المعالجه ام فيصل بحي الفلاح تكفون بنات الرياض ساعدوني

** ود **

14-09-2022 - 05:02 am

السلام عليكم ورحمة الله وبركاته..
ياليت الي تعرف ام فيصل المعالجه الي بحي الفلاح في الرياض تعلمني وين مكانها بالظبط ومتى تجي الرياض وكيف علاجها..وهل سبق لها انها عالجت حالة مصابه بشحنات كهربائيه..لانها توها جت اخوي الصغير عمره 6 سنوات الله لايوريكم مكروه في حبايبكم حالته تعور القلب يطيح على الارض من غير مايحس بنفسه ويصيح ويشرد ويناظر فوق والمشكله لما يطيح دايم يضرب راسه باماكن خطيره زاويا الجدران واثاث البيت الي يكون خطر..تكفون اتمنى تساعدوني واذا وحده تعرف شخص مصاب بالشحنات وتشافا ياليت تعلمني كيف وربي تعبت نفسيت امي وهي تشوفه يتعذب
ياليت ماتنسونه من دعواتكم ..

التعليقات (9)

~*¤ بسمه ¤*~

14-09-2022 - 07:19 am

للرفع
ان شاءالله احد يفيدك

** ود **

14-09-2022 - 08:20 am

مشكورة اختي طالبة وظيفه الله يرزقني وياك عاجل غير اجل..
وين بنات الرياض معقوله مافي وحده تعرف

** ود **

14-09-2022 - 09:21 am

للاسف خيبتو ظني معقوله محد يعرفها ؟؟
ياليت الي تخش وماتعرف على الاقل ترفع الموضوع وتدعي لاخوي

متميزه من يومي

14-09-2022 - 10:22 am

ياقلبي لو اعرف مااقصر شوفي يمكن الحريم ال يفي القريه او في حجاب يمكن يعرفون والله اعلم

** ود **

14-09-2022 - 11:23 am

مشكورة اختي فراشه دلوعه ماقصرتي على الاقل ماطنشتيني..

** ود **

14-09-2022 - 12:24 pm

ياكثر الي دخلو ومطنشين يعني لازم اقول بدعي لكم بظهر الغيب عشان تردون مافي شي عندكم من غير مقابل على الاقل ارفعو الموضوع لين القى جواب..كل وحده منكم تحط نفسها مكاني..
لاحول ولا قوة الا بالله ولا ملجا ولامنجا من الله الا اليه

ام فلوة الحليوة

14-09-2022 - 01:25 pm

تبين نصيحتي لا تروحين لها تراها دجالة والله على ما اقول شهيد

السيدة الفراشة

14-09-2022 - 02:26 pm

ود انتي تقصدين ام فيصل الي نصف الشهر بالقصيم ونصفة بالرياض اذ هي عندي معلومات عنها

جنوني2008

14-09-2022 - 03:27 pm

الله يشافي اخوك شوفي اول الشهر تروح للقصيم وتجلس 14 يوم ويوم15 تروح للرياض يعني تكون بالرياض من تاريخ 15 حتى تاريخ 30 من كل شهر

التفاح وما أدراكي ما التفاح←
شوفو آخر معلومة صدمتني عن التمر→