الناس تهني بعض بالعام الجديد وانا بدايته استلمت ورقه طلاقي

فراشاتي الغاليات انا تطلقت قبل شهر والحمدلله علي قضاء الله وامس استلمت ورقه طلاقي تزوجت من شخص قبل سنتين وقبل الزواج ايام الملكه كان بينا حب جنوني وبعد الزواج الرجال تعب وصار عندة اكتئاب ويستخدم حبوب نفسيه وعجز جنسي ومايبيني اقول لهلي واستمريت معاة سنتين نصحته يقرا لان يمكن فيه حسد او سحر بس مايستمر ابد علي القراءة في شهر مرة وصبرت لاني كنت احبه بس للأسف الرجال ماقدر صبري وجابني لهلي وارسل لي رساله وقال انه ماارتاح معي وانه موناقصني اي شي واي شاب يتمني بنت مثلي بس المشكله فيه ويبغي يجرب الزواج بغيري انا هنا مت من القهر كيف يتزوج؟ ليش يظلمني؟ ليش كذب علي طول الايام الي عشتها معه يقول احبك واصبري علي وبتعالج ولاتتخلين عني وفي الاخير هو الي تخلي عني ...صار لي عند اهلي 6شهور خلال هالشهور 3مرات يتصل فيني يتأسف ويبيني ارجع له ومرتين وافقت اني ارجع وبعدين ينسحب بعذر انه تجيه ضيقه وتعب و3 مرة انا الي رفضت ارجع له
لاني عرفت انه خطب بنت وكذب علي اهلها يقول مابعد تزوجت ولما عرفوا انه متزوج وكاذب عليهم رفضوة وبعدين رجع لي ورفضت لانه باعني وحط فكرة الزواج براسه ولان حياتي معه مافيها استقرار يوم يبيني ويوم لا ..قسم بالله اتعب نفسيتي بشكل كبير حسبي الله عليه .. وبعدين طلق والحين جاب ورقه طلاقي والله اني مو ندمانه عليه لانه انسان خاين وماقدر صبري علي مرضه وقفتي معه راح عمري معه عالفاضي وفي الاخير رجعني لبيت اهلي وانا أحمل لقب مطلقه حسبي الله عليه ونعم الوكيل فعلا الرجال مهما وان سويتي له اهم شي عندة مصلحته
خواتي الفراشات انا كتبت قصتي لكم عشان امرين الاول تدعون لي الله ينصرني علي طليقي الظالم ويعوضني ربي بالزوج الصالح ويعوض كل مطلقه ويرزق بنات المسلمين ..بصراحه الطلاق موسهل امور حياتك كلها تتغير صعب علي البنت تحمل لقب مطلقه لا وبعد من دون ذنب لها...
والامر الثاني لاتعطين الرجال كثير عشان ماتندمين كثير واول ماتصير لك معه مشكله او مرض هو خبري اهلك او اتصلي بمستشار اجتماعي لاتكتمين مثلي وبعدين تجي الطقه فوق راسك راحت سنتين من عمري عالفاضي علي قولتهم لاولد ولاتلد...
حسبي الله عليك ياطليقي ونعم الوكيل ويارب تعوضني
دعواتكم يالغاليات