المتزوجات بس يردون

لاتعليق لاني ما ابي اتذكر الماضي

الحمدالله ماني مع اهل زوجي
بس
حبيت اشوف الفراشات وش يسون.

عفواً فراشاتي...انا طرحت الموضوع عشان نقيس المعدل الطبيعي لجدول الازواج مع زوجاتهم .عشان لا ننظلم ولا نظلم ازواجنا ..اذا كان الوضع طبيعي ...بس زعلتوني 111 وحده تطل محد رد الا 2؟؟؟؟؟؟؟؟؟؟؟؟؟؟؟

حبيبتي أنا أقضي الخميس والجمعة والعطلات ببيت أهل زوجي بحكم انا احنا بروحنا عايشين بالعاصمة بسبب الشغل ونلروحلهم بس في الاجازات... احنا تزوجنا هناك وعندنا غرفة خاصة بروحنا وبيها دورة مياه ووبالطابق الثاني بس احنا وأخوه الثاني اللي متزوج ..
أنا لما أروح هناك بصراحة أرتاح كثير لمة حلوة وابنتي تكون مستانسة مع عماتها وعمامها وأنا أطلع مع أم زوجي وزوجة أخوه نزور الأهل والجارات ونعمل الواجب ...
علاقتي بزوجي طيبة وعادي النا أكيد خصوصيتنا ولله الحمد أهله كثير متفهمين وأحيانا كثيرة نطلع بروحنا طلعات وفسح بروحنا عادي ...
الله يوفق الجميع يا رب لما يحبه ويرضاه...

حبيبتي انا بقولج كيف يكون جدولنا
الصبح زوجي يروح الدوام وانا اقعد من النوم واروح اقعد مع عمتي ( ام زوجي) انا وولدي لين حزة اذان الظهر ادخل الحجرة واجهز عمري وولدي عشان يية زوجي من الدوام وبعد كذا الغدا ونقعد نسولف ويه بعض واذا حبينا نطلع بعد صلاة العشا وبعد مانخلص يروح زوجي المقهى (القهوة الشعبية) ويرد البيت وخلص الروتين

ههه ضحكتني مع ان الموضوع يبكي
والظاهر ماحد فهمك الاانا كخ بس والله مالنا الاالدعاء ثم الدعاء ثم الدعاء
ان يخرجنا الله من القرية الظالم اهلها
ههه ههه ههه

روتين مملل
نقعد الصبح زوجي يروح الدوام انزل انه تحت واذا علي اسوي الغده اسويه واذا مو انه ام زوجي او مرت حماي الي معانه
الظهر غداء ثم القيلوله
وبعدها العشاء وبعدين النوم لليوم الثاني وطبعا زحمة الاولاد الي ما تخلص الله يحفظهم الا وقت النوم
ويعاد الروتين

الصراحه ما قدر ارد عليك لاني ما جربت
بس اعرف وحده ما تنزل لهم ابدا الا مرة او مرتين بالاسبوع وحاطه لها باب خاص يعني من اولها وهم عارفين الاصول
وهي معهم رسميه مع على كلامها انهم عسل

انا مشكلتي ان بيت اهل زوجي مافيه بنات كللهم شباب وماخذين راحتهم بالبيت احس الروتين قاتل حتى عيالي ماقدر العب معاهم هم يلاعبونهم وياكلون وجباتهم معاهم انا بغرفتي مخنووقه الله يخلي العمل اللي ينقذني من هالسجن....على ان زوجي موجود بالبيت بس مع ابوه واخوانه بمجلسهم...وعمي وعمتي طيبين ومدلليني حتى اكلي يجيبونه لي غرفتي..ويمسكون عني العيال اذا بنام بعد الدوام..بس ماني قادره امارس حياتي الزوجيه الطبيعيه..ابي اكون مسؤوله عن بيتي وزوجي وعيالي...زوجي هو اللي يقدم لي اكلي بالغرفه بدل ما انا اللي اطبخ له ..بحكم ظروف البيت كونه بيت صغير وكلله شباب؟؟؟؟؟؟؟؟؟؟؟؟؟؟