اللي يبينا عيت النفس تبغاه واللينباه عيا البخت لايجيبه روايه روعه

..الفصل الثاني..
حسيت بهزة قوية....بالجيب....وصرخات امي واخواني ارتفعت.....وصوت ابوي...والجيب قاعد يتدحرج كذا مرة على الرمل.....عرفت ان صدمنا بتريلا... شلون..ما ادري...يمكن لحظة ابوي يوم شال عينه عن الطريق علشان يرد على امي...ما ادري من سوء حظي او من حسنه...ان تدحرج الجيب وتقلبه على الرمل....خلاني اطيح لخارج الجيب من خلال القزاز المتكسر...صرخت صرخة قوية....وانا اشوف النيران تشتعل قدامي...على بعد مسافة قصيرة مني....ما ادري وين كان عقلي؟؟....ما كنت حاسة لا بالزمان ولا المكان....ماني قادرة استوعب وش اللي يصير....بس لمن سمعت الصرخات....اللي ترددت في الصحراء الواسعة المظلمة....استوعبت ان هذا صوت امي.....يمه.....آآآآآآآآآآآآآآآآآه....م مديت ايدي....الجروح مالية جسمي....كانت النار كبيرة موصلة لفوق...جيبنا صار كورة كبيرة من النار.... حطيت ايدي على أذاني بقوة احاول اني ما اسمع هالصرخات اللي قاعدة تقطع قلبي.. وتوقف الدم في جسمي...وحسيت بشعر راسي يوقف..يا ويلي.....ياربي لا تعذبهم....لا تعذبهم خلهم يموتون بسلام....لحظات...وانطفت النار...هي لحظات؟.....لا اكثر اكثر بكثيير...موب لحظات يمكن ساعات...حطيت ايدي على فمي بقوة اكتم صيحاتي اللي تخترق صمت الصحراء الممتدة....ياويل قلبي....كلهم ماتوا...امي ابوي....سلمان..محمد...خالد...بندر...ً صبرية ... سواق التريلا الهندي...جيبنا صار مجرد قطعة متفححمة سودا.. والتريلا على كبرها منكسه فوق رمال الصحراء ما يصدر منها أي صوت..شفت اشلاء متناثرة وانا اقرب من الجيب...صرخت بجزع.... صرخة لحقتها صرخة ثانية مني....سمعت صياح وبكاء.....وين؟؟..وين هالصوت؟؟؟ طالعت حولي....وين؟؟؟... وين؟؟؟ .. .... ورحت اركض مجنونة على الخط...
فتحت عيوني بتعب.... احس جسمي متشنج.. عرفت ان اللي شفته حللم...او...يمكن كابوس؟؟..ما كنت مستوعبة انا وين بالضبط؟؟...غرفة صغيرة بيضاء قذرة....وحرمتين لابسين عبايات على الراس ويصيحون....حاولت اتكلم بس حسيت بحلقي جاف...كنت بسأل عن اهلي...وليش انا هنا؟؟؟...مرت لحظات ثقيلة على قلبي وانا اقول للنيرس المصرية اللي دخلت" ماء..." سمعتني على طول واسقتني ماء...بعد ما شربت كثير وكأن لي سنين ما شربت....سألت بصوت واطي..." وين...انا؟..." قالت وحده من الحريم اللي متغطيات...وهي تمسك يدي بحنان" ملكه...عظم الله اجرك.." طالعتها...باستغراب...عظم الله اجري...وش قاعدة تقول هاذي؟؟؟...هزيت راسي مستغربة للنيرس اللي طالعت بقههر للحرمه وقالت بصوت مرتفع" الست...ملكه محتاجه للراحه..." وش قاعدين يخربطون هاذولي؟؟ ليش انا متمددة هنا؟؟؟.. وين امي؟؟...ابوي؟؟...مين هاذولي؟؟ تصارعت الاسئلة براسي...وشفت الحريم يطلعوون وهم يشاهقوون... ..لكن انتهت الاسئلة يوم دخل الدكتور علي....تعلققت عيوني فيه وكأنه شيطاان...كنت مفزوعة...انا من خلقتي اكره الابر واخافها موت...وكان ماسك ابرة كبيرة .. .... مسك ذراعي وانا اطالعه بهلعع... قال الدكتور بلهجة عملية باردة" ازايك يا ست ملكة؟..."
فتحت فمي بتكلم ما قدرت... فكمل بلهجة عملية..." ملكه...انت انسانة مؤمنة بقزاء الله وئدره..." شلت ايدي من ايده وارتجففت...وش صاير؟....وش صاير؟؟...ليش الناس تصيح.. مين ذوليك الحريم....ليش الدنيا متشحه بالسوااد....والحزن مالي القلوب....انا فيني شي..... عكست عيوني الاسئلة اللي تدور براسي...فكمل وهو يمسح على ذراعي بالمطهر.." الحادس اللي حصل...كان جامد...واهلك ...." وسكت لحظات ثمن كمل بتردد..." مائدرناش للاسف ننقز اهلك..." وكمل وعيوني توسعت على الاخير وشفتي السفلى ترتعش بجنون" من حسن حزك...ان الحادس ما اسر عليكي...لانك كنتي خارج السيارة..." حطيت ايدي على فمي....اكتم صيحتي المفزوعه...ياويلي...موب كابوس....كان واقع..الاصوات.... المفزوعه... هالصرخات المتعذبه. ...وقعدت اصارخ...بقوة....فمسكوني النيرسز بقوة.... علشان الدكتور يغرس الابرة فيني...لحظات والكل راح عني..مديت ايدي لوجه امي.....كانت تصيح....وشفت ابوي جنبها.....واخواني كلهم....يطالعوني وعيونهم مليانة دموع.....آآآآآآآآآآآآآآآآآآآآآآآآآآآآآآآآ آآآآه....
