دخلنا المدينة...كان اسوأ بكثير من حالي يوم خرجت من المستوصف....لأني سمعت صوت ابوي وهو يردد انه مشتاق للحرم...وكان واعدنا انه اول مانوصل نصلي فيه الفجرر...صوت الآذان يخترق اذني....عشان يرجعني للواقع....قعدت ابكي من جديد...سبحان الله...وصلنا الفجر مثل ماكان ابوي يبي...قلت بصوت متقطع" ابي الحرم....ابي الحرم....ابي اصلي..." طالع عزيز بزوجته...فهزت راسها...والتفتلي تقول..." ملكه...سمي بالرحمن...انت تعبانة...تدخلين هالحين تطيحين هناك..." قلتلها وعيوني على الحررم" ابي اصلي...بدعيلهم يا منيره...بدعيلهم بالجنه..." وافق عزيز على طول بعد كلمتي..وراحوا الحرم...وقف بعيد عن الحرم شوي....لأنه ما يحب يوقف بالمواقف...قطعنا الطريق مشي...كنت اعدي الناس بسرعة..كأن الحرم بيطير عني....دخلت داخل الحرم من جهة الحريم ومنيرة تراكض وراي بكرشتها وهي حامل بالثامن...فتشوني...الحريم اللي عند الباب....دخلت ركض داخل الحرم...وقعدت اتلفت حولي....خنقتني العبرة التفت لمنيرة...وكأني فجأة استوعبت حالي..؟....شهههقت بقوة.....حطت ايدها على فمها تصيح وضمتني بقوة...قعدت اصيح...والناس حولي يهدوني...لكني ما قدرت اهدا...ما قدررت...بدت الناس توقف صفوف عشان تصلي...فوقفت جنب منيرة...بس ما قدرت فطحت على الارض...عشان اصلي جالسة....رجولي ما شالتني...طول ما الامام قاعد يصلي وانا ابكي....آآآآآآآآه يا دنيا تركتيني ووحيدة....بعد ما خلص صلاة...قعدت منيرة تقرا علي قرآن وهي جالسة جنبي...ما ادري كم ساعة مرت...بس بدا الجو يحتر...والناس طلعت...فووقفت بعد ما هدني التعب....والحزن...والجوع...طلعنا لقينا عزيز يطالع الناس يدورنا...عرفنا من شافنا ودلنا على السيارة اللي قربها...كان مشتري فطور...بس ما قدرت آكل...حاولت..والنتيجة كانت اني رجعت كل اللي اكلته....صدق كانوا صبورين ما اتوقع اني في احد بيحتملني مثل منيرة وعزيز....وصلنا لبيت منصور...في حي الهجرة....مشاء الله كان ربي منعم عليه وبيته كبير يرد الروح....دخلت.....
رجعت فكري تايه شبه مفقود........متخدر قلبي وجسمي وبالي...
ساعة دخلت البيت بالناس محشود....والكل منهم يزعج الصوت عالي...
حتى الصغير اللي من ايام مولود....يبكي ودمعه فوق الاوجان سالي...
من هرجهم حبل الحزن صار معقود...في خافقي والموت وقته طرالي...
حاولت اجامل كل من كان موجود...لا شك حزني ترجم احوال حالي..
ياليتني في قبرهم اليوم ممدود....وهم على الخد الوسيعة بدالي...
لاشك حكم الرب ماعنه مردود..آمنت به ربي...عليه اتكالي....
