النظره الشرعية

ولا رد

عادي تلبس شي ساتر ما يبين منه الا وجهها وكفوفها ..
يعني حتى لو تايور ساتر وشيك .. تلبسه .. بس لا تتكلف حتى الميك اب بسيط مجرد كحله وقلوس وشويه بلاشر
الله يسعدها يارب ويتمم لها على خير ..

لبسها يكون ساتر وطويل و الميك أب الأفضل ما تحط شي بس لو بتحط تحط خفيف حيل
الله يوفق صديقتك يارب وعقبالك ^_^ ..

طيب كيف تكون تجلس معاه ولا كيف بالضبط

بصراحه هي متخوفه هل فيه احد ينظر لها وما يصير نصيب بينهم

حبيبتي أنا راح أقلك تجربتي مع خطيبي وإنتي استفيدي منها
طبعا كنت لابسه تنورة طويله وتي شيرت كم ربع>>>مسويه حشمه
كنت مسوية مكياج مره خفيف حتى مو باين إن فيني مكياج
طبعا اتفقت مع أخوي يدخله علي وأنا كنت قاعده بالصاله ومسكت بماما وماخليتها تروح
>>>لاتستغربون هو ولد ولد عمو وماما تعتبره زي ولدها من زمان وتكشف عليه
المهم ياستي دخل أخوي وهو وراه أنا ساعتها وقفت سويت حالي مؤدبة
جاء وقعد عالكنبه اللي جنبي
ومره مارفعت راسي ولا هو رفع راسه
قلنا لأهلي مانبي شوفه وأصروا لأننا نحب بعض ومقتنعين
أخوي قعد ينكت ويغير الجو ويقول ارفعي راسك شوفيه هذا "منصور"
وأنا أرخي راسي أكثر
ولما جاء طالع مد لي كيس كان فيه طقم ذهب وقلتله يعطيك العافيه
وبس
الله يوفقها ويتمم لها على خير يارب

حبيبتي
خلها تكشخ مو كل مره راح تدخل للنظره الشرعيه
تلبس لبس حلو ومرتب كان فستان والا تنوره ... المهم شي ناعم ويبين جسمها يعني لاتلبس واسع
ولا ضيق بشكل مبالغ فيه ...
وتحط مكياج حلو ولون حلو مثل الزهري عشان يعطي نور للوجه ...
نصيحه خلها تستشور شعرها وتخليه سايب ...
وتدخل عليه لا تطول عنده ولا ترفع عينها فيه ... تشوفه بالصور احسن
وخله هو اللي يشوفها
وقولي لها نصيحه تترتب مو كل مره البنت تدخل للنظره الشرعيه وهالنظره راح تثبت برأسه
واول مره يشوفها اذا هي مقتنعه فيه وبأخلاقه ودينه ... خلها تدخل وهي على سنقة عشرة
سلام

يسلموا يالغاليات

وش رايكم تتكلمون عن تجاربكم وتفيدون غيركم