طلعت من مستوصف عقلة الصقور المركزي....( عقلة الصقور...قرية تبعد عن القصيم ....حوالي المية او الميتين كيلو)....كان الحزن يعصف فيني...وينهشني مثل ما ينهش الدود الميت....طلعت بعد اسوأ ثلاث ايام قضيتها بحياتي.. ثلاث ايام كلها كوابيس....وابر مهدئة ومغذيات...كانت مرت ولد عم ابوي نايمة عندي خلال الايام الثلاثة...تضمني.. .وتشغل القرآن بغرفتي...وتقرالي عن الصبر والايمان بالله وقضاء الله وقدره... وكانت تقولي انهم باذن الله من اهل الجنة...وانهم شهداء...ماكنت ارد عليها...قلبي وعقلي....ماتوا.... والله ماتوا في الحادث....انحرقوا مع ميمتي وابوي...هالحين انا حيه....لكن روحي ماتت....روحي طارت...طلعت من الارض ولحقت هلي...سبحان الله. .. . كنت اسمع هالجمل كثير...لكني ماكنت افهمها...كيف تموت الروح والانسان حي...كيف القلب ينبض وانا ميتة...لكن هاذي هي حال ملكة...هاذي هي حالي...انا...ما تدرون شلون كانت الثلاث ايام الماضية ثقيلة على القلب...تسم البدن....لدرجة احس كأن احد ماسك قلبي بقوة لا ينبض....تذكرت وانا اركب الجيب الرمادي....ابوي...فصرخت... ما قدرت اركبه.... خايفة.. وحاولوا الحريم يدخلوني الجيب وانا رففضت....لالالالا....وقعدت ابعدهم عني....قد ما اقدرر...رجولي حسيتها مشلولة من الخوف....جيب ابوي....جيب ابوي...هذا الجيب اشتراه منصور ولم عم ابوي معه....ياويلي.....لالالا....ما ابي.....روحووا عني....كانت الناس البعيدة عني تطالعني وهم يضربون كف بكف.... اكيد انجنت البنت.... واللي يقول....يا حرام تذكرت هلها...ماحد يلومها....ركضوا علي النيرسز يحاولون يهدووني...وانا مو قادرة....عيوني بارزة قاعدة اطالع الجيب كأنه شبح....شفت ابوي داخل يبتسملي.. .جزعت... لالالا...الله يخليكم لالا...لا تسون فيني كذا...نزلت على رجل ولد عم ابوي...ابي ابوسها عشان ما يركبني الجيب... كان ولده واقف ومعاه مرته....تكلمت مرته منيرة وقالت بصوت عاقل متزن..." خلوها تجي معنا في السيارة.." طالع منصور في ولده عبدالعزيز... وقاله..." خذوها...وانتبهوا لها...." وكمل... وهو يشووف منيرة تاخذني وتسحبني على سيارتهم" انا بخلص اوراقها والحقكم..." رد عليه عبدالعزيز بثقل وعقل" ان شاء الله يبه..." ولحق زوجته اللي تزاحل فيني علشان ادخل السيارة...كنت مرعوبة على الاخير....بس اضطريت ادخل سيارتهم...وانا ارتعش...تمسكت بمقعدها الامامي...وانا ادعي ربي بهلع...ابي الحق هلي...لكن ما ابي انحرق...ما ابي انحرق... مشى عبد العزيز... بسيارتهم ومسك خط وهو مسرع....كان صوت القرآن....سورة البقرة...حسيت نفسي المتحطمة الكسيرة...بدت تنتعش شوي....كان صوت الشيخ علي الحذيفي وهو يقرا الآيات...يدخل الطمأنينه على القلووب..." وإذ سألك عبادي عني...فأني قريب أجيب دعوة ألداع إذا دعان...فليستجيبوا لي وليؤمنوا بي لعلهم يرشدون" صدق الله العظيم...صوت القرآن وتسبيح منيرة مرت عبدالعزيز...والابر المهدئة اللي انغرزت فيني قبل لا اطلع وانواع الحبوب اللي كنت آكلها كل الثلاث ايام اللي فاتت...خلتني انهار....وانوم نوم عميق...
حالي وانا اشوف قبب ومنارات الحرم النبوي يوم دخلنا المدينة...كان اسوأ بكثير من حالي يوم خرجت من المستوصف....لأني سمعت صوت ابوي وهو يردد انه مشتاق للحرم...وكان واعدنا انه اول مانوصل نصلي فيه الفجرر...صوت الآذان يخترق اذني....عشان يرجعني للواقع....قعدت ابكي من جديد...سبحان الله...وصلنا الفجر مثل ماكان ابوي يبي...قلت بصوت متقطع" ابي الحرم....ابي الحرم....ابي اصلي..." طالع عزيز بزوجته...فهزت راسها...والتفتلي تقول..." ملكه...سمي بالرحمن...انت تعبانة...تدخلين هالحين تطيحين هناك..." قلتلها وعيوني على الحررم" ابي اصلي...بدعيلهم يا منيره...بدعيلهم بالجنه..." وافق عزيز على طول بعد كلمتي..وراحوا الحرم...وقف بعيد عن الحرم شوي....لأنه ما يحب يوقف بالمواقف...قطعنا الطريق مشي...كنت اعدي الناس بسرعة..كأن الحرم بيطير عني....دخلت داخل الحرم من جهة الحريم ومنيرة تراكض وراي بكرشتها وهي حامل بالثامن...فتشوني...الحريم اللي عند الباب....دخلت ركض داخل الحرم...وقعدت اتلفت حولي....خنقتني العبرة التفت لمنيرة...وكأني فجأة استوعبت حالي..؟....شهههقت بقوة.....حطت ايدها على فمها تصيح وضمتني بقوة...قعدت اصيح...والناس حولي يهدوني...لكني ما قدرت اهدا...ما قدررت...بدت الناس توقف صفوف عشان تصلي...فوقفت جنب منيرة...بس ما قدرت فطحت على الارض...عشان اصلي جالسة....رجولي ما شالتني...طول ما الامام قاعد يصلي وانا ابكي....آآآآآآآآه يا دنيا تركتيني ووحيدة....بعد ما خلص صلاة...قعدت منيرة تقرا علي قرآن وهي جالسة جنبي...ما ادري كم ساعة مرت...بس بدا الجو يحتر...والناس طلعت...فووقفت بعد ما هدني التعب....والحزن...والجوع...طلعنا لقينا عزيز يطالع الناس يدورنا...عرفنا من شافنا ودلنا على السيارة اللي قربها...كان مشتري فطور...بس ما قدرت آكل...حاولت..والنتيجة كانت اني رجعت كل اللي اكلته....صدق كانوا صبورين ما اتوقع اني في احد بيحتملني مثل منيرة وعزيز....وصلنا لبيت منصور...في حي الهجرة....مشاء الله كان ربي منعم عليه وبيته كبير يرد الروح....دخلت.....
رجعت فكري تايه شبه مفقود........متخدر قلبي وجسمي وبالي...
ساعة دخلت البيت بالناس محشود....والكل منهم يزعج الصوت عالي...
حتى الصغير اللي من ايام مولود....يبكي ودمعه فوق الاوجان سالي...
من هرجهم حبل الحزن صار معقود...في خافقي والموت وقته طرالي...
حاولت اجامل كل من كان موجود...لا شك حزني ترجم احوال حالي..
ياليتني في قبرهم اليوم ممدود....وهم على الخد الوسيعة بدالي...
لاشك حكم الرب ماعنه مردود..آمنت به ربي...عليه اتكالي....
ياه...وانا اشوف الناس حولي لابسه الغامق...والرجال دمووعهم حمررة وهم يعزوني...لها الدرجة اهلي غاليين عند الناس.... كان بيت عمي زحمة خلال ايام العزا الثلاثة...وانا خلال ذيك الايام ما ذقت النوم...ولا قربته... الحريم يجوون يواسيني .. ..وبعضهم يجوون عشان يتعشون بس....والبعض...كانت الشفقة تملا عيونهم...والبعض كانت السخرية تحركهم...سبحان الله...في ناس عقلها ضعييفة لها الدرجة....يتشمتون حتى من المووت؟؟؟.. ...حتى الجوع ماكنت احس فيه....والغريبة...ايام العزا ما بكيت....كنت ساكتة...كنت اطالع الناس حوولي...وفعيوني حززن ودموع مو راضية تنزل...كنت لابسه جلابيه كحلي ولافة على راسي شيلة....والحززن زاد عمري كثير....كنت اشوف الاطفال يبكون...من بكا اهلهم.... صدق انا المعنية بالحزن...كنت مذهولة...وعشان كذا ما بكيت؟؟...يمكن...انا ما ادري ليش؟...يمكن بكيت كثير خلال الايام اللي قبل...حتى حسيت ان دموعي خللصت...يمكن...عيوني المنتفخة...وجفوني المتجرحة...كانوا شاهدين على حزني...صوتي المبحوح ولمستي المهزوزة كانوا شاهدين علي بعد...اللي ذبحني...يوم شفت دموع رجال العايلة....يمكن انا من النوع اللي يتاثر بدمووع الرجال.... هالني الموقف...يوم شفت منصور يرمي شماغه على الارض بالحوش على التراب ويدعسسه بقوة وهو ينتفض....كان متماسك عشان الناس لكن انا اللي شفت دموعه...حطيت ايدي على قلبي وشفتي تهتز...نزلت دمعه وحده حارة على خدي..وشهقت ودخلت داخل....كنت اشوف مرت منصور موضي....قاعدة على الكنب وجنبها منيرة وثنتين من بناتها....كانوا يتهامسون....لمن وصللت وقف الهمس...انحرجت وعرفت اني مقصودة بالحكي..ابتسمتلي منيرة واشرت لي عشان اجالسهم...فجلست يمهم...وصبتلي عزيزة قهوة ومدت لي الفنجال...شلته وقعدت اطالعه...القهووة....ريحة القهوة رميتها على الارض بسرعة فانكسرت...وقمت مذعوورة ورحت اركض لغرفة عزيزة اللي انوم فيها... وقبل ما اطلع.....سمعتهم يقولون" لا حول ولا قوة إلا بالله..."...
