الي تدخل تدعيلي وتسمعني شويه

1. السلام عليكم ورحمه الله وبركاته

السلام عليكم ورحمه الله وبركاته

ازيكم يابنات عاملين ايه انا جيه النهارده اتكلم معاكم وافضفض بس قبل كده لرجوكم تدعولي دعوه صادقه من قلبكم يفرجها عليه ربنا ويفرج كربي وهمي ويرزقني بالحمل جايز لما تدعولي ربنا يستجيب منكم انا بصراحه ماليش حد اتكلم معاه غيركم عشان حسين بيه وبوجعتي على راي المثل مايحسش بالنار الا الي كابشها ومايحس بوجعتك الا الي زيك انا تعبانه قوي ونفسيتي زي الزفت حجات كتيربتحصل قدامي بتدايقني قوي ومش عارفه اعمل ايه كل ماانسى موضوع الحمل تيجي حاجه وتفكرني وتعكنن عليه اقربها امبارح قبل ماانام باليل لقيت ماما بتقلي ان مرات ابن خالتي حامل للمره التانيه بنتها عندها سنه ونص وحامل انا مش زعلانه بالعكس ربنا يتملها على خير وحتى ماما وهيا بتقلي مش قصدها تضايقني بس انا اتنكدت نكد وزعلت قوي وبكيت ايوه بكيت وكان حد بيقلب عليه المواجع متجوزه بعد مني وحامل للمره التانيه بقعد اسال نفسي هو في ايه انا مالي فيه ايه ليه الحمل متاخر بعد ولاده بنتي وارجع اقول الحمد لله اللهم اني لااسالك رد القضاء ولكن اسالك اللطف فيه انا عارفه انكوا هتقولوااحمد ربنا عندك طفله غيرك ماعندوش خالص بس سدقوني في الحالتين شعور صعب ويمكن اصعب لما تكوني مخلفه قبل كده ومش عارفه تخلفي تاني وانت مش عارفه السبب نفسي اعيش الامومه تاني بجد كل مااشوف طفله الاعبها وافرح بيها قوي بس اعمل ايه واسمع من ناس كتيره كلام مالوش لازمه اقربها مرات اخو جوزي قعدت 3سنين مش عارفه تحمل وكنت بدعلها من قلبي ربنا يكرمها بالحمل وبعد ماحملت وربنا رزقها بالولد بعده 6شهور حصل حمل تاني وخبوا علينا ولما سقط قعدت تقلي الواحد ماكان عايز الحمل ده والرجاله عايزين واحده فلاحه تخلف لهم وبس في عيال بتحاول تداري الموقف ومامتها تقلنا انا قلتلهم مش عايزه اسمع سيره الحمل تاني وكانهم خلاص مابقاش عندهم مشاكل والحمل بقى سهل وبعد كده اكلمها من قريب تقلي انها ركبت لولب تعمل ياعيني وتقلي الي هيحمل هيحمل حتى لو مركبه لولب انا مش عارفه ليه كده ده انا دعتلكوا وانتو في محنه ليه تعملوا معايا كده انا مش عارفه هو في ايهعمري مااتمنيت الازيه لحد ولادعيت على حد ياربي وكاني دلوقت انا الي عندي المشكله انا تعبت بجد تعبت نفسي حد يريحني ويطفي النار الي جوايا انا خلاص مابقتش افكر في موضوع الحمل ده بجد هشيلو من دماغي خالص والي هيلمح بكلمه كده ولا كده مش هسكتلوا وهقلها في وشه لما ربنا يريد وكله بامر الله وهقله وانت مالك معلش طولت في الكلام بس كنت محتاجه افضفض مع حد حد يكون حاسس بيه وفي الاخر ادعولي من قلبكوا ربنا يفرجها عليه يارب