المكالمات الهاتفيه بين المعلمه والطالبه

من وجهة نظري هذا الشي يعتمد على المعلمة اقصد اسلوبها
مثلا وحده من الدكتورات بالجامعة اكلمها وعادي الوضع free
وهي بعد محترمة
يعني حتى بالشهري عندها غلطت وانا الحمد لله مستواي حلو
ماعدتها علي يعني نقصتني
ومحتررمة
وعلى فكرة هي اجنبية يعني مو سعودية
اما لو كانت سعودية
فاتوقع مستحيل
مستحيل
حتى افكر اكلمها وخاصة وهي تدرسني
يعني لمااتخرج وتكون هي حبوبة مثل معلمة بالثانوي ممكن بس بعد التخرج
باختصار
افضل المدرسات اللي مو من نفس جنسيتي

والله اذا بتعطينا رقمهاعشان قبل الامتحانات اي استفسار اووكيه ما عندي مانع اما اللي يعطون البنات ارقامهم ويقعدون يكلمون بعض ويسمعون بعض اغاني وخرابيط احس هذي المعلمه تفقد احترام الطالبات لها

هاي وتسلمين على الموضوع الحلو انا عن تجربتي يمكن اشوف ان هالموضوع له ايجابيات كتيره لاني اكلم 3من مدرساتي وحدة منهم صارلي اكلمها5سنوات والى الان صاحبات لانك مرات تحتاجين لصديقه اكبر منك وتحسينها واعيه وان شاء الله اعجبكم رايي وعلى فكره كل مدرساتي عرفتهم على امي لاني اثق برائيها

هو المفروض يكون شئ عادي لكن بعض طالباتنا الله يهديهم مايكون قصدها السلام وبس
انا كمعلمه ولله الحمد ماتعرضت لمثل هالأشياء لكن يطلبون مني الرقم وانا ارفض لكن بعض طالباتي اللي تخرجوا من عندنا يكلموني عادي للسلام واللي اكتشف انه قصدها اكثر من كذا اصرفها اذا مانفعت معها الحسنى ...
وجهة نظري صائبة تحتمل الخطأ............

أبداً هااموضوع ما أأيده !!!!
مو كل معلمه قصدها شريف عندنا معلمه لو اقولكم وش تسوي ماتصدقون تتعرف على بنات وتعطيهم ارقامها وإذا ماكان عندهك جوال تشري لهم اهم شيء تكلمهم!!!!!

اول شي حبيت اشكرك على هالموضوع ..
انا اعتقد صراحة ماأأيد ابدا ابدا
اذا تبين شي من المعلمه عندك هي في المدرسه
او اذا تبين الدكتورة كلميها في وقتها
اظن ماله داعي هالمكالمات ..
الا اذا كنتي محتاجة رقمها في شي ضروري مره
مثلا اذا كنتوا متفقين مع معلمتكم على نشاط وموضوع يخص المدرسه مافيها شي
لكن ماتتعدى حدود المدرسه
هذي وجهة نظري
ومشكورة ياعسل مره ثانيه ..

انا اؤيد كلام بنت نجد صحيح اني بالمرحله المتوسطه ولكن فيه بنت اذكر بالابتدائي كانت تموت على معلمه والمعلمه هذي نعرفها ووحده من اقاربنا وصديقة امي زي الاخت المهم صارت تقول المعلمه لامي انا عطيت الطالبه رقمي صارت كل دقيقه تكلمني غثتني بصراحه والى الان تكلمها وصارت تطنشها المعلمه اما بالنسبه عن كلام اختي بنت نجد هو عن نشاطات المدرسه والحاله هذي عادي ولكن ايضا احس انه اذا المعلمه كانت معجبه بشخصية طالبه وتبغى تتعرف عليها اكثر واعطتها رقمها كمان ماعندي مانع لكن اشياء قلة حياء طبعا لا يكون فيه احترام مثلا بالماسنجر عندي وحده من المعلمات حقت الحاسب بيني وبينها احترام وكل شيء ولكن مايتعدى الحد المعقول وتسلمين اختي

كانت معجبه بشخصية طالبه وتبغى تتعرف عليها اكثر واعطتها رقمها كمان ماعندي مانع
اقصد المعلمه تعطي الطالبه رقمها وشكرا

أنا اشوف هذا الشي عادي إذا كانت المدرسه تحبني و كان مستواي عندها حلو و نحترم بعض فليش لا
أنا عندي رقم مدرسه درستني في رابع ابتدائي و ثانيه درستني في سادس و وحده درستني في اولى و ثاني و ثالث متوسط بس كلهم لما بغوا يطلعوا من المدرسه اخذت ارقامهن
و وحده تدرسني هذي السنه عطتني رقمها لأنه كان عندنا نشاط في المدرسه فعطيتها رقمي عشان تكلمني عليه و هي بعد اخذت رقمي يعني كل مكالماتنا حول الدراسه
لكن مثل ما قالوا بعض البنات عن حر كات بعض المدرسات الي تكون مو زينه فهنا ابدا ابدا ابدا ما اؤيدها و الحمد لله ما مر علي احد كذا