الفصل الثالث
امني عيني الحزينة برؤياكم......ولي زل يوم قلت باكر تجوني
ولي حل باكر انتظر واتحراكم.....علكم تطلون بنظرة تحتويني...
بس اتحرى شوفتكم واتمناكم.......على امل يوم جديد تبوني...
واشوف يومي مثل باكر بلياكم....لا واعذابي من رجاوي سنيني..
مر على موت اهلي فترة طويلة...كل يوم ينقضي في بعدهم كانه سنة...وكل لحظة تمر...اكبر فيها اكثر وحزني يعمق اكثر...حتى شكلي كان يخرع...كنت نحيفة مرة... والهالات تحت عيوني....من غير عيووني الحمرا من كثر الصياح بالليل والنهار....زاد على حزني غربتي عن الرياض...ديرتي وديرة احبابي...وكل هلي....ما تصورت بيوم اعيش بعيدة عن ديار آل سعود...ما تصورت بيوم...تحذفني الدنيا فمكان عمري ما شفته ولا عشت فيه لحظة...فمكان اسمع عنه...لكن عمر رجلي ما وطته...هالمكان....صار ديرتي الجديدة....وصار لازم اعيش فيه...ولازم اتعود على هواه....ولازم اتقبله سواء رضيت او ما رضيت.....وانا لسه على حزني...بنفس قووته وبنفس المه....
بعد ما بديت اطلع من حزني...بديت انتبه للي يصير من حولي...وبديت ارجع للواقع....انا هالحين في بيت عمي الكبير...سعود...اللي جا وخذاني من المدينة لجدة وطلعنا دبي...بعدين هو راح يخلص اموري الباقية....عياله هم اخواني وبناته هم خواتي...دخلت قلب الكل إلا وحدة....يمكن خلال حزني ما كنت انتبه لهاذي الوحدة...وماكنت حاسة انها تكرهني...لكن هالحين بعد ما بديت اصحصح واطلع من الصومعه اللي انا فيها....تنبهت لعيونها اللي كانت تآكلني...لغيرتها على كل شي ينعطا لي...على الحكي اللي ترميه وهي رايحه وجايه...
هاذي الوحده اسمها بدرية وهي بنفس عمري بالضبط.....انسانة انانية...ما يهمها بالدنيا شي إلا نفسها...وراحت نفسها...ما اعتقد ان في احد خارج عيلتها يحبها...عفراء....البنت الحبوبة...الطيبة والعاقلة....وهاذي الكل بالكل....وعمرها اربع وعشرين سنة...وصراحه دخلت قلبي على طول...لأنها عيت تفارقني من دخلتي بيتهم...كانت تهتم فيني وتشغل القرآن في غرفتي....وتجيب لي الغدا والعشا لغرفتي...وما تروح ليما تشوفني آكل....
سلطان....سلطان هذا شخص رهيب...عليه خفة دم...تخليك تضحك حتى لو انت حالف انك ما تضحك...حتى لو انت زعلان وضايق خلقك...سلطان عمره 26 سنة...لكن فيه براءة وطفولة...لا يمكن تلاقيها بشخص بنفس عمره....بعكس محمد اخوه....اللي عمره 14 سنة...واللي مكبر نفسه ويعتمد عليه عمي سعود اكثر مما يعتمد على سلطان....
واو...نسيت اقولكم عن العسل ريمووه...ريما...هاذي قمر العايلة...دلوعة العايلة...اللي لو تطلب وش ماتطلب يجيها...وهاذي لو دخلت قلبها...فانت كسبت كل شيء ولو ما دخلته فعليك السلام...
مرت عمي...نوره.....انسانة حبوبة لابعد درجة وفيها من الطيبة اللي لا يمكن تلاقيها بمخلوق...لا يمكن ما تدخل قلبك...اول ما جيت شالت الدنيا علشاني...حطتلي احسن غرفة..وفرشتها باحسن اثاث...وكل يوم تنزل السوق وتقضالي... وما تنام ليما تمر على غرفتي عشان تاكد....اني نمت ومو قاعدة اصيح...حتى لمن ترتفع حرارتي...تسنتر بغرفتي...ولا تطلع منها لين ما تحس اني خلاص تحسنت ووضعي صار احسسن...واحلى ما فيها انها دايم تدعي بالخير للكل...وما اذكر خلال الشهرين اللي قضيتها بحززني وهمي اول ما جيت اني سمعت منها كلمة سب او لعن...وحتى إذا جات تلعن قالت.." يلعن ابليسك....او يلعن شيطانك او عدووك..." ذكرتني بامي حبيبتي..
عمي سعود...وش اقول عن عمي سعود؟....شخصية غريبة... مزاجيه...إذا عصب يخرع وإذا كان رايق ما في احلى منه بهالدنيا...كان يعصب على الكل...إلا انا ما كان يقولي كلمة وحدة تزعلني....وهذا الشي كان يخلي بدرية تعصب...وترمي حكي كثير لا له اول ولا له تالي...لأنها تغار على ابوها بشكل مو طبيعي...حتى انها تغار من امها على ابوها...ويتكدر صدرها ويضيق خاطرها إذا شافت عمي يعطي احد فلوس...رغم ان ربي فاتح عليهم ومعطيهم....كافي انهم ساكنين بمنطقة سكنية ممتازة....راقية...ما عليها أي كلام...
