الوداع

ملسونه بس مزيونه

15-10-2022 - 12:16 am

قلت: الوداع وجاوبت دمعة العين,,,
تجرح بساتين الخدود النديه,,,
وغضت وشفت"بعينها"الحزن حزنين,,,
وصاحت على الفرقا أنا مو قويه,,,
وجاوبتها"أرجوك"تكفيت..تكفين, !!!,,
والله دمعك يشعل النار فيا,,,
وقالت:تعاهدني عهاد المحبين,,,
الله يخون اللي يخون خويه,,,
قلت ابشري واللي خلقني لاتظنين,,,
حرام ماغيرك عشقت ادميه,,,
وقصت شعرها!!!!....,,,,
قلت انا وش تسوين,,؟؟؟
قالت ابي من غرتي لك هديه,,,
ونادتني الغربه على الهم والبين,,,
احسب الايام روحه وجيه,,,
وفي كل ليله ترتسم بين رمشين,,,
خيالها بين الرموش الشقيه,,,
غربة سنة في ذمتي غربة سنين,,
متى على الله يلتقي الحي حيه,,,
خلاص هانت ما بقى غير*يومين*
خلاص قفت غربه جرهدية,,,
ورجعت شوقي في خفوقي براكين,,,
ورجعت انا كلي لها جاذبيه,,,
وسألت ما ردوا؟؟!
وانا"أصيح"
وين؟؟
وكل(ن) نثر من داخل العين ميّه,,,
وفي معمعة حزني تلقيت رمحين,,,
قالوا:
غافلتها المنيه’’’
وفي غرغرتها ما ذكرت غير حرفين,,,
تشهدت%بأسمك%
شفاة البنيه,,
وتزاحمت في داخلي ال1000ف سكين,,,
"صدمه"وجابتني على الارض نصفين,,
وشلون راحت دون ذنب وخطيه؟؟؟؟!!
تكفون دلوني عللى القبر هالحين,,,
ماعاد فيني للصبر مقدريه,,,,
ووقفت اطالع قبرها بين نصبين,,,
وجلست اضم اغلى النصايب عليا..
وأصيح وش بك "ياغلاي"ما تردين؟
إشتقت همس شفاك النرجسيه,,,
وش فيك جيت من السفر ما تهلين,,,
ماهي لك عاده ولا انتي رديه,,,
وحاولت في لحظه اجرح الدين,,,
أزيح تربة قبرها في يديا,,,
وبالغصب شالوني تقل مسكين,,,
وأصرخ لهم والله والله حيه,,,
وقفت وتاهت بي جميع العناوين,,
والحزن يلعب داخلي سامريه,,,
ورجعت لدروب الشقى قبل عامين,,,
ومدري من اللي صار فينا ضحيه,,,,,
الله الله بالردود......

التعليقات (4)

ملسونه بس مزيونه

15-10-2022 - 03:38 am

مشكوري ين على الحقران

اغلى فراشة

15-10-2022 - 04:39 am

رائعه
وكلماتك جد اجميله
,,,,,,,,,,,,,,,,,,,,,,,,,,,,,,,,,,,,,,,,

دلــــــ بقيق ـــع

15-10-2022 - 05:40 am

كلماتك روعه كروعتك انتي بذاتك دمتي لمن تحبين......... اختك / دلع بقيق

YeMeNiA_4_EvEr

15-10-2022 - 06:41 am

أبدعتي ,, ^_^

بحر الاهات←
الى كل الفراشات ادخلن هنا→