المكياج والكريمات الحلوه في سيفورا

1. ونقلته لكم للفائده


2. مرحبا بنات

السلام عليكم ورحمة الله وبركاته
شفت الموضوع في أحد المنتديات وأعجبني

ونقلته لكم للفائده

مرحبا بنات

اليوم يبت لكم صور شغلات عجيبة من سيفورا وتدرون موسم السفر قرب فاللي لها روحة أمريكا , باريس, دبي أو البحرين تشوف هالشغلات أو توصي عليها واللي مجربة بعض هالشغلات أو عندها شغلات ثانية تحطها علشان نستفيد كلنا
هذا من smash box ينحط قبل الفاونديشن يملي الخطوط وينعم البشرة "أفضل المبيعات في سيفورا"
مرطب للبشرة من فيلوسفي اسمه Hope in a jar وايد حلو "أفضل المبيعات في سيفورا
هذا عبارة عن علاج وترميم للبشرة بالليل قبل النوم والحلو فيه انه فيه لون مثل الفاونديشن وله درجات يعني يعطي تغطية وعلاج بنفس الوقت وتدرون وقت النوم وعقب ما نغسل الويه تطلع البلاوي وينصدم المسكين فهذا مكياج النوم ويقولون ما يطبع على المخدة ولا يأثر على البشرة لأن أصلا علاج فانشالله ناوية أجربه اسمه Bare Escentuals RareMinerals Skin Revival Treatment "أفضل المبيعات"
هذا يتفخ الشفايف من ماركة Too faced وهذي الماركة وايد حلوة فشوفوا كل مكياجها أحسن
هذا بخاخ للبشرة بزيت العنب ومعروف ان زيت العنب وايد زين للبشرة والتجاعيد Caudalie Grape Water
هذا زيت للحواجب يقولون يطولهم ويكثفهم
مزيل غلطات المكياج يعني زوايد الكحل والماسكرا
مزيل ثاني من ماركة سيفورا يصير مثل القلم يمسح الغلطات البسيطة من غير ما يخرب الفاونديشن
هذا فاونديشن للجسم من ماركة نارس يستخدمونه وايد في Red Carpet خاصة للساق يعطي لون واحد ولمعة وفيه منه درجات للون وعموما ماركة NARS وايد حلوة شوفوا كل شغلاتها
هذا واايد مفيد خاصة بعد الأكل تمسحين فيه على أسنانج يشيل البقع ويبيض الأسنان استخدامه يومي وينحط بالجنطة وله نكهات وايد من ماركة Go Smile
يتبع