اللي يبى فوق التسعين للقدرات والتحصيلي

السلام عليكم
كيفكم فراشات
انا نزلت الموضوع لانو قربت الاختبارات واختبارات القدات
ولاني انسانة كنت خايفة بقد شعر راسي من القدرات والتحصيلي
بس دي شوية نصايح من اختكم المجربة <<<خ حسيت نفسي جده
المهم
1-
اول شي الدعاء مالكم الا الدعاء وبركة والدينكم
2- لازم يكون عندكم فكرة عن الاختبار كيف ومتى
اعتقد انتو السنة دي صارتلكم فرصتين فداا شي جداا كويس
دي المعلومات
الاختبار حيكون قدرات وتحصيلي في نفس اليوم
6 اقسام 4 للتحصيلي كيميا وفيزيا ورياضيات احياء اغلب الاسئلة من تالت وشوية من اولى وتانية وتراها سهلة وموجوده في الميموري بس شوية تنفيض غبررة لاتخافوو ابدا
2 قدرات قسم للكمي اللي هيا اسئلة تفكير وقسم للفظي مترادفات واشياء لغوية سهلة جددا
بضو سهلة بشوية اطلاع قبل الاختبار
الكتب اللي تحتاجوها
كتاب التدريب للقدرات تبع شركة قياس ...
كتاب الامين
وفي مذكرة رائز دي غالبا ما تكون موجوده دورولها من بدري
لاتكترو على نفسكم بالكتب مرة
واا عندكم وقت خدو كتب رام
والموقع المفيد جدا جدا موقع يزيد
اقلكم تجربتي احم احم
انا انسانة مهملة لكن شطوورة <<كيف تجي مدري
ما اهتميت ابدا
الاقبل الاختبار باسبوع فريت كتاب القدرات تبع شركة قياس
واشتريت رام للتحصيلي ولا استخدمته
زي ما هو جديد
ولفلفت في النت شويتين وبس
وابشركم جبت درجات فووق التسعين ما شاء الله عليياا ,,<<<الله اكبر من عيون الحاسدين تفتف خمسة وخميسة <<< قلبت مشعوذة
واديني دخلت طب
مع العلم نسبتي في الثاانوية جدا كانت مخسوفة يعني ما زادت عن 95 الله يفشل ابليسي قولو امين
يعني لا احد يقوولكم تراه يخسف النسبة ويقلع من الجامعة ويحطم الامال ويذه العقول و....الخ تعبت الكتابة
المهم لولا الله ثم القدرات والتحصيلي كان ما شفتوني دحين دكتورة اد الدونيا <<<برضو ما شااء الله ... ان شاء الله يارب
اي استفسار انا تحت الخدمة
ولسا عندي معلومات مهمة واماكن دورات مجانية
لي رجعة اذا تبو
استنى الردود
بالتوفيق