الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
21-03-2022 - 09:13 pm
السلام عليكم ورحمة الله وبركاته ..
يوم طرحت فراشة الامارات موضوع تعطير الشعر .. قلت ليش ما اكتب عن المخمريه .. وهي خلطه عطريه رائعه للشعر .. من زمان يداتنا .. طبعا على حسب علمي انها اماراتيه .. وماعرف اذا هيه معروفه في بلدان ثانيه
طبعا كل حد له طريقته .. وانا هاذي الطريقه الي اسوي فيها .. والي تحب تغير في الكميه يعني تحب تزيد من نوع عطر معين مافيها اي مشكله .. والمفروظ كل حد تكون له طريقته الخاصه الي يتميز ابها
مكونات المخمريه :
- عود مطحون -من العود الفاخر وطبعا كمية العود تحدد كمية المكونات الثانيه-
- دهن عود -طبعا على حسب الرغبه بس انا احب اكثر منه .. واستخدم دهن عود قديم من عند اجمل-
- مسك اسود (بودره طبعا) -كمية المسك الاسود ماتظر بس انا عادتا احطها اقل بشويه من ربع كميه العود-
- مسك ابيظ سائل -احب استخدم المسك من عند حامل المسك .. اسمه المسك الملكي والمسك ينحط في الخليط عشان يخليه نوعا ما سائل يعني ينحط في الاخير-
- زعفران ( سائل و عادي الي هوه مثل الشعر ) -السائل من الزعفران العادي او الابيظ .. انا افظل الابيظ-
- عرق الحنا -انا احب اخفف كمية عرق الحنا يعني متكون وايد-
- زباد -هذا هوه الي يخمر العطور ويعطيها الريحه الفاخره بس انتبهوا يعني كمية الزباد المفروظ تكون قد راس الكبريت يعني جدا قليله.. وتحصلون الزباد عند راعي العطور العربيه-
طبعا كله من الفاخر .. لاتبخلين على شعرج .. اذا ماكان من الفاخر ينتهي الخليط بريحه مش حلوه
تخلطين المكونات مع بعضها عدل لين يمتزجن .. وانا افظل انه المسك الابيظ ينحط اخر شي .. عشان تتحكمين في الخلطه وسيولتها .. المفروظ ماتكون سايله وايد يعني بين البينين.. لازم تنحط في زجاجه محكمه تتسكر عدل يعني مايكون فيها منفذ للهوا .. وتخلينها كمن شهر على حسب يعني من شهرين لين اربعة شهور.. الين تتخمر .. ويوم تتخمر تعرفينها من ريحتها الفاخره
فيمينين ^-^
التعليقات (9)
alfaresah
الغلا111
مشكورات على مروركن وردودكن ^-^
وانشالله .. اذا لقيت خلطات ثانيه بحطها الكم ..
وانشالله تستفيدون
الغلا111
مشكورات على مروركن وردودكن ^-^
وانشالله .. اذا لقيت خلطات ثانيه بحطها الكم ..
وانشالله تستفيدون
يعطيك الف عافيه
يا الغاليه
ريحة الخلطات طلعت من الكمبيوتر من حلوها ههه
يسلموحبيبتي
يا الغاليه
ريحة الخلطات طلعت من الكمبيوتر من حلوها ههه
يسلموحبيبتي
نحن في اليمن خصوصا في عدن نعمل المخمرية بعدة طرق و عدن مشهورة بعمل المخرية ونسميها الأخضرين العدني و تتكون من عشبة طيبة الريحة تسمى عندنا في عدن بالذريرة و نستخدم المياسم ونقوم بعجنها بجموعة عطور غالية الثمن و هي من الرصاصي و غيره و تم نضيف المسك الابيض و قليل من العود المطحون الاصلي و ما يسمى بالظفري وهو مستخرج من البحر و قليل عنبر اصلي و نقوم بتذويبها و تسخينها على النار تم نجمعها مع بعض و نقوم بتبخير العلبة التي ستوضع فيها الطبخة بأغلى انواع البخور و نصب الطبخة فيها و لا نفتحا الابعد مرور عشرة ايام او اكثر .
طولت عليكم ولكن حبيت افادتكم من عدن .
طولت عليكم ولكن حبيت افادتكم من عدن .
علاجات طبيعيه للشعر→
انا بعطيكم اساسيات الخلطه .. وانتو ابدعو بخلطاتكم .. وحاولو تجددون فيها
مكونات الخلطه:
-يشن -تحصلونه عند راعي الاعشاب .. هاذي عباره عن ورق عطري مجفف وله ريحه معينه طبعا الي ماتريد مش لازم تستخدمه-
-ورد مجفف -اي ورد تحبينه.. فل .. جوري .. حتى اذا كانت نوع من ورد الفواكه المجففه تنفع-
-مسك ابيظ -من النوع الزين طبعا .. مثل ما قلتلكم انا استخدم المسك الملكي من حامل المسك-
-عطر مركز .. مثلا اذا استخدمتي الفل .. تحطين قطرات من عطر الفل .. او اي نوع من عطر الورد .. ويمكن عطر يناسب مع الورد الي مستخدمتنه .. هنيه يبين الابداع : )
وبس .. هاذي هيه المكونات .. بالمره سهله
والحينه ني للطريقه .. تطحنين اليشن مع الورد هذا اذا تريدين تحطين اليشن في الخلطه .. واذا ماتريدين طحني الورد بروحه .. مافيها اي ضرر .. بعدين صبي عليه المسك طبعا لين يستوي مزيج بس مش وايد سائل .. يعني بين البينين .. وقطري عليه من العطر الي تريدين تحطينه بس شويه يعني بدون مبالغه .. ومزجيهن مع بعض .. حطيه في احم .. *قالب* مسكر .. اوني اعرف فصحا .. المهم وخليه فتره عشان تتداخل الروايح مع بعضها .. يعني يمكن اسبوع يكون خذ حقه من الراحه ..
في اسهل من كذا ؟! ((انفع اخذ جواز سعودي؟)) P:
اتمنى تستفيدون من الخلطات