دخلت علي عفاري وانا قاعدة اكتب خواطر وصرخت يوم شافتني جالسه في مكاني قالت بعصبية ملكه؟؟؟... ورفعت عيوني لها...كانت لابسه فستان فيروزي مطرز بورود فوشيا...عشان ملكة بدرية...قلتلها وانا اقفل الدفتر اللي معي.." وشو؟؟
ضربت الارض برجلها ومشت سيده على غرفة الملابس حقتي وسمعته صوتها وهي تقول" الناس بدت تجي...وانتي ولا تحركت من مكانك.." تاففت وانا اقوم عشان اروح ل عفورة قلتلها وانا اشوفها غاطسه داخل الدولاب " عفورة عيوني..مانيب نازلة تحت..." وكملت بخفة دم" بدرية راح ترتاح اكثر كذا.."..طلعت عفراء اخيرا من الدولاب...وهي ماسكة فستان ليموني وقالت بعصبية" ملكة..مية مرة قلتلك بدرية من جواتها طيبة"... ثمن كملت" والله راح تززعل لو ما شافتك.." مديت بوزي كملت" يله البسي...فستانك" قلتلها وانا آخذ الفستان " اف" قالت عفراء وهي تسوي حركات بعيونها" خلينا نروح نرفع ضغط بدريوه..." رديت وانا ميته ضحك" ههه...يا شين النجاسه...والله تنزل من الكوشة وتكفخنا..." ضحكت عفراء وهي تروح للتسريحة وطلعت المكياج الي اشترته لي من فترة....ولا.لمسته...التفتلي وانا قاعدة اطالع في الاشياء اللي هي قاعدة تطلعها...وصرخت" ملكه..." قلتلها" طيب...طيب..." ورجعت غرفتي عشان البس...يا ربي...قعدت افكر وانا البس...يعني لازم احظر ملكة بدرية...طيب هي ما تطيقني ولا تواطني...يعني راح تنبسط إذا ما شافت خشتي بين الحظور...حاولت اقفل السحاب اللي على جنب وانا افكر...والله مسكين يا مساعد...شفت صورته قبل كم يوم....هو من صوب وبدرية من صوب...هو من اليمين وهي من الشمال...ما فيه أي توافق فكري او شكلي بالمرة...ابتسمت بانتصار وانا اقفل السحاب...ودخلت على عفورة اللي قاعدة تعدل مكياج عيونها...صفررت وهي تشوفني" وش هالزين...وش هالزين..." ضحكت لها....كان فستاني بسيط لابعد حد....ساتان ضيق ما فيه أي شي...بدون اكمام...مشطت شعري وحطيت عطر...قالت وهي تشوفني ادور على الصندل الليموني حقي" ملكه؟؟؟.." رديت عليها وانا مشغولة" ما نتيب حاطه مكياج؟؟؟.." ما رديت عليها كنت عارفه انها راح تعصب....وما راح تعطيني مجال اتكلم....لبست الصندل حقي بالقوة...وقعدت اربطه كان كعبه عالي...يا ساتر هو انا خلقه نخلة...ومع ذا الكعب طلعت ناطحة سحاب....
قرربت من عفاري اللي استلمت وجهي...وقامت تحط عليه من كل لون وكل شكل....احمر اصفر اخضر....وكحل اسود...وبعدين رجعت وحددت عيني مرة ثانية بالكحل السايل...بعدين حطت لمعة ذهبي...على عيوني...ورجعت تمزج الالوان كلها الي في العلبة....كنت ساكته عشان ما ازعلها...خصوصا اني احبها موت...وحاسه نها ما راح تكون اغلى من اختي لو عندي اخت...انهت المكياج العجيب...بضربتين بلاشر...على خدودي اللي طلعت كان احد قارصها...ثمن حطت على شفايفي روج احمر صارخ....صرخت بفزع يوم شفت شكلي....قلت ل عفاري اللي كانت نظرات الاعجاب تنط من عيونها" حرام عليتس....وش انا مسوية يوم تعاقبيني بهالشكل؟؟؟" قطبت عفاري حواجبها وكشرت عرفت انها ززعلت...فوقفت وبستها على راسها وقلتلها" امزح معك يا البايخة...حتى شوفي ما راح اعدل بمكياجي ولا شي..." وطلعنا انا وياها من الغرفة.
وانا طالعة من غرفتي مع عفاري قررنا نمر على عروستنا عشان نشوفها...وليتنا ما مرينا....كانت قاعدة تصيح ومخلصه كل علب الفاين اللي في البيت... قطععت قلبي...غصبا علي...يعني ليش تبكي؟؟...والله مساعد قمر...قلتلها وانا ابوسها" الف مبروك يا عروسه..." وكملت عفاري وهي تنطنط من بينا" وعقبالنا يا ملكه..." قالت بدرية وهي تبكي" شوفوا كيف شكلي؟....اه...طالعه اخرع....يمه والله مساعد بينتحر..." طالعتها وانا ابتسم غصبا علي وجواتي قلت والله يا بدرية ان اليوم شكلك احلى من أي يوم ثاني...قالت الكوافيره اللبنانية بعصبية" شوهيدا؟؟؟...ما بيصير هييك... لازم توئفي بكي..." قالت بدرية وهي تمسح عيونها بقوة وتخرب الكحل" عفاري...شوفي كيف ملكه؟؟.." التفتت عفاري لي وانا طالعتها مستغرربة....كملت" تشمت فيني...وتضحك علي...عشانها طالعة احلى مني..." حطيت ايدي على قلبي وقلتلها وانا صادقة" والله ما قصدي تشمت يا بدررية...والله انك طالعة قمر..." عيت تسمع كلامنا....وعلا صوتها وصار مشاهق وسمعنا صوت عمتي نورة اللي دخلت الغرفة....قالت وهي تحط يديها على راسها" يا وجه الله...وش ذا؟؟؟.." فكرت وانا اطالع بعمتي نورة وبدرية..." الله لا يلومها إذا تخرعت...بدرية خشمها احمر وعيونها تنفخت من كثر ما صاحت والكحل سايح على الاخير..قالت اللبنانية بعصبية وهي تطلع سيجارة من جيبها" مافي اشتغل....ما بيصير هيك...والله ما بيصير..." قالت عمتي نورة وهي تطالعني وتبتسم" بسم الله عليك يا ملكه..." ورفعت يدينها للسما" يا رب ترزق ملكه و عفاري العريس الصالح..." علا صوت بدرية...بالصياح اكثر...لحظات وسمعنا صوت عمي...اشرت للبنانية تطفي سيجارتها...لأن عمي راح يمسح فيها البلاط لو شاف السيجارة مولعة في بيته.. اما انا رحت انخشيت ورا عفاري ادور لي شرشف صلاة...عيب اقابل عمي كذا..ما تعود يشوفني وانا لابسه كذا....اخيرا لقيت شرشف الصلاة على دخلت عمي...
بدرية سمعت صوت عمي سعود...قطمت على الاخير...ولا تكلمت...قال عمي بعصبية" وش فيك تصيحين؟؟..." كان معصب...يوم شافني ابتسم...وقالي وهو يحط يده على راسي.." طالعه على عمك مزيونة..." ضحكت عليه" ههه..." ردت عمتي نورا وقالت" اقول....والله انها ازين منك مية مرة....طالعه لاهل امها..." قام عمي قاطعها" والله ان خشمها وعيونها لنا..." قاطعتها عمتي " كل العيال الحلوين قلت طالعين لك..." قاطعتهم لأني عارفة انهم راح يطولون" بدررية..خايفة ومستحية يا عمي..." تذكر عمي ليش هو داخل الغرفة...ولف عليها وقال لها" هاذي ملكه يا بنيتي...يعني بس بيشوفك ويروح..." اهتزت شفايف بدرية تبي تبكي...بس شافت عمي يوم عطاها ذيك النظرة...فاشرت للبنانية عشان تجي تشتغل ف وجهها....لف هو وطلع.....فقالت لي بدرية" لا تدخلين في الامور العائلية مرة ثانية..." سكت وما قدرت اقول شي غير لاحول ولا قوة إلا بالله جواتي...

!!!!!!!!!!! ! !!!!!!!!!!!!!!!!! !!!!!!!!!!!!!
!!!!!!!!!! !!!!!!!!!!!!!! !!!!!!!!
!!!!!!!!!!!!!!!