ياه...وانا اشوف الناس حولي لابسه الغامق...والرجال دمووعهم حمررة وهم يعزوني...لها الدرجة اهلي غاليين عند الناس.... كان بيت عمي زحمة خلال ايام العزا الثلاثة...وانا خلال ذيك الايام ما ذقت النوم...ولا قربته... الحريم يجوون يواسيني .. ..وبعضهم يجوون عشان يتعشون بس....والبعض...كانت الشفقة تملا عيونهم...والبعض كانت السخرية تحركهم...سبحان الله...في ناس عقلها ضعييفة لها الدرجة....يتشمتون حتى من المووت؟؟؟.. ...حتى الجوع ماكنت احس فيه....والغريبة...ايام العزا ما بكيت....كنت ساكتة...كنت اطالع الناس حوولي...وفعيوني حززن ودموع مو راضية تنزل...كنت لابسه جلابيه كحلي ولافة على راسي شيلة....والحززن زاد عمري كثير....كنت اشوف الاطفال يبكون...من بكا اهلهم.... صدق انا المعنية بالحزن...كنت مذهولة...وعشان كذا ما بكيت؟؟...يمكن...انا ما ادري ليش؟...يمكن بكيت كثير خلال الايام اللي قبل...حتى حسيت ان دموعي خللصت...يمكن...عيوني المنتفخة...وجفوني المتجرحة...كانوا شاهدين على حزني...صوتي المبحوح ولمستي المهزوزة كانوا شاهدين علي بعد...اللي ذبحني...يوم شفت دموع رجال العايلة....يمكن انا من النوع اللي يتاثر بدمووع الرجال.... هالني الموقف...يوم شفت منصور يرمي شماغه على الارض بالحوش على التراب ويدعسسه بقوة وهو ينتفض....كان متماسك عشان الناس لكن انا اللي شفت دموعه...حطيت ايدي على قلبي وشفتي تهتز...نزلت دمعه وحده حارة على خدي..وشهقت ودخلت داخل....كنت اشوف مرت منصور موضي....قاعدة على الكنب وجنبها منيرة وثنتين من بناتها....كانوا يتهامسون....لمن وصللت وقف الهمس...انحرجت وعرفت اني مقصودة بالحكي..ابتسمتلي منيرة واشرت لي عشان اجالسهم...فجلست يمهم...وصبتلي عزيزة قهوة ومدت لي الفنجال...شلته وقعدت اطالعه...القهووة....ريحة القهوة رميتها على الارض بسرعة فانكسرت...وقمت مذعوورة ورحت اركض لغرفة عزيزة اللي انوم فيها... وقبل ما اطلع.....سمعتهم يقولون" لا حول ولا قوة إلا بالله..."...
يتبع........

امني عيني الحزينة برؤياكم......ولي زل يوم قلت باكر تجوني
ولي حل باكر انتظر واتحراكم.....علكم تطلون بنظرة تحتويني...
بس اتحرى شوفتكم واتمناكم.......على امل يوم جديد تبوني...
واشوف يومي مثل باكر بلياكم....لا واعذابي من رجاوي سنيني..
مر على موت اهلي فترة طويلة...كل يوم ينقضي في بعدهم كانه سنة...وكل لحظة تمر...اكبر فيها اكثر وحزني يعمق اكثر...حتى شكلي كان يخرع...كنت نحيفة مرة... والهالات تحت عيوني....من غير عيووني الحمرا من كثر الصياح بالليل والنهار....زاد على حزني غربتي عن الرياض...ديرتي وديرة احبابي...وكل هلي....ما تصورت بيوم اعيش بعيدة عن ديار آل سعود...ما تصورت بيوم...تحذفني الدنيا فمكان عمري ما شفته ولا عشت فيه لحظة...فمكان اسمع عنه...لكن عمر رجلي ما وطته...هالمكان....صار ديرتي الجديدة....وصار لازم اعيش فيه...ولازم اتعود على هواه....ولازم اتقبله سواء رضيت او ما رضيت.....وانا لسه على حزني...بنفس قووته وبنفس المه....
بعد ما بديت اطلع من حزني...بديت انتبه للي يصير من حولي...وبديت ارجع للواقع....انا هالحين في بيت عمي الكبير...سعود...اللي جا وخذاني من المدينة لجدة وطلعنا دبي...بعدين هو راح يخلص اموري الباقية....عياله هم اخواني وبناته هم خواتي...دخلت قلب الكل إلا وحدة....يمكن خلال حزني ما كنت انتبه لهاذي الوحدة...وماكنت حاسة انها تكرهني...لكن هالحين بعد ما بديت اصحصح واطلع من الصومعه اللي انا فيها....تنبهت لعيونها اللي كانت تآكلني...لغيرتها على كل شي ينعطا لي...على الحكي اللي ترميه وهي رايحه وجايه...
هاذي الوحده اسمها بدرية وهي بنفس عمري بالضبط.....انسانة انانية...ما يهمها بالدنيا شي إلا نفسها...وراحت نفسها...ما اعتقد ان في احد خارج عيلتها يحبها...عفراء....البنت الحبوبة...الطيبة والعاقلة....وهاذي الكل بالكل....وعمرها اربع وعشرين سنة...وصراحه دخلت قلبي على طول...لأنها عيت تفارقني من دخلتي بيتهم...كانت تهتم فيني وتشغل القرآن في غرفتي....وتجيب لي الغدا والعشا لغرفتي...وما تروح ليما تشوفني آكل....
