الي تبغاني ادعيلها ليلة القدر

و الله يا حبيبتي أنا ما بعرف, ما عندي خبرة بالزيوت و الخلطات
بس هذا ما بيعني انه تحرميني من دعائك الي في ليلة القدر
الله يوفقك و أكيد الفراشات اللي عندهم خبرة بيساعدوكي

يا عيوني انتي...والله انا رأيي انك تشوفين دكتورة اول
لان تخيلي زيت الزيتون والي الناس كلها تحطه في نا س يخرب شعرهم ويطيحة ويزيد الطين بلة ...وفي ناس يصلح شعرهم ويطلع مرة حلو
فنصيحة روحي للدكتورة عشان تعرف مشكلتك وتنصحك بنوعية الزيوت الي تناسبك...لان في زيوت مرة قوية على الشعر...وتزيد المشكلة عندك..ويمكن الزيوت الي ذكرتيها تكون من هذا النوع
وان شالله انا راح ادعيلك ان الله يسهل امورك
اختك ليال

شوفي ياإختي الغاليه 0000
أنا بصراحه أول أهتم بذي الزيوت لاكن إكتشفت إنها سبب لتساقط الشعر000 طبعا أغلبها 000 لأن فيه أنواع تجي ثقيلة على الشعر زي زيت الزيتون والحشيش والخروع والثوم 000
وإمكن لأني أخليها تطول بشعري 000 يعني لو بتحطين الخلطة هاذي خليها قبل الإستحمام 5 ساعات 00 وبعضهم يخلوها ليلة كاملة مره في الإسبوع 00000
زيت الخس حلو أنا جربته مع زيت البصل والثوم وشوي خروع ولوز 000000 بس للمره المليون أقول 000 هي بتنعم وتهبط الشعر وتغذيه بس تقضي على تسا قط مستحيل مستحيل وهذا عن تجربة 000 الشئ الوحيد اللي فعلا لاحظت إنه قضى على التساقط هو التونك الماليزي اللي سوى ضجه 000 وترى قيمته 16 ريال سعودي ولو بتاخذين كميات مثل 100 علبة بتطلع لك العلبه ب 5 ريال سعودي بس 0000
لأن إختي في ماليزيا وأنا قلت لها تسألي عنه وجربت علبه ونص وشفت نتايج حلوه لمنع التساقط 000
ممكن توصين أي محل معروف إذا يقدر يجيب المنتج هذا من أندونيسيا أو ماليزيا 000000 أو شغاله ممكن ترسله لك 000
موفقه
ولو بتدعين لي 0000000 إدعي لي بالشفاء والعافيه 0000 الله يجزاك خير دنيا وآخره

وجدان اذا تبين نصيحتي اسمعي كلامي والله عن تجربه ويشهد علي بكلامي برمضان هذا مالج الا مقوي الشعر أميرا وهو عباره عن تونبك منزلة موضوع انا عنه والله اني استعمله الحين وماراح اوقف عنه ابد صج استوى شعري عليه حلو وقل التساقط بشكل كبير وهو متوفر وتقدرين تحصلينه اما بالصيدليه او بالجمعيه يعني مافي اسهل منه واذا تبين تفصيلات اكثر شوفي مو ضوعي وان شاء الله يفيدج بس صدقيني والله ما بتندمين والله
موضوعي اسمه عندي حل لمشاكل شعركم كلة شوفيه
بس تكفين لا تنسينا من دعائج يا الغالية

والله ما أقدر أفيدج بشي فعلي بس الي أعرفه إن زيت الكتان والسدر والجرجير وايد مفيدين للشعر أما خلطهم مع بعض ويا أشياء ثانية ما عندي فكرة واسم الله عليج من القرع الله يشافيج يا رب

أنا عن نفسي اسويلي خلطة مكونه من زيت الثوم والجرجير واللوز والخردل والحلبة (أحط فنجان) واخليهم لمدة اسبوع يخمرون مع بعض واستخدمهم لكن ريحتهم شوي قوية ,وأحيانا احط بس زيت نارجيل بارشوت احسه حلو ويناسب شعري لانه زيت خفيف مو ثقيل ,أما عن زيت الزيتون فما استخدمه ابدا لأنه حرقلي شعري

الله يجزاكم الجنه وراح ادعيلكم وانا عند وعدي ان شاء الله والله لا يحرمني منكم

حبيبتي أنا استخدمت من سنتين الحلبه المطحونه مع زيت عافيه وصار شعري غليظ وروعه لمدة شهرين وبس
وبعدين الله لايراويك التساقط والله احس اني باصلع
وفعلا شفت موضوع في منتدى وحده اتحذر من الحلبه ودعواتك لي بالتوفيق والشفاء العاجل

انا مع اختي الجوهره احس ان الحلبه تسبب التساقط انا جربتها مع زيت عافيه ولا غلظ شعري ولا شي من اول ما احطيته وهو يتساقط قلت معليش يمكن بالبدايه بس كذا لكن تركته والله شعري تساقط بشكل فظيع