يعطيك الف عافية يالغلا
رواية رهيبة

يعطيك الف عافية يالغلا

يسلمو اما قريتها من فتره
بس ابي اسأل هي حقيقيه ولا لا؟
بليز ردي علي:(

مشكورات جميعا على الردود تخلون الوحده تتحمس
وتنزل لكم >>>> عاد كنت بزعل ومو مكملتها
بس بكملها لعيونكم(*_^)
وحبي بتي وين الوفاء ما ادري والله هي
حقيقيه ولا لا بس قريت في موقع ثاني انها حقيقيه
واحداثها قريبه للواقع

الفصل الخامس
ركضت مثل المجنونة بسرعة...خلال الحوش الكبير..وانا مالتفت وراي خير شر.......وصلت باب الفلة الرئيسي ..اللي كنت تاركه عنده شبشبي...شلت شبشبي بسرعه...من عند الباب وكنت ماسكه الثاني بيدي...قفلت باب الفلة...وقعدت اتنفس برعب ورا الباب... .ياربي يكون حلم....لمست يديني مستغربة...تلمست اكتافي مكان لمسة مساعد اللي احرقتني...ياربيي...طحت عند الباب..ماكنت قادرة اتحررك...كنت احاول ابلع ريقي...وانسى الموقف اللي حصل لي....حلم يا ملكه حلم....انسيه ولا تجيبين طاريه لحد....إلا إذا انتي ناوية تخسرين كل اللي حولك واولهم سلطان وعفاري....تلمست شعري....وجبيني وشفايفي...تذكرت نظرات مساعد لي....مافكرت كثير خفت احد يكون قايم ويشوفني بهالشكل....فرحت اركض بسرعه وطلعت الدرج وبعد ماوصلت لفوق...قفلت الباب....وفجأة استوعبت وش اللي صار فيني فقعدت اصيح بصوت مكتوم وانا حاطه ايدي على فمي...كنت راح اروح فيها...... إلا انا رحت فيها خلاص...اكيد مساعد راح يترك بدرية...بيقول وش تربية هالبنات اللي يدخلون ملاحق الرجال في نص الليل وعلى وجه الفجر....
ما ادري كم من الوقت مر وانا اصيح.....يمكن ساعة او اكثر....بعدها قمت عن الباب...ورميت شرشف الصلاة على سريري...قربت من المراية....طالعت في نفسي.....عيوني متنفخة من اصياح... وخشمي محمر...وشفايفي متنفخة بعد...لملمت شعري بشباصة بنية لقيتها بالدرج ورفعته فوق راسي....دخلت الحمام....ومليت الحوض موية حارة.....شغلت موسيقى كلاسيكية...وانا ادموعي تجري....دايم متهورة...عمري ما راح اعقل...ياويلي منك يا عمي....كسسرت قلبك وفرحتك ببدرية اللي واقفت تتزوج... بعكس عفاري اللي ما تدرون ليش هي رافضة الزواج؟؟؟...ولا سلطان اللي مو راضي يكبر.....لحست شفايفي المتشققه....ومسحت دموعي....باصابعي المرتجفة.. .فصخت ملابسي.. ورميت نفسي بالحوض...حاولت استرخي لكن ما قدرت...كانت حياتي تمر قدامي مثل الشريط....انا دايم متهورة....تذكرت سارا صديقتي...سارا..يا الله وش كثر مشتاقة لها....هي وعدتني تزورني اول ما تعطل في رمضان....كنت انا وسارا دايم متهورات....لكن انا اللي كنت اجرجرها وراي....وكانت الدايم المصايب تطيح على راسها....لكن هالحين... انا اللي راح اتحمل مسؤولية اعمالي لوحدي....ارتجفت وانا احس بالموية الحارة بدت تبررد....قمت من الماء..نشفت جسمي زين...ولبست روب الحمام الابيض....ولبست شبشب وردي من الريش.....طلعت وانا خلاص التعب هاد حيلي...والموية الحارة مفترة جسمي....ودموعي تالمني من كثر ماهي متجرحة....قررت اني انوم....لكن....آآآآآآآآآآآآي....تذكرت اني جوعانة...يققطع ابليسك يا الجوع...اول مرة في حياتي اذوق طعم الجوع....وزاد صياحي....وانا اضغط على بطني بقوة... عضيت شفايفي بقوة من القهر وحسيت بالدم يسيل منهم...قرربت من السرير الكبير ابو اربعة اعمدة....رميت نفسي عليه....وتقلبت شوي وانا فوقه...لكن شفت ان النوم مفارقني....فقمت للتسريحة...ولقيت حبوب منومة....يصرفها لي الدكتور النفسي... من بعد الحادث....لأني لا يمكن انوم تقريبا من غير كوابيس...اخذتلي حبتين....وشربت كاسة موية....ودخلت في سريري وتلحفت زين..وغمضت عيوني....ورحت في نوم عميق بدون احلام....
صحيت على دق قوي على الباب.....فجعني... قمت وانا مخترعه....سمعت صوت عمتي نورا...." ملكه...نشي من الرقاد حبيبتي...." حطيت ايدي على قلبي اللي كان يرقع بقوة....يمه....رجعت وتمددت....وش صار فيني؟؟؟..ليش انا نايمة كل اليوم....طالعت الساعه كانت 8 الليل...زفررتت احاول اتنفس...غمضت عيوني من جديد....بس ثواني ورجعت قمت من سريري مفزوعه....يا ويلي....مساعد... مساعد... قبضت محل قلبي بايدي...معقولة يكون قالهم شي...؟؟؟...لالالا لو كان كذا كان اكسروا الباب على راسي....تلمست جبيني..كنت مصدعه وحاسه بدوخة قوية تضرب راسي...صفقت صفقتين عشان يفتح النور....ورحت داخل الحمام...اول ماوقفت عند المرايه...قمت ارجع غصبا علي...مع ان معدتي كانت خالية...تمددت على ارضية الحمام احاول اجمع نفسي عشان اوقف على رجولي لكن ما قدرت....فتحت ماء الدش...ووقفت تحته بكل ملابسي....كنت احاول انشط قد ما اقدر...وفعلا دقايق وحسيت النشاط بدا يرجع لجسمي....خلصت من الشاور البارد السريع اللي خذيته....دخلت غرفة الملابس....وطالعت الدولاب...طلعت لي بنطلون جينز كحلي غامق..وقميص ابيض مقلم بخطوط بيج رفيعه وفيه زي الكشكشة على نهاية الاكمام....لبستهم ومشطت شعري زين...وبعدين قعدت انشفه بالسشوار على السريع....طلع شكله مرة حلو....واستشورت الغرة زين...وتناثرت حول وجهي بطريقة رايقة... كنت ابي اتكحل واحط لي روج... بس ترددت ما ادري ليش؟؟..بالاخير قررت احط جلوس احمر بس...ورحت لبست صندل ناعم بدون كعب...اساسا طولي 170 وما احتاج كعب....بس عفاري غصبتني بملكه بدريوه البس كعب خلاني تحففه بجد....
طلعت من غرفتي....واول ما طلعت شفت عمتي نورا كانت تكلم عمي سعود وكان شكلها متخرعه...قلت بصوت مرح قد ما اقدر " مساء الخيير...." طالعوني...وتنفس عمي سعود بارتياح بينما عمتي نورا جات وضمتني بقوة....وطالعتني والعبرة خانقتها... قالتلي وهي تلمس شعري" ملكه يا بنيتي...وشفيك خرعتيني؟؟..." طالعتها وابتسمت وبست راسها وقلت وانا اروح لعمي عشان ابوس راسه " لا ابد...بس كنت قاعدة افكر بملكه بدرية عشان كذا ما نمت بدري..." وبست راسي عمي...قال عمي وهو يبتسم" والله يا ملكه...اني من اشوفك يبتسم يومي..." قلتله بدلع" اكيد...مو انا ملكه...انا ملكة السعادة والفرح....يعني امشي وانشر البسمة على وجوه الناس...." سكت شوي...وعمي يدق جواله....قال عمي وهو يطالع الجوال" هاذي عفاري..." ورد..