سلطان....سلطان هذا شخص رهيب...عليه خفة دم...تخليك تضحك حتى لو انت حالف انك ما تضحك...حتى لو انت زعلان وضايق خلقك...سلطان عمره 26 سنة...لكن فيه براءة وطفولة...لا يمكن تلاقيها بشخص بنفس عمره....بعكس محمد اخوه....اللي عمره 14 سنة...واللي مكبر نفسه ويعتمد عليه عمي سعود اكثر مما يعتمد على سلطان....
واو...نسيت اقولكم عن العسل ريمووه...ريما...هاذي قمر العايلة...دلوعة العايلة...اللي لو تطلب وش ماتطلب يجيها...وهاذي لو دخلت قلبها...فانت كسبت كل شيء ولو ما دخلته فعليك السلام...
مرت عمي...نوره.....انسانة حبوبة لابعد درجة وفيها من الطيبة اللي لا يمكن تلاقيها بمخلوق...لا يمكن ما تدخل قلبك...اول ما جيت شالت الدنيا علشاني...حطتلي احسن غرفة..وفرشتها باحسن اثاث...وكل يوم تنزل السوق وتقضالي... وما تنام ليما تمر على غرفتي عشان تاكد....اني نمت ومو قاعدة اصيح...حتى لمن ترتفع حرارتي...تسنتر بغرفتي...ولا تطلع منها لين ما تحس اني خلاص تحسنت ووضعي صار احسسن...واحلى ما فيها انها دايم تدعي بالخير للكل...وما اذكر خلال الشهرين اللي قضيتها بحززني وهمي اول ما جيت اني سمعت منها كلمة سب او لعن...وحتى إذا جات تلعن قالت.." يلعن ابليسك....او يلعن شيطانك او عدووك..." ذكرتني بامي حبيبتي..
عمي سعود...وش اقول عن عمي سعود؟....شخصية غريبة... مزاجيه...إذا عصب يخرع وإذا كان رايق ما في احلى منه بهالدنيا...كان يعصب على الكل...إلا انا ما كان يقولي كلمة وحدة تزعلني....وهذا الشي كان يخلي بدرية تعصب...وترمي حكي كثير لا له اول ولا له تالي...لأنها تغار على ابوها بشكل مو طبيعي...حتى انها تغار من امها على ابوها...ويتكدر صدرها ويضيق خاطرها إذا شافت عمي يعطي احد فلوس...رغم ان ربي فاتح عليهم ومعطيهم....كافي انهم ساكنين بمنطقة سكنية ممتازة....راقية...ما عليها أي كلام...
دخلت علي عفاري وانا قاعدة اكتب خواطر وصرخت يوم شافتني جالسه في مكاني قالت بعصبية ملكه؟؟؟... ورفعت عيوني لها...كانت لابسه فستان فيروزي مطرز بورود فوشيا...عشان ملكة بدرية...قلتلها وانا اقفل الدفتر اللي معي.." وشو؟؟
ضربت الارض برجلها ومشت سيده على غرفة الملابس حقتي وسمعته صوتها وهي تقول" الناس بدت تجي...وانتي ولا تحركت من مكانك.." تاففت وانا اقوم عشان اروح ل عفورة قلتلها وانا اشوفها غاطسه داخل الدولاب " عفورة عيوني..مانيب نازلة تحت..." وكملت بخفة دم" بدرية راح ترتاح اكثر كذا.."..طلعت عفراء اخيرا من الدولاب...وهي ماسكة فستان ليموني وقالت بعصبية" ملكة..مية مرة قلتلك بدرية من جواتها طيبة"... ثمن كملت" والله راح تززعل لو ما شافتك.." مديت بوزي كملت" يله البسي...فستانك" قلتلها وانا آخذ الفستان " اف" قالت عفراء وهي تسوي حركات بعيونها" خلينا نروح نرفع ضغط بدريوه..." رديت وانا ميته ضحك" ههه...يا شين النجاسه...والله تنزل من الكوشة وتكفخنا..." ضحكت عفراء وهي تروح للتسريحة وطلعت المكياج الي اشترته لي من فترة....ولا.لمسته...التفتلي وانا قاعدة اطالع في الاشياء اللي هي قاعدة تطلعها...وصرخت" ملكه..." قلتلها" طيب...طيب..." ورجعت غرفتي عشان البس...يا ربي...قعدت افكر وانا البس...يعني لازم احظر ملكة بدرية...طيب هي ما تطيقني ولا تواطني...يعني راح تنبسط إذا ما شافت خشتي بين الحظور...حاولت اقفل السحاب اللي على جنب وانا افكر...والله مسكين يا مساعد...شفت صورته قبل كم يوم....هو من صوب وبدرية من صوب...هو من اليمين وهي من الشمال...ما فيه أي توافق فكري او شكلي بالمرة...ابتسمت بانتصار وانا اقفل السحاب...ودخلت على عفورة اللي قاعدة تعدل مكياج عيونها...صفررت وهي تشوفني" وش هالزين...وش هالزين..." ضحكت لها....كان فستاني بسيط لابعد حد....ساتان ضيق ما فيه أي شي...بدون اكمام...مشطت شعري وحطيت عطر...قالت وهي تشوفني ادور على الصندل الليموني حقي" ملكه؟؟؟.." رديت عليها وانا مشغولة" ما نتيب حاطه مكياج؟؟؟.." ما رديت عليها كنت عارفه انها راح تعصب....وما راح تعطيني مجال اتكلم....لبست الصندل حقي بالقوة...وقعدت اربطه كان كعبه عالي...يا ساتر هو انا خلقه نخلة...ومع ذا الكعب طلعت ناطحة سحاب....
قرربت من عفاري اللي استلمت وجهي...وقامت تحط عليه من كل لون وكل شكل....احمر اصفر اخضر....وكحل اسود...وبعدين رجعت وحددت عيني مرة ثانية بالكحل السايل...بعدين حطت لمعة ذهبي...على عيوني...ورجعت تمزج الالوان كلها الي في العلبة....كنت ساكته عشان ما ازعلها...خصوصا اني احبها موت...وحاسه نها ما راح تكون اغلى من اختي لو عندي اخت...انهت المكياج العجيب...بضربتين بلاشر...على خدودي اللي طلعت كان احد قارصها...ثمن حطت على شفايفي روج احمر صارخ....صرخت بفزع يوم شفت شكلي....قلت ل عفاري اللي كانت نظرات الاعجاب تنط من عيونها" حرام عليتس....وش انا مسوية يوم تعاقبيني بهالشكل؟؟؟" قطبت عفاري حواجبها وكشرت عرفت انها ززعلت...فوقفت وبستها على راسها وقلتلها" امزح معك يا البايخة...حتى شوفي ما راح اعدل بمكياجي ولا شي..." وطلعنا انا وياها من الغرفة.
وانا طالعة من غرفتي مع عفاري قررنا نمر على عروستنا عشان نشوفها...وليتنا ما مرينا....كانت قاعدة تصيح ومخلصه كل علب الفاين اللي في البيت... قطععت قلبي...غصبا علي...يعني ليش تبكي؟؟...والله مساعد قمر...قلتلها وانا ابوسها" الف مبروك يا عروسه..." وكملت عفاري وهي تنطنط من بينا" وعقبالنا يا ملكه..." قالت بدرية وهي تبكي" شوفوا كيف شكلي؟....اه...طالعه اخرع....يمه والله مساعد بينتحر..." طالعتها وانا ابتسم غصبا علي وجواتي قلت والله يا بدرية ان اليوم شكلك احلى من أي يوم ثاني...قالت الكوافيره اللبنانية بعصبية" شوهيدا؟؟؟...ما بيصير هييك... لازم توئفي بكي..." قالت بدرية وهي تمسح عيونها بقوة وتخرب الكحل" عفاري...شوفي كيف ملكه؟؟.." التفتت عفاري لي وانا طالعتها مستغرربة....كملت" تشمت فيني...وتضحك علي...عشانها طالعة احلى مني..." حطيت ايدي على قلبي وقلتلها وانا صادقة" والله ما قصدي تشمت يا بدررية...والله انك طالعة قمر..." عيت تسمع كلامنا....وعلا صوتها وصار مشاهق وسمعنا صوت عمتي نورة اللي دخلت الغرفة....قالت وهي تحط يديها على راسها" يا وجه الله...وش ذا؟؟؟.." فكرت وانا اطالع بعمتي نورة وبدرية..." الله لا يلومها إذا تخرعت...بدرية خشمها احمر وعيونها تنفخت من كثر ما صاحت والكحل سايح على الاخير..قالت اللبنانية بعصبية وهي تطلع سيجارة من جيبها" مافي اشتغل....ما بيصير هيك...والله ما بيصير..." قالت عمتي نورة وهي تطالعني وتبتسم" بسم الله عليك يا ملكه..." ورفعت يدينها للسما" يا رب ترزق ملكه و عفاري العريس الصالح..." علا صوت بدرية...بالصياح اكثر...لحظات وسمعنا صوت عمي...اشرت للبنانية تطفي سيجارتها...لأن عمي راح يمسح فيها البلاط لو شاف السيجارة مولعة في بيته.. اما انا رحت انخشيت ورا عفاري ادور لي شرشف صلاة...عيب اقابل عمي كذا..ما تعود يشوفني وانا لابسه كذا....اخيرا لقيت شرشف الصلاة على دخلت عمي...
