الموضوع تجربتي الكاملة لبروتينProtein therapy لشعر حريري وبدون اي مشاكل بالصور

1. 1- حالة شعري :


2. بقالي شهور بعمل بحث علشان اقرر اعمل شعري بروتين ولا لا

السلام عليكم ورحمة الله وبركاته
دي تجربتي الحقيقة مش منقولة من اي منتدي
معلش ياجماعة انا بعد ما كتبت الموضوع لقيت نفسي رغيت كتير بس والله كله كلام مهم جدا
واي استفسار انا في الخدمة
النهاردة انا حكتب بالتفاصيل المملة تجربتي مع بروتين الشعر المعجزة Protein therapy

1- حالة شعري :

فتلة شعري ناعم بس في تموجات ومتوسط الطول والكثافة كان حلو جدا بس انا الي بوظت بصراحة مفيش اهتمام علي مدار اكتر من 8 سنين كل سنة بغير لون في شعري معنديش وقت اهتم بيه خالص يادوبك بغشل شعري وممكن اعمل مرة حمام كريم وممكن لا اوقات كنت بحط سيرم
من شهور لاحظت ان شعري بدا يتساقط كتير اوي وفجاة بقي مقصف جدا مع انه كان طري ومش كده خالص
بدات رحلة علاج التساقط وطبعا علاج الشعر بياخد فترة مش اقل من 6 شهور وممكن توصل لسنة ونصف
اشتريت منتجات كتير التساقط اقل شوية والحمد لله بس فضل عندي مشكلة التقصيف والهيشان والشعر مش طري زي الاول

بقالي شهور بعمل بحث علشان اقرر اعمل شعري بروتين ولا لا

بس بصراحة الي شجعني اني من سنة عملت لبنتي عنده 6 سنوات بروتين بس كان نوع تاني غير ده الي عملته حاليا الاحدث والنتيجة بتاعته بصراحة طلعت وهم وبعد كده بدات اهتم بشعري بنتي واعملها حمام كريم وسيرم وشعرها بسم الله ماشاء الله بقي تقيل ولامع ومتظبط جدا
افتكرت الي حصل لشعري بنتي وقررت اخوض التجربة وكمان انفذ نفس الخطة بعد ما اعمل البروتين اهتم بشعري جدا
لان بصراحة بيغير من نفسيتك جدا اكتر من 360 درجة وبيكون ليكي نفس تهتمي بيه
المهم وصلت لبروتين
Protein therapy
وقررت ان ده نوع البروتين الي عمله ليه بقي علشان الاسباب الي جايه
1_هو البروتين الاصلي لعلاج وفرد الشعر
2_البروتين الوحيد المصرح به من منظمة الصحه العالميه ال fda ووزارة الصحه الكويتيه
3_الوحيد الذي يحتوي علي افضل واقوي واغلي مجموعة بروتينات في العالم ((الكيراتين و الكافيار والكشمير والحرير والقمح والارز والصويا بالاضافه الي الكولاجين وزيت الارجان والارجنين اقوي الاحماض الامينيه ))
4_خالي تماما من الفورمالين ومن اي مواد كيميائيه
5_اول بروتين في العالم بتقنية النانو تكنولوجي ثيرابي
6_اعلي نسبة علاج 100% وفرد من 75% الي 95% ويصل احيانا الي 100% حسب درجة تجعيدة الشعر
7_رائحته جميله وليس له اي ادخنه نفاذه فلا يحتاج لكمامه وآمن علي اليد لا يحتاج للبس جوانتي
8_ممكن تغسليه نفس اليوم او بحد اقصي اليوم التالي لا داعي للانتظار 3 او 4 ايام
دي صورة الزجاجة ياجماعة
علشان محدش يضحك عليكي
كمان في معلومة مهم اوي البروتين ده مش بيتباع ومتوفر في الصدليات زي باقي مستحضرات التجميل
لان الشركة ليها مراكز معتمدة علي مستوي انحاء مصر لما تتصلي بتقولك محافظاتك ايه وايه اقرب مكان ليكي
اليوم الي قررت اعمل فيه البروتين
الي فهمته انه بيتغسل في نفس اليوم بس لازم تكوني مفضية نفسك مش اقل من 6 ساعات
لان الاول بيتم غسل شعرك بشامبو مخصوص وبتقعدي فترة وبتغسلية
وبعدين بيتم عمل ستشوار لشعرك كتنشيف بس وبيتم توزيع البرويتن علي شعرك خصلة خصلة وده بياخد وقت
وبيترك علي شعرك مش اقل من نصف ساعة
وبعد كده ممكن تزود تاني بروتين لو شعرك محتاج
رائحته حلوة اوي
بعد كده بيتعمل بيبي ليس بمكواة مخصوصة خصلة خصلة واول مرة دي بتاخد وقت ممكن توصل لساعة مش تزهقي خالص لان النتيجة تحفة في الاخر
وبتسيبي شعرك شوية حوالي نصف ساعة او ساعة
وبيتعمل مرتين كمان بيبي ليس
وبعده كده بيتغسل بشامبو مخصوص انا كنت بستخدم لتساقط الشعر شامبو واسبراي التساقط
اسمه revivogen
دي صورته
سالت الدكتور قالي ينفع بعد الكيراتين
غسلت شعري وحطيت سيرم بالكيراتين والمهم اني تسيبيه ينشف من غير ما تحطي في شعرك لا توكة ولا دبوس
والنتيجة يابنات طلعت وهم اكتر ما كنت اتخيل
بسم الله ما شاء الله
مفيش تساقط
مفيش تقصف نهائي بعد ما كان شعري متقصف من منبت الشعر
لامع جدا
مفرود تقريبا بنسبة 100%
وكمان الاهم انه طري وشكله صحي
ونفسي اتفتحت اني اكمل علاج شعري
وشعري بعد ما كان كده
محلوظة دي صورة من النت بس شعري كان اسوا من كده
بقي كده
يابنات بالله عليكم الي تدخل ترفع الموضوع بدعوة حلوه ولها مثلها
باذن الله تعالي