الوظيفه مالها وماعليها 1

ياحبيبتي , اذا تقدري تتوظفي , لاترفضيها , تضمني عمرك , الله يطول بعمر زوجك
ومن ناحية البيت والاطفال , من البداية اتفقو يكون فيه مبلغ يحطه للبيت ومصروف للعيال
وانتي براتبك ادخلي جمعيه ولا جمعيه عند اهلك وهو مايدري
لان الرجال يافرحته لو عرف ان زوجته عندها فلوس ,
ومن ناحيه مصروفك
يختلف من حرمه لحرمه
انا عني ما صرت اطلب منه مصروف بما اني التحقت بالبعثه وصرت استلم مكافئة
=)
بس الاهم ان من البداية , ارفعي فلوسك بحساب خارجي مايعرفه
او عند اهلك ,
وصدقيني , انا جربت اكون مرافقه (هو يصرف علي )وجربت اكون مبتعثه(ليا مكافئة خاصه فيني)
اول لما كان يعطيني مصروفي ماكان يكفي وكنت انحرج اطلب زياده
الحين العب بالفلوس لعب الحمدلله , ولا يقدر يقول لي شي لانها ببساطه مكافئتي
وكنت ما كان ليا مزاج اطبخ , اطلب من برا ,
كل مانزلت السوق بطاقتي معي , ما اخلي بقلبي شي
هدايا لاهلي , من اغلا مايكون ولا يقدر يقول شي لانها فلوس
صدقني , والله الفلوس بيد الحرمه , فله ووناسه ,
ومن ناحية البيت , والشغل
اول كنت اتعب من شغل البيت لاني طالبه ودوامي حول 6 الى 8 ساعات
وماكان يساعد خ الله يعطيه العافيه بس يقربع , الحين تجيني شغاله 4 مرات بالاسبوع
والاقي وقت ادلع نفسي , صالونات , بدي كير ومنكير , مسااج
=)
يعني , قبل تتهوري رتبي امورك كلها ,
واعرفي ايش لك وايش عليك ,
وخلي فيه حدود للمساعده اذا حابه تساعدي
الله يرزقك الرزق الحلال , ويكتب لك الي فيه الخير وفيه مصلحتك

يازين الوظيفة ..ياليت القى لييا وظييفة
ومووشا صاادقه ي حلات الفلوس وهيا في يدك
انتم من البداية اتفقو ع كول شي وانو مالو دخل في راتبك,,,وانتي من الذووق تسساعديه..

يارب بس الله يرزقني بوظيفه يارب امنوا يا فراشات
مهما كانت للوظيفه عيوب ومساؤى ما تجي زي حلاوتها وانك مستقله وتحسي لك دور في المجتمع واهم من هذا كله يتغير الروتين الي عايشين فيه

اعتوظفي وخلي مقاظي البيت عليكوالباقي على زوجك
والله يوفقك

البنوتات
الولادي

موضوع جا في وقته كان نفسي اتوضف واشتري اللي نفسي فيه بفلوسي وبعزة نفس
كنت اقول ليش الوحده تتوظف وتوفر رجالها عشان يتزوج عليها
بس الحين يجي راتبه يتفقد نفسه ويشوف وش ناقصه مايذكرني لو بريال لو قلت ابغى انزل السوق يسويلي سالفه يقول الراتب راح كله وكل شهر على هذي الحاله
واقول ياليتني موظفه عنذي راتب مايتكرم عليه
اه اه توظفي احسلك بس لاتخلينه يوفر فلوسه

والله هذا اللي دايم شاغلاً بالي ودي يمشيلي كل شهر راتب
بس يوم اتذكر اخااف ادخل بمصارعات مع الزوج الحين ونا مو ماشيلي شي ودي اخذ منه فلووس احس كني اطلعها من حلقه وش عاد اذا كنت متوضفه
وكل قريباتي كنت اقول لهم ليه ما تكملون وتوضفون يقولن حنا متريحات تبينا نفتح باب ماينسد
تزيد فلوسه ويروح يتزوج ومايعطيك اريال والله هذا اللي يخوفني

يا اختي B - CLOVER
مو حق انا نتكلف باللي واجب عليه هذي نفقه مجبور فيها
هذا غير انك حتي ملابس اطفالك انتي تشتريها هذاا اكيد وش فايدته اجل وش سمي الآب له
والزوجه عليها الشغاله بس اما تشاركه بمصارريف البيت نو وي اذا كان متوظف

شوفي عزيزتي
مصروف البيت و العيال واجب عليه ولا له حق يطلب منك
حتى مصروفك انت حتى لو كنت مليونيره شرعا واجبه يصرف عليك
لكن هذي احس ادبا انك ما تاخذين مصروف
و الشغاله حسب العرف هو اللي المفروض يوفرها و يعطيها راتبها
وربي يوفقني و اياك

الوظيفة حلوة واخ من الفلوس في اليد