المعمول بالتمر يجن لا يفوتكم ينفع لرمضان

صدقوني الكل راح يسألكم عن الطريقة لأنه لذيذ وسهل والأفضل انكم تسووا كميتين أو ثلاث عشان يطول معاكم واذا جاكم أحد فجأة ما تحتاروا ايش تقدموا مع القهوة ..............
المقادير : -
صفار بيضتين
نصف كاسة سكر ناعم
ملعقة صغيرة فانيليا
ملعقة صغيرة بيكنغ بودر
علبة قشطة المراعي أو تاج .......
كاستين ونصف دقيق أبيض
ثلاثة أرباع كاسة سمن مازولا
الطريقة : -
اخفقي صفار البيض مع السكر حتى يصير زي الكريمة وحطي الفانيليا والقشطة واخلطيهم كمان وبعدين الدقيق
والبيكنغ بودر بالتدريج وسيحي السمن على النار واعجني فيه حتى تصير عجينة متماسكة ...
جهزي التمر المعجون تمر عادي أعجنيه بالسمن حتى يصير ليّن أو تحبي المعجون الجاهز زي ما تحبي خدي كورة صغيرة من العجينة وافرديها على يدك واحشيها بالتمر وحطيها في القالب .. قالب المعمول إما الخشب أو القوالب البلاستيك .. المهم حطيها في القالب واضغطي عليها حتى تاخد شكل القالب وبعدين رصيها في الصينية ودخليها الفرن من تحت حتى تتحمر وولعي عليها من فوق بس مو تحرقيها انتبهي تتحمر شوية من فوق وحطيها في علبة وغطيها وبعد ما تبرد قدميها وبالهنا والعافية جربي وقولي رأيك راح يعجبك