بدرية سمعت صوت عمي سعود...قطمت على الاخير...ولا تكلمت...قال عمي بعصبية" وش فيك تصيحين؟؟..." كان معصب...يوم شافني ابتسم...وقالي وهو يحط يده على راسي.." طالعه على عمك مزيونة..." ضحكت عليه" ههه..." ردت عمتي نورا وقالت" اقول....والله انها ازين منك مية مرة....طالعه لاهل امها..." قام عمي قاطعها" والله ان خشمها وعيونها لنا..." قاطعتها عمتي " كل العيال الحلوين قلت طالعين لك..." قاطعتهم لأني عارفة انهم راح يطولون" بدررية..خايفة ومستحية يا عمي..." تذكر عمي ليش هو داخل الغرفة...ولف عليها وقال لها" هاذي ملكه يا بنيتي...يعني بس بيشوفك ويروح..." اهتزت شفايف بدرية تبي تبكي...بس شافت عمي يوم عطاها ذيك النظرة...فاشرت للبنانية عشان تجي تشتغل ف وجهها....لف هو وطلع.....فقالت لي بدرية" لا تدخلين في الامور العائلية مرة ثانية..." سكت وما قدرت اقول شي غير لاحول ولا قوة إلا بالله جواتي...
دقايق وركضت وراي عفورة...وقالتلي واحنا ننزل الدرج" ماعليك منها...والله قلبها طيب" قلتلها وانا اغير الموضوع..كافي ان العبرة خانقتني" جاب سلطان الاشرطة اللي طلبتها منه..." قالت عفاري" أافا...كيف تتوقعين ان سلطان يكسرلك طلب....انتي لو تطلبين عيونه يعطيك اياها..." قلتلها وانا اقرص خصرها" خلاص عاد...بلا مصاخة...." قالتلي وهي تبتسم " تذكرين يوم طلبتي جلسات حسن بلونه...ا تصدقين انه وصى عليها واحد من اخوياه اللي بالسعودية عشان يجيبها وش تبين اكثر..." سكت وانا احاول اني ما افكر بكلام عفاري...سلطان مجرد اخ ولا اعتقد اني اعتبرته اكثر من كذا بيوم...ولا اظن مشاعري راح تتغير اتجاهه...صح انه وسيم .....ولا عليه خلاف...لكن ما اعتقد اني اقدر اتزوجه....آآآآآآآآآآآه والله خايفة يحرجووني اهله إذا خطبووني...كافي عمتي نورا لها كم يوم...وهي تلمح على موضوع الزواج....يارب ما يكون سلطان قايل شي لها....
دق جوالي..فرديت عليه بعد ما شفت اخوي يتصل بي...رديت على سلطان اللي من سمع صوتي قال وهو بيتشقق من الفرحه" اعجبتك الجلسات؟؟...." سمعت صوته عفاري وغمزت لي...ضربتها على راسها ورديت على سلطان واحنا ندخل على الصالة اللي فيها البنات..." مع عفاري...اسمعهم..واعطيك خبر.." قالي...بصوت واطي" لا تعلمين...احد غير عفاري انك طلبتيها مني؟؟..." استغرربت من طلبه وقلتله وانا اهز راسي..كأني اشوفه قدامي" ان شاء الله....يله...سلطون...لازم اقفل هالحين..." قالي قبل لا قفل" لالالا...لحظة..." بعدين سكت وقلت وانا استعجله" يله عن الفضايح وش بيقولون الناس....مين هاللي تسولف بجوالها طول الوقت..." قال وهو منحرج" ايه...متى ندخل مساعد؟..." دقيت عفاري وقلتلها...فقالت " تو الناس....خلوه ينتظر..." عصب سلطان وقال" وين تو الناس...الرجال جاي من سفر...يعني التعب هاده..." قلت كلامه لعفورة اللي قالت وهي معصبة وتقرب من وحده من خوياتها عشان تسلم عليها" ينتظر..لو ما انتظر هالحين متى بينتظر؟؟؟..." رددت كلامها لسلطان اللي عصب وقفل الخط بدون ما يقول مع السلامة...
جاتني ريما وانا قاعدة جنب وحدة من صديقات عفورة....كانت لابسه فستان ابيض منفوش...ومسوين لها شعره كيرلي..قالتلي وهي تمسك رجلي..وترفع راسها فوق عشان تشوفني" ملكه؟؟.." قلتلها وانا اقرص خدها" عنون ملكه.." ردت ريما وهي تاشر على الباب الرئيسي.." تعالي شوفي..." طالعت فيها....اكيد واحد من عيال الجيران طاقها...خصوصا ابوحميد...ما يترك احد بحاله....لازم يطقها على الرايحه والجاية..بس المشكله ان ابو حميد يحبني موت.... ويحترمني بزيادة...صعبة اني اهاوشه..ناديت عفاري...بس كانت مشغولة...ف شلت نفسي...ولحقتها عند الباب...كنت مثل ناطحة السحاب المتحركة...ياله امشي...ورجوولي تعورني..الله يسامحك يا عفاري...يعني من القصر اللي فيني عشان تجيبلي ذا الكعب اللي يوم شافه محمد بغرفتي قبل يومين صرخ مفزووع" بسم الله...وشلون تدخلينه برجلك ذا..." يا حليلك يا محمد...ما تدري عن الحريم وبلاويهن...كل هذا عشان نطلع اهل العروسة احلى من اهل العريس...بس يا حبيلهم اهل العريس...والله ناس حبابة وطيبة..وماعليهم خلاف...
فتحت الباب...وطليت شوي شوي عشان اشووف مين اللي تبيني اشووفه ريما....لحظه او اقل...إلا في واحد ناط بوجهي مسوي فيها سربرايز...قالي " هوه..." صرخت بفزع وطحت على ظهري يوم حاولت ارجع...لكن عيوني تعلقت باحلى عيون في الدنيا...هالعيون اللي اختفت على طول..ولا قدرت اتاملها ولا اعرف مين صاحبها؟؟؟؟!!!!!
الفصل الرابع...
نظرة ولع لمحتها في عيونك....فيها معاني فايقة كل توصيف...
لالالا تكابر...كل نظرة تخونك...ترى النواظر صادقة مابها زيف...
التفت حولي وحاولت اقوم بس الكعب العالي جنني...وحلفت ماعاد البس كعب بالمرة...شفت ريما انحاشت وتخبت ورا عفورة...اللي يوم شافتني جات بسرعة عشان تساعدني...قدرت عفاري تساعدني عشان اوقف..فابتسمت للناس اللي قاعدة تطالعني...بابتسامة معناها انا بخير لاتخافون...تنهدت غصبا علي...وقلت لعفاري بحماس...وانا اضرب خدودي من الفرح وبصوت واطي" يوه يا عفورة...يوه" ردت واهي ترتب شعريبصوت واطي" وشو؟؟..وبعدين قصري صوتك..." قلتلها وانا اسكر باب الفله المفتوح...واهي ترتب فستاني:" يوه...شفته...شفت احلى عيون بهالكون...وش اقول وش اقول يا عفورة.." وكملت وانا اشوف عفاري مبحلقة فيني...وكأن فيني شي من الطيحة" فارس احلامي يا عفاري...فارس احلامي اللي انتظرته كثير..." ضربتني عفاري بخبطة خفيفة على كتفي..وقالت بغرور" وش تقولين؟؟...ها...اكيد انه سلطان اخوي.." قلتلها وانا امشي معاهاعشان ندخل المطبخ نجيب سلة حلويات غير السلال اللي بدت تخلص" لا ياحبيبتي...والله ذا موب سلطان..." فاحت ريحة القهوة والهيل..والشاي والنعناع...وشفت انواع زحمة الشغالات وقرقرتهم...بس ما اهتميت كملت وانا ارفع فستاني عشان ما اطيح على البلاط المطبخ الي يزحلق..." سلطان حافظه شكله زين...صح انه حلو..بس" كملت وانا احس خدودي محمرة على الاخير من كثر ماني مستحية من ذيك العيون" والله اكلني بعيونه يا عفاري...سلطان نظرته غير..." ضحكت وقالت بغرور" طبعا...الله يخلي مكياجي عشان تكون نظرته غير...ولا لو عليك كان طلعتي للمعازيم من غير مكياج...." فتحت فمي برد عليها...وانا افكر فجاة يا ويلي...يمكن منفجع من الوان قوس قزح اللي فوق عيني...لكن....دخلت عمتي نورا...وقالت وهي متنرفزة ومعصبة" يا ناس ذبحتني هالبنت...بتجلطني....بتجلطني..." طالعت فيني عفاري وضحكنا سوا...على كلام عمتي نورا...اللي انتبهت انو احنا موجودين وقالت وهي توقف جنبنا" ليش واقفين هنا؟؟...روحوا استعرضوا بالصالة..." وبعدين التفت لي وقالت" ملكه...ادخلي معي عشان تسلمين على الحريم.." هزيت راسي وقلت وانا اطلع مع عفاري" ما ابي...ما ابي اسلم على الحريم..." قالت عفاري وهي تتمخطر بفستانها على اقل من مهلها" يمكن تشوفك ام العيون الحلوين..." تنهدت غصبا علي..فضربتني عفاري بقوة على كتفي عشان تصحيني وقالت بصوت واطي انتي ناوية تفضحينا اليوم...يا ساتر..." قلت واحنا ندخل الصالة من جديد" غصبا علي يا عفاري...غصبا علي..انتي لو بس لمحتيه والله ما تلوميني..."
دخلت علي عمتي نورا وجاراتها وسلمت عليهم كلهم من اليمين للشمال.....وانا شايلة سلة الحلاو الكبيرة اللي هدت حيلي....كانت السلة مرة فخمة...واشتغلنا عليها انا وعفراء.....ورصعناها بالكريستالات...والكلف الكشخة...وحطينا فيها ورود طبيعية...نفس اللي في باقة بدرية... كانوا الحريم مشاء الله ماليين المجلس كله...والمجلس كبير..فحسيت بظهري انكسر وانا اسلم عليهم...خصوصا ان في حريم كبار فكنت اسلم عهليهم وهم جالسات...وكل وحدة تمسكني تسولف علي كم دقيقة....بعدين اضطريت اوقف عشان اساعد عمتي نورا...في صب القهوة.....اللي بديت اتقبل وجودها غصبا علي...بعكس اول ايام العزا....كنت إذا شميت ريحتها اقعد ارجع واصيح...تقريبا ساعة وانا ادردش على خفيف مع الحريم واصبلهم القهوة...بعدين طلعت مع عفاري اللي جات تاخذني...شفت خالتهم حورية اللي هي اخت عمتي نورا...تاكل عفاري بعيونها اكل...فلمن طلعت مع عفاري علمتها...فحمرت خدودها وقالت وهي تطالع الارض" والله؟...طيب ما شفتيها تكلم امي عنشيء..؟؟؟" قلتلها وانا امط شفايفي" يعني كذا مرة...بس ما اتوقع انها خطوبة...." اضربتني على كتفي وقالت وهي معصبة" يا ساتر...ما تعرفين تجاملين...مالت عليك....بدل ما تفرحيني..."قلت بلقافة واحنا نطلع الدرج ببطء علشان فساتينا" ليش؟؟...عندها عيال حلوين؟؟.." قالت عفاري بخججل" عندها جاسر الله يخليه لها...." قلت بلؤم" يا هوه...وهالجاسر داري عنكم؟؟؟... وعن علومكم؟؟؟.." قالت وهي توقف لحظة وبعدين تكمل مشي" ما ادري..." سالتها يوم وصلنا فوق " تحبينه؟؟..." طالعتني كاني قلت شي محرم...بعدين تنهدت وقالت ايه...من كنت صغيرة..." وكملت بصوت تبعان: لي حبيب فاق توصيف الجمال؟؟؟؟مستحيل القا له شبيه احد...." سالتها وانا اسمع صوت التصفيق تحت واصوات البنات واغنية من اغلى ناسي...." طيب ليش؟؟...احس بنبرة حزن بصوتك؟؟؟.." قالت وهي تبتسم ببطء" زوج خالتي....يبيه ياخذ بنت عمه..." وهزت كتوفها بحسرة" عشان كذا....انا مو قادرة اتزوج....احس اني إذا تزوجت غيره راح اموت..."
ترددت فوق ادخل غرفة بدرية ولا لا...بس بالاخير قررت ادخل واللي يصير يصير..دخلنا لقينا اللبنانية تشطب على اللمسات الاخيرة...ضربتين بلاشر..وتحطلها ملمع...فوق الروج حقها...قالت لها عفاري وهي تضبط شعرها على خفيف" قمر...والله قمر....الناس راح يحسدون مساعد على البنت اللي ماخذها..." ردت بدرية بدفاشة"مرة..."وطالعت فيني بنظرة غريبة...ما عرفت وش القصد منها؟؟؟ قلت وانا اعطيها ظهري...واطلع لها عطوراتها" اي عطر تبين تحطين منه؟؟؟" قالت بعصبية" وانتي؟؟...وش دخلك؟؟.." التفت وقلت لها بلامبالاة وانا اشوف اللبنانية تجمع اغراضها" انتي بنت عمي...سواء رضيت او ما رضيت....عشان كذا بخاف على مصلحتك..." وكملت بهدوء وانا ارجع اطلع العطور اللي في الدرج حق التسريحة" على فكرة...ترى يقولون ان الرجال تعجبهم العطور الخفيفة المنعشة...مثل هذا..." برطمت بدرية على الاخير؟؟؟؟شفت اللبنانية تطلع فقلت لعفاري وانا اطلع معها" بوصلها وبرجع لكم..." لكن بدرية ردت بوقاحة" ماله داعي...اخت واختها..وش بتسوين بينهم..." اعطيتها اشكل ومشيت...مع الكوافيرة...كنت افكر....ليش بدرية تكرهني لهالدذجة؟؟؟...يعني ما اذكر اني سويتلها موقف سخيف...او حتى اخذت منها شي يخصها؟؟؟...بالعكس اصلا انا انسانة اجتماعية بحتة...وهالشي معروف عني وين ما اروح...دردشت مع اللبنانية على خفيف ليما وصلنا الباب اللي تحت...ودقيت على جوال محمد...
محمد" الو....
ملكه: هلا ابو حميد....كيفك؟؟...
محمد: هلا هلا..بملكه...انا بخير تبين شي؟؟
ملكه: ايه الله يعافيك...خل علي يوصل الكوافيرة....
محمد: ان شاء الله...هذا هو علي...(بعد الجوال عن فمه...ونادى يا علي)...سمعت صوت علي ومحمد يكلمه...
محمد: خلاص ملوكه....خلي الكوافيره تطلع....
ملكه: ان شاء الله.....
ودعت الكوفيرة بعدين جيت برجع اطلع ارتاح بغرفتي شوي...بس مسكتني عمتي نورا...مع ذراعي...
عمتي نورا: حبيبتي ملكه...العريس شوي وبينوم...خلينا ندخل بدرية وبعدين ندخل الناس للعشا...
ملكه: بس تو الناس عمتي( واشرت على البنات اللي يرقصون) شوفي كيف؟؟..حرام...
عمتي نورا: الله يهديك يا ملكه....بندخل لهم بدرية ويرقصون نص ساعة وبعدين لازم المعرس يدخل....
ملكه: يعني اطلع واقول لبدرية تخلص...
عمتي نورا: ايه الله يعافيك وكلمي سلطان عن شريط الزفة...
ملكه: من عيوني الثنتين...
طلعت الدرج ودقيت على سلطان:
سلطان: يا مرحبا مليون ولا يسدون...
ملكه: هلا سليطين...
سلطان: ما تقولين سليطني إلا وانا مسوي مصيبة...صح؟؟
ملكه: لا ابد....وين شريط الزفه؟...اختك بتدخ...
قاطعني: شريط الزفة؟؟...شريط الزفه( وكانه يفكر)...ايه تذكرته...
ملكه: لا بدري...والله ان تغتالك بدريوه لو تدري انك ماجبته من عند خويك...
سلطان: لالالا موجود...بس..بسيارة وافي....
ملكه: وافي؟؟؟
سلطان: ايه ايه..خالي وافي...بس اناديه بسمه لأنه اكبر مني بثلاث سنين...
ملكه: طيب طيب...روح لخالك وخذ منه الشريط بسرعه....لأننا بنزف بدرية هالحين مع السلامه...
سلطان: ملكه؟؟؟
ملكه: نعم
سلطان: رقصتي؟؟؟
ملكه: ههه...ايه اكيد....
سلطان بعصبية: انخطبتي؟؟؟...
ملكه: لالا...ما انخطبت حرام عليك ما ابي العرس من الاساس....يله سليطين...لازم اقفل هالحين...باي...
سلطان وهو مبسوط: باي...
يتبع........

آآآآآآآآآآآخ هذا اللي يقهرر كثير قروا وولا وحدة كتبت رد

ولا تنقهرين
انا قاريه القصه من قبل وهي صراحه من اروع القصص بالنت جدا رائعه
وان شاء الله تلقين تفاعل
ماحبيت اطلع بدون رد

للاسف القصه سبق ونزلتها الاخت عربجيه دلوعه وقراناها ...............حبيت ابلغك حتى مايحذفوها لكى ويتعبوكى وارجو لك التوفيق
تابعينى بقصتى الجديده اه لو تدري بشعوري غيبتك تنهى حضوري

اها مشكورين لانكم بلغتوني قبل لا انزل بارت جديد
تسلمو