الي تدرس انتساب بجامعة الملك سعود والملك عبد العزيز تساعدني

Sun and Hope

28-06-2022 - 11:33 am

بسم الله الرحمن الرحيم ..
السلام عليكم ورحمة الله وبركاته ...
الي عندها خلفية عن الدراسة عن بعد انتساب في جامعة الملك سعود او الملك عبد العزيز فرع الرياض ياليت تفيدني
لانه بصراحة انفقع قلبي من كثر ما اسال عنها في المواقع ومافي رد ؟؟؟؟
تخصصاتها والرسوم الدراسية
وهل تختلف من تخصص الى تخصص
الي بترد على تساؤلاتي الله يجازيها لالجنة ..........
سبحان الله وبحمده سبحان الله العظيم

التعليقات (9)

&دلع جدة&

28-06-2022 - 03:16 pm

وعليكم السلام ورحمة الله وبركاته
انا ادