اللي يحبون آلمكياج الثقيل يدخلون هونا

السلام عليكم
كيفكم صبايا اليوم جتني فكره وقلت ليه مأأحطها بالمنتدى علشان كلنا نستفيد تعرفون
الزواجات كثرت
ادري ان موضوعي قديم بس صراحه مالقيت في المواضيع السابقه اي فائده مدري اذا
انتو مثلي ولالا
والموضوع هو ان كل وحده تقول لنا عن كوفيره او المشغل اللي
تروحله بالرياض يعني
انها ماتستغنى عنها ابد ابد في المناسبه وطبعا افضل اي وحده تكتب لنا هنا تكون صادقه
يعني ماتسوي دعايه لاأي كوفيره وتطلع في الأخير ولا شيء اعذروني على الكلام
بس والله صارت لي كذا مره ان وحده تمدح لي كوفيره بالمنتدى وتقول ان فلانه
شغلها واو وان
كل من شافني في الزواج انهبل ومن هالكلام وانا المسكينه اقولها ابي الرقم وترسل لي
الرقم على
الخاص ومن الفرحه اتشقق على طول اروح وادق عليها واواعدها علشان البروفه
وعربون مدري كم واخر شيء هي اللي استفادت خذت العربون وروحت الله يستر علينا
وعليها وبعدها والله ماتصلت عليها شغلها صراحه يجيب المرض..
فرجاء خاص دعايات مانبي نبي نستفيد والله اني بكون معكم صادقه واذا جربتوو
الكوفيره اللي انا اروح لها وماعجبتكم ادعو علي << منتحره ههه
واأأنا ببدأأ اول شيء الكوفيره اللي اروح لها اسمها منى
صراحه شغلها يجنن مره مره وشغلها يشابه ايمان السيد
طبعا انا اموت في المكياج الثقيل والحمدلله حصلته بس
المشكله اذا لقيت عندها زحمه وماتقدر تستقبلني
وبس هذي اللي ماستغنى عنها في كل مناسبه وشغلها روعه والله على مأأقول شهيد
يالله يابنات انا ابي همتكم تدرون لازم ادور على غيرها لأن احتمال ان يوم من الايام
بيكون عندها زحمه فلازم نحط احتياط كوفيره او مشغل حلو شغلهم
طبعا المكياج اللي انا احبه هو الثقيل يعني كريم الأساس ابيض مارا ولازم يكون
مكياج مايقطع
يعني صافي مو اذا صار اخر السهره يصير وجهي مثل الخريطه ههه
واللي اقصده هنا بالصوره
ابي كوفيره تضبطه لي مثل اللي بالصوره
ولازم الأيلاينر اسود والشدو يكون الوان عاد انتم اكيد تعرفون المكياج الحلو من
الشين
يالله اخليكم بس هاه ابي تفاعل لا تخلوني ازعل عليكم واذا تبوني افيدكم
بشيء لا تترددون