المسكرة تتفتت على وجيهكم تعلوا اقول لكم شو ممكن يكون السبب

السلام عليكم و رحمة الله و بركاته
شحالكم عرايس .. ان شاء الله بخير ..
طبعا وايد بنات يشكون من تفتت المسكرة على الويه بعد ما تجف ..
و البعض يعتقد السبب ان مدة صلاحيتها انتهت او ان الماركه موب زينه .. بس موب دائما تكون هالاسباب ..
لأني لمن احط المسكرا احيانا تتفتت على وجهي و احيانا لا !!
و ما عرفت ليش.. لين شفت على احد المواقع فيديو يبين فيه السبب ..
و هو الكريم المرطب !!
لاحظت بعدها لمن المرطب يمسك على الرموش المسكره ما تثبت !!
و لمن انتبه ان المرطب ما يمسك على الرموش المسكره تكون ثابته!!
((الظاهر ان المرطب يسبب طبقه عازله على الرموش))
و مع التجربه تأكدت ان هذا هو السبب و ان مسكرتي العزيزه ما لها اي ذنب ..
و ممكن تتفادون هالمشكله باستخدام البرايم الخاص بالرموش .. او انتوا انتبهو لمن توزعون المرطب حولين العين ..
انتهى الموضوع و اتمنى يفيدكم ..
تحياتي للجميع