الماش تخيلو الماش الله يوفقكم ادخلو وطمنو قلبي

السلام عليكم
بنات ي ليت تساعدوني بمشكلتي اللي سببت لي قلق
اول شي بقولكم سالفتي
انا كنت سمينه وسويت رجيم ونحفت وصلت للوزن المطلوب وحافظت عليه
بعد سسنه انسدت شهيتي صرت اجلس اسبوع مااكل الا نص وجبه واشرب مويا
لين نزل وزتي وصار جسمي عضام بارزه حتى يقلون صايره هيكل
وابي اسمن شوي لو ارجع لوزن الطبيعي يعني اتربرب فهمتو
نجي للمشكه
صارت عندي حموضه وماعاد اقدر اكل كل شي استفرغه واجلس على جوع
رحت للمستشفى عطوني حبوب مانفعت شراب نفع بس مو مره
كل شي صار يأثر على معدتي فول وطماط وفلفل وليمون وعصيرات وشكلاطات كل شي
يعني مدري وش بالضبط اكل معدتي صارت حساسه
نجي للسبب الحموضه وهذي المعاناة
الماش تخيلو الماش اللي يجي حبوب لونها اخظر انتبهو لاتغلطون غلطتي
تخيلو اسستمريت عليه ثلاثه شهور كل يوم اكله واحطه في الحليب ومع الشوربه وعلى العصير وعلى الرز والمكرونه واكله بودره بالملعقه على الريق وراه مويا
يعني ادمنت عليه بشكل ماتتصورونه
وانا لاحظت شوي سمنت بس جاني تعب مو طبيعي حرقان بالليل واروح استفرغ وكتمه وضيق في التنفس
وربي اني ابكي بسبب الالم والكتمه واروح للمستشفى بالليل وطلع عندي حموضه وسالتني الدكتوره سعوديه وش اكلك بالضبط قلت لها ونصحتني ابتعد عن الاكل اللي يضرني ويكون فيه حموضه وفلفل وطماط
بعدين واخر شي قلت دكتوره انا صار لي اكثر من شهر احط الماش على اكلي مدري اذا هو السبب وله دخل ولا لا
قالت الماش
هذا طبيعي مايضر بس ثلاث ايام يؤكل لاكن كثرته تهييج القولون وتزيد من الحموضه واكيد هو السبب الرئيسي للمشكله
عطتني حبوب ومانفعت ورحت بعد اسبوعين واخذت شراب ولو انه مو مره بس اهون من لا شي
والله نحفت ووزني راح وصايره نحيفه
وجربت اكل بطاطس مسلوق ومعها طماط ورفعتها لي وطرشته كله
وجربت السمسم اسبوع ورفع الحموضه واستفرغ اي شي اكله وعلى طول للمستشفى
والله يعين ي رب ويشفيني ويشفي كل مبتلى ي رب
الحين انا ابي اعرف هل اقدر ازيد وزني وانا عندي حموضه ولا لا
ودواعتكم لي بالشفاء العاجل وتكفون اللي ماتعرف شي بس تكتفي بالدعاء لي بالشفاء العاجل حتى لو ماترد
وان ربي يجعلني اسمن واتربرب بصحه وعافيه ومن غير شر
والله يرزقكم بالخير ويسخر لكم ارزاقكم عاجل غير اجل