المصممة فنون

انا اعرف المصممه ناديه بمشغل فنون
مدري هي االي تقصدينها او لا
ع العموم ذي ناديه فصلت عندها فستان طلع مره حلو
ورحت لها قبل سنه كان شغله عاددي جداا
بس اذا حابه ادلك لى سميره حلواني فنانه بصراحه شغلها حلو وغريب

فنون جنان بس فصلى عندها فستان واحد لان بعدين تكرر الموديلات والتركيبات نفسها بس جنان تصميمها

انا اشوف تفصيلها (خياطتها) حلوو
لكن تصميم لا مره عادي
كلو تركيب واحس بطلوه
وسعرها مبالغ فيه جدا

موفقة يالغلا ،،،

نادية في فنون خياطها جداً روعة والفستان جد يطلع قالب ما شاء الله
بس كتصاميم مو ذاك الشيء يعني إذا قطعتك اللي راح تفصليها كانت قطعة مكلفة فتأكدي بإذن الله
إنك راح تطلعي بفستان خرافي لأن خياطتها لا يعلى عليها وتتأكدي ما راح يطلع الصدر مفطوس
أما إذا كنتي ناوية تفصلي فستان يعتمد على تصميم حركات بدون قطعة مكلفة فما أنصحك بفنون
مش لأنها راح تطلع لك الفستان وحش لا لكن خاصة لو كنتي تبغي حركات ف فنون ما لهم بهالحركات
وأوافق البنات في موضوع التكرار لكن زي ما قلت لك خياطتها الراكزة تشفع لها من وجهة نظري
وسعرها ب 2000 ريال الفستان مليان شغل وقصقصه واللي تعرف أسعار المشاغل ما أظن تشوف هالسعر مبالغ فيه
كثير مشاغل ما تبدأ معاك بأقل من 3000 ريال وفساتين السهر توصل عندهم لل 5000 ريال
عموماً هي مثلها مثل غيرها كل مصمم وله استايل معين ينعرف به من أول نظرة
شخصياً ما أحب شغل أحمد البدوي ولا شغل زاكي وللأمانة سميرة حلواني ما جربتها فما أقدر أحكم
.