عمي سعود: الو...
عمي سعود: هلا عفاري....وشو؟؟....
عمي سعود: ماحركتوا؟؟؟....طيب ليش؟؟؟
عمي سعود: سلط...سلطان يقول...
عمي سعود يطالعني ويكمل وهو يبتسم: فيه الخير ولدي....دقايق..دقايق وتجيكم...
قالي عمي سعود وهو يحط الجوال بمخباته...." ملكه يا بنيتي...هاذي عفاري....مع سلطان ينتظرونك...برا..."
قلت وانا ابتسم" طالعين؟؟؟..." وجريت على غرفتي...قبل لا يكمل عمي كلامه...اول ما وصلت الباب...
قلت باعتذار: عمي!!!!!....آآآسفة حيل....
ضحكوا عمي وعمتي علي....قالت عمتي..." ماعليج....روحي...روحي البسي ولحقيهم...." ابتسمتلها بامتنان...ودخلت غرفتي...
طلعت شنطة انيقة من لوي فيتون...شرتها لي عمتي نورا قبل كم اسبوع...ولبست صندل من نفس الماركة...واحترت في العبايات كلهم مزركشات...واخترت اخف عباية فيهم....كانت عباية ساترة وواسعة شوي.....عليها رسمة طاوؤس كبير من اسفلها من ورا...ولبست شيلتي اللي مافيها الوان....وبرقعي...وسويت الملكية....وطلعت ركيض من غرفتي....حتى ماقلت شي لعمي وعمتي اللي واقفين قريبين من الغرفة...بس عمي ناداني....قلت وانا مستعجلة على الدرج" عمي تاخرت عليهم.." قال وهو ينزل ويطلع من مخباته الفيزا كارد.." خذي هاذي...ولبغيتي شي اشتري ولايردك إلا البطاقة...." ترددت أخذ البطاقة ولا لا...قالت عمتي نورا وهي تشوف عيوني تلمع" يله ملوكه....انتي بنتنا...خذي لك وش ماتبين...إذا ماعطينا ملكتنا مين راح نعطي" ابتسمت وخذيت البطاقة منهم وانا متاكدة اني ماراح احتاجها....
برا كان الاخ سلطان قاعد يتناقر مع عفاري....علشان شيلتها وعبايتها ومكياجها...رغم ان سلطان يعتبر متحرر...لكن عفاري ماتنعطا وجه...رغم اني اموت عليها...
سلطان: اقول عدلي شيلتك لاخنقك بها....
عفاري: مالك شغل فيني...
سلطان: والله...لو ما تعدلين هالشيلة....ان مافيه روحه...
عفاري: نعنبو دارك...هالحين ابوي اللي هو ابوي يخليني اطلع شعري كله.....وانت واقفلي هني...واشرت على رقبتها...
سلطان:عيب....عيب يا عفاري...ترانا سعوديين..وبدو عيب...
طنشته عفاري وابتسمت يوم شافتني وركضت لي
عفاري: ملكه...يرحم والديك فكيني من ذا النشبة...
سلطان وهو يطالع فيني: لالالالا....لا واللي يخليك يا ملكه لا تزعليني منك...
ملكه: سلطان واللي يعافيك....خلها على راحتها....
صد عني سلطان وراح ركب المرسيدس الؤلؤي حقته...وقام يعدل المراية الامامية عشان يرتب الكاب على راسه.. كان لابس ديرتي جينز....وقميص كشخه لونه ازرق واكمامه بيضا...والبوت ابيض..والكاب ابيض...وطالع يجنن...وصغير....كانه 18سنة...
قلت لعفاري وانا اطالعها: عفاري...طيب ....غطي شعرك على الاقل...
عفاري وهي تمد بوزها: اوف...والله عادي....ياناس عادي....خلكم فري.....
طالعتها وقلت: انتي حررة بس إذا عصب علينا ولا صار لنا موقف كذا او كذا ما راح تلومين إلا نفسسك...
ورحت ركبت ورا عفاري اللي ركبت في الكرسي الامامي...حرك سلطان...وشكله كان معصصب ويطالع بنص عين في عفاري اللي كانت متمكيجة وكاشفة عن وجهها وقذلتها وحاطه سكارف اخضر زيتي على راسها....بس عفاري معطيته اشكل....
قامت عفاري تطالع في السيديات اللي قدامها....وحطت اول واحد شافته....كانت اغنية حربي العامري يا خسارة....يا خسارة..حبنا فيكم حرام...واتضح لي معدنك على العموم...
ماعلى شوقك ولا حبك ملام...والملامه على قلبي الوم..
لو نسيتك من حياتي والسلام...نعمة النسيان من ربنا الرحوم...
سالت وانا اقطع الموسيقى بصوت عالي" وين رايحين؟؟؟...." ردت عفاري وهي بتشقق من الفرح" ابوي وافق اشتري سيارة....باركي لي....راح نتمشى كل يوم..." قال سلطان بعصبية" ايه صح.....هذا اللي بيخليكم تهيتون على كيفكم..." قلت لسلطان" سلطان!!!!!!!....يعني تتوقع اني انا واختك راح نروح اماكن بطالة..." سكت وشكله خجل...من كلامي...
عفاري" اتوقعي من سلطان اي شيء..."
سلطان بعصبية" عفااري....الزمي ادبك..."
عفاري وهي تطالع برا" يوه...الزمي ادبك الزمي ادبك...وش ذا الطفش...لو رحنا مع ابوي اصرف..."
عصصب سلطان على الاخير...وقال وهو يحاول يتحكم بعصبيته" ملكه...!!"
قلت متدخله وانا اضرب عفاري على كتفها" خلاص...."
كملنا الطريق واحنا ساكتين...كل واحد يفكر بشي يخصه خصوصا على انغام اغنية...راشد...مسموح ياللي تعذر....
مسموح ياللي تعذر...مسموح ياللي تعذر....مسموح لو ما تعذر....في غيبتك كم تاثرت...واللي يحب يتاثر...ياروحي....واللي يحب يتاثر ياروحي...
طالعت من شباك السيارة..... صادق يا راشد واللي يحب يتاثر..... هالاغنية كانت المفضلة عندي انا وسارا...يوه سارا الشينة اشتقتلها موت......وتذكرت الرياض وزحمتها...فيها شبه من دبي وزحمتها... بس الاصح ان دبي تشبه جده اكثر.....حن قلبي للسعودية..حن قلبي لهواها....يوه اشتقتلك يا ديرتي الحبيبه...اشتقت لناسك وهلك..اشتقت لمبانيك وزحمتك...اشقت لجامعتي....وحتى استاذاتي اللي ماكنت اطيقهم...صرت احبهم واشتاقلهم....وحتى..جيراني..حينا...اشتقت لكل مافيك.. يا السعودية....لبردك وحرك ... شتاك وصيفك...ربيعك وخريفك...لجبالك ووديانك....سهولك وصحاريك...اشتقت حتى لجيراننا اللي كنت اتافف منهم وكانوا ياذوننا.....حسيت بقلبي ينعصر على الذكرى ودمعت عيوني...وعضيت على شفايفي...
لفيت برجان ودورا...اسال عن اللي تاخر يا عيوني...اسال عن اللي تاخر...
مسموح ياللي تعذر...مسموح ياللي تعذر....مسموح لو ما تعذر....في غيبتك كم تاثرت...واللي يحب يتاثر...ياروحي....واللي يحب يتاثر ياروحي...
فجأة.....دارت افكاري...وتغيرت 180 درجة...تذكرت موقفي مع مساعد.... الصباح...الحمدالله حتى الآن ماصار شي....الناس مبسوطة وكل شي تمام التمام....تذكرت بدرية...فكرت اسال عنها...بس ترددت... عودت افكاري لرجل بدرية...مساعد....حطيت ايدي على قلبي...اللي اخذ يدق فجأة بسسرعه وبقوة....
تذكرت عيون مساعد...سبحان الله عيونه واسعه وناعسه....سود...في حياتي ماشفت عيون سودا كذا...ورموشها كثيرة....الله يحفظه من العين....شهقت فجأة وليش ادعي له؟؟...مالك شغل فيه يا ملكه...هو رجل بدرية موب رجلك...ولا يمكن يصير رجلك في يوم من الايام....
تذكرت نظراته لي...حمرت خدودي...يعني انا حلوة؟؟؟....ما عمري دققت بملامحي...ولا عمري اغتريت بعمري...ناس كثير يشفوني...ينعجبون فيني...لكن هل انا فعلا حلوة؟؟..او يمكن جذابه؟؟...طالعت في المرايه اللي قدام لاحظت ان سلطان كان يناظر فيني شال عيونه من عيوني وركز في الطريق....طالعت في عيوني في المرايه....عيوني واسعه...ورموشي كثيرة....ولون عيوني فاتح....لا هي سودا ولا هي خضرا...لون غريب بالوسط....كأنه عسلي مدموج باخضر...لون غريب مرة ورثته عن جدتي من طرف امي... كثير ناس كانوا يستغربون من هاللون العجيب...وكان عيني شفافة...بس انا ما اذكر اني كنت مقتنعة بلون عيني....تعجبني العيون السوداء...الحور...مثل عيون مساعد...لقيتني افكر وارجع واعود ل مساعد...تلمست الشباك ببطء...وتنهدت تنهيدة مسموعة غصبا علي...التفتوا علي عفاري وسلطان....فعضيت على شفايفي وقلت بصوت موب صوتي" الله....شوفوا ذيك السيارة...ليتنا كنا فيها...." وبكذا رجعت الجو لعفاري وسلطان انهم يتناقرون ويتركوني بحالي...
حارت دموعي وتحيرت...حارت دموعي وتحيرت والمسالة هي تحير...مسموح لو ما تعذرت انا اجيك اتعذر يا روحي...انا اجيك اتعذر...
واللي يحب يتاثر يا روحي...واللي يحب يتاثر يا قلبي...واللي يحب يتاثر...
اخيرا وصلنا معرض السيارات....كانت عفاري تبي تشتري بورش سودا...مع ان سلطان طول الطريق يقنعها ب بنتلي عودية....بس هي عيت واصرت على موقفها....واول ما دخلنا المعرض...كانت عفاري مبسووطة وهي تقعد داخل البورش كوبيه...وتقولي وسلطان يتكلم مع المشرف" تعالي اجلسي معي..شوفي كيف مريحة..." جلست جنبها وقلت وانا منبهرة" واو....كشخة....مرة كششخة..بنكشخ فيها عند بنات ال....ي...."وهاذولي كانوا بنات معنا في نفس الحي...لكن كانت بينا وبينهم عداوة معتبرة...ليش؟؟..لا تسالوني...تعرفون البنات بعد...إذا حطوا احد في روسهم...قالت عفاري وهي تمسك الطارة" مو مصدقة..مو مصدقة...راح اسوق...اخيرا..." والتفت لي وانا منبهرة بالسيارة بقوة" والله انتي وجه خير علي يا ملكه..." ابتسمت لها...لمعت عيونها...بس قلتلها فجأة" بس تراها صغيرة..." وبعدين كملت" يعني...صغيرة..ماراح نقدر نروح فيها انا وانتي وعمي وعمتي وبدرية وحمودي.." قالت وهي تاشر بيدها: الحمدالله بدرية وحمودي..مقالبينا اربع وعشرين ساعة....وعمك وعمتك يقولون انهم خافين على اعمارهم...." ضحكت بقوة: ههه...." وضحكت عفاري معي: ههه...
جانا سلطان وهو يقول: خلصتوا تجارب؟؟؟...ورفع حاجبه يناقر عفاري اللي قالت بغرور وهي تنزل" خلاص ....دفعت الفلوس؟؟؟؟..." طالعها وكان وده يكفخها" ايه يا سمو الاميرة....دفعت.."التفتلي بفرح ومسكت يدي وقمنا نصارخ بدون ما نحس...وكان فيه شباب طالعونا...وكانهم يقولون وش هالمهابيل؟؟...خصوصا ان سلطان كان يصارخ معنا...
في الطريق...رجعت انا وعفاري بالبورش.. وقبل ما ناخذ الخط للبيت...كنا مشترين كرسبي وحاجات خفيفة...عشان ناكلها بالطرييق...هذا بعد ماطلبت سلطان....اللي جابلي كل مقادر يجيب....سلطان كان قدامنا بسيارته...اللؤلؤي.... وعفاري مسوية فيها انها بتسبقة وانا قاعدة اصارخ عليها...بخووف" عفاري...لا تودينا بدهية...تراك توك ماخذه الليسن حقك..." قالت وهي ترفع صوت الراديو على الاخير..وطبعا الشبابيك مقفله..." خليني...تراني مبسوطه...لو تدرين من متى وانا اصيح عند اهلي ابي سيارة..." ربطت حزام الامان علي زين...الله يستر والله عفاري سواقتها ماش.. وقعدت آك اكثر من الرعب...ههه...ترى الشفاحة تجيني إذا انرعبت.....فجأة ارتفع صوت المذيعه في البرنامج مايطلبه المستمعون وهي تقول: هذا اهداء..من الاخ سلطان ال....إلى اخته الغالية عفاري وبنت عمه ملكه الليل..." وكان هذا الاسم اللي يناديني فيه سلطان دايم يا ملكة الليل....كانت الاغنية هي اهمه لعيضه المنهالي...فقمنا نصارخ انا وعفاري من الوناسه....واو..
اهمه لو كذب عني ماهمه...غلاه يجول في قلبه ودمه....يبان الحب في نظرة عيونه... يقول الصدق ولا ولد عمه....
يغار وغيرته تفضح غرامه...وتكشف غيرته حتى كلامه..يغار ويقلب الدنيا عليا...يبيني دوم في قربه
ويمه....
يبيني دايم بجنبه يبيني...ولو انه تظاهر ما يبيني... انا ادري فيه... وادري عن طباعه...يخفي الشوق في قلبه ويضمه...
يكابر وادري انه هو يكابر...وانا ادري بس...لكن دوم صابر...ابيه يبوح عن حبه وشوقه...وانا اللي بين خلق الله اهمه...
ونصفق واحنا نحاول نسبق سلطان اللي عطانا مجال انا نجي جنبه على اليسار....وفتح شباكه...ففتحنا الشباك...قال وهو يشوف هبالنا" ترى في نقطه قدام.....هدوا السررعه والله ترا اتركم بروحكم...." ماصدقناه....وطنشناه...لكن لاحظنا نقطة التفتيش من بعيد..فقللنا السرعة مرة....مع ان عفاري من كثر الاثارة موب قادرة تسيطر على سواقتها....عدينا من عند الشرطة....اللي اول ماشافنا بنات مشانا....بعد ماطلب منا نخفف السررعه"...طاحت وجيههنا يوم طالعنا سلطان وهو يضحك وكانه يقول تستاهلون ماجاكم...
آآآه...اخيرا وصلنا لحينا....فخففنا السرعه....يوم قربنا من فلة عمي...اللي كانت مفتوحة بيبانها....عرفنا ان فيه ضيوف....ف سكرنا الراديو انا وعفاري....واشر لنا سلطان ندخل من المدخل اللي ورا....لفينا حول الفلة ودخلنا من المدخل الوراني ووقفنا عند النافورة اللي في النص...بس ما قدرنا ننزل...كنا مبسوطين على الاخير والاثارة ماليتنا...ومو قادرين نسيطر على اعمارنا...طالعتني عفراء وهي تترجاني بعيونها...قلت وانا افك الحزام عني" لالالا....قسم بالله راح يجينا تكفيخ معتبر من سلطان لو سويناها وطلعنا..." فتحت الباب...وشلت البرقع عن وجهي وانا محترة....وفصخت الشيلة...فطاح شعري على عبايتي...ورقيت الدرج النص دائري الطويل...
اول ما دخلت الصالة..... حسيت بهدوء غريب....وآلمني قلبي...مشيت زيادة ونزلت الثلاث درجات اللي على بعد مسافة بسيطة من الباب...كانت الصالة مقسومة لخمس اقسام....سمعت صوت صياح وبكى عالي...التفت على اليمين.....كنت مبتسمة لكن بسمتي تجمدت وراحت....لقيت بدرية جالسه في الركن وعمتي جنبها....وبدرية تصييح وعيونها مليانه دموع....وكانت عمتي تحاول تهديها.. وقاعدة توشوش لها بصوت خفيف..وتضمها بقوة......اول ماقربت منهم وانا قلبي منقبض من الخوف.... قلت بتردد وهم ماهم منتبهين لي..." السلام عليكم..." طالعتني بدرية...وهالني الكره اللي شفته....اضعاف ما كنت اتصور...حتى شكلها كان يخوف وهي تطالع فيني...كان واضح انها قاعدة اتشد شعرها....قامت اتمسح دموعها...ردت علي عمتي بتردد بعد" وعليكم السلام بنتي..." شفت بدرية طالعها وقامت وهي تصرخ على عمتي" خلاص...كافي"
وكملت بدرية وهي تقرب مني ...هي السبب...." واشرت علي.."انتي السبب...." رجعت على ورا...وانا احاول اتفاداها وهي تصيح" انتي السبب....الله يآخذك...الله يآخذك...." حاولت اوخر عن يدينها اللي امتدت تضربني... ضرباتها كانت حاقدة وقوية... بس ما قدرت حاولت عمتي نورا وعفاري اللي دخلت على صراخ عمتي نورا وصراخي... يوقفونها ما قدروا...وانا حاولت قد ما اقدر ابعد ضرباتها عني لكن....بعد ما قدرت...بدرية اسمن مني بكثير...واقوى مني بكثير...ما اذكر اني ضربت عصفور...فشلون اقدر اضرب انسان....سمع صياحنا سلطان اللي كان برا...فدخل على طول وهو يشوف بدرية شادتني من شعري....حاول يفكها ما قدر... حاول وحاول...بالاخير...عطاها ذاك الكف...اللي طرحهاعلى الارض.... الصمت كان سيد الموقف....عمتي نورا طاحت تضم بدرية لصدرها....وعفاري..كانت تطالع ب سلطان وعيونها مبققة..وكانها تقوله تجرأ وتضرب اختك...طالعت في الكل.. وحسيت انهم يكرهوني....يكرهوني والله...وبدرية تحسب علي.....كانت لثتي تنزف...وشفايفي تنزف بعد وشعري حوسه ومتقطع...اول ما استوعبت ان سلطان قاعد يطالعني...هرربت منه بسرعة وانا قاعدة اشاهق.....
اني انسان لي روحان...روح يعرفها كل الناس....وروح اخرى تجهلها كل الاجناس...روح مرحه لم تلقى الهم في دنياها...وروح تشقى لم تلقى سوى فيض الآلام....ماغرد فرح يسعدها...مامارست املا يبهجها....مافيها سوى دمع متدفق محترق فوق الوجنات...مافيها سوى طفل معدم مطعون عدة طعنات...مافيها سوى يأس قاتل يردد اصداء الاحلام....اني انسان....انسج احلامي بخيالي لاصل إلى كل محال...اتعدى الارض إلى زحل اتمشى في كل الاكوان...اتسامر ليلا مع قمر....اعطيه حنانا وامانا....اعطيه جروح الايام...اعطيه دموعا تساقط لتعبر عن ظلم الازمان....يتخافت ضوؤه بين يدي....ينطفىء القمر لآلامي....ينطفىء القمر لأحزاني....فيموت القمر باحظاني...ولكن من الجاني.؟؟؟...من الجاني؟؟؟....سواد القلب هو الجاني.....
************************************************** ****
الفصل السادس
الساعة 4:48 صباحا....
اخيرا جفت دموعي....اخيرا وقفت عن البكا...كنت متمددة في الجاكوزي....حاسه ان جسمي متخدر....وعقلي متخدر والاكثر من هذا قلبي...قلبي وكانه فقد النبض والاحساس....ماكنت ابكي...عشان ضرب بدرية...لا لا....صح انه آلمني....بس مو الضرب اللي خلاني ابكي بشكل هستيري للفجر تقريبا...كان الاحساس بالمهانة....الاحساس بالذل...باليتم....آآآه من هالكلمة شلون قاسية.....توني بديت استوعب صفعات الحياه....انا يتيمة مالي والي....مالي احد يهتم فيني.....صحيح اني سمعت عمي سعود دق الباب اكثر من مرة ...وصحيح ان جوالي ماوقف عن الرنين.....لكن كرهت نظراتهم لسلطان...حسيت فيها تجني....صح ان سلطان ماكان مفروض يضرب بدرية....لكن جرحتني...عيونهم اللي تطالع فيه ثم فيني ثم في بدرية.... وكأنه تقول....ارتحتي؟؟....هذا اللي تبينه يصير؟؟؟...
تنهدت وانا اطالع بصور اهلي اللي ماسكتهم في يديني....والله فقدتكم...والله يا اعز الناس لكم وحشه... تلمست الصور احاول ادور فيها عزا لي....لكن....صورة...بالاخير هاذي صورة لا تقدم ولا تأخر....كانت الفرحة مرسومة على وجيههم...الصورة الأولى كانت لامي...في عرس وحدة من صديقاتي...كانت لابسه فستان بنفسجي...وتاركه شعرها الاسود يتطاير حول وجهها....بست الصورة..والدموع مغرقة وجهي...يمه.... يمه والله ولهت عليك يا الغالية.... وقلت بيأس وبصوت عالي" ردي علي....الله يخليك...لا تتركيني...." وضميت الصورة وانا اهتز....يا شين المرارة اللي لاحظت انها قاعدة تكبر فيني لحظة ورا لحظة....ياشين الالم اللي اكتشفته يتجمع بصدري من موتهم....
قلبت الصورة الثانية بكفي... صورة ابوي...وهو شايل سلمان وجنبه خالد ومحمد وبندر....وكنت انا قاعدة فوق السيارة جنبهم...هالصور كانت في تورنتو بكندا....لا يمكن انسى ذيك الايام..اللي كانت اروع ايام في حياتي...قبل ثلاث سنوات تقريبا....كنت انا اللي مسوية لهم جدول الرحلة وانا اللي مخلصه كل شيء...وحتى التذاكر كانت هدية مني لهم....مد