المحنكه واللي عندها خطط تدخل بليز

خواتي
بموت قهر راحت شغالتي وزوجي مو مفكر يقدم الا بعد شهرين كذا بدون سبب وكل المكاتب تقول ماتجي الشعغاله الابعد 4شهور من التقديم
تخيلو يعني باجلس شهو هذا ان صدق المكتب ان ماماطل زوجي المزاجي جدا
بيتي كبير وعندي عيال كثير الله يبارك فيهم وكلهم صغار يعني لامعين الاالله
تكفون اللي تعرف طريقه اقنع فيها زوجي يقدم بدري على الشغاله تساعدني اعرفكم ذكيات وفي من النساء دواهي لها اسلوب وعندها افكار
عني ماخليت ولا بقيت وسيله اا جر بتها
من صراخ وعويل وزن...........
اظهار التعب والشغل المتواصل خبركم رمضان كله شغل واسهر للفجر يشوفني بعينه اكرف في البيت والشغل اللي ماينتهي ولا حياة لمن تنادي يقول بساعدك ويغسل صحنه بس
الكشخه والتزين نسيتهم مره ولا همه ولا شي
ذيك الامور والنوم معه ماصار وقت عندي ادخل غرفة النوم وعادي يقول ابركها من ساعه
اضحك معه وسولف واتشكى من الشغل والكرف عادي يقول خلني اشوف حرمتي على حقيقتها
اختي قريبه مني لكن الله يعينها ماتقدر تستغني عن شغالتها ولا ثانيه حمولته كبير وكل يوم عندها فطور
امي كبيرة في السن وبل يالله توفي شغالتها معها وبيتها بعيد يعني لازم احد يودي ويجيب
هذي قصتي باختصار
انتظر وحدة تدلني عالطريق الصحيح
هل اظل معفسه وحالتي حاله حتى يحس بحاجتي للشغاله
والا اتزين واترتب وفي النهايه يقول هذي حياتنا ماتغيرت بدون شغاله ابرك لي مااجيبها؟؟؟؟؟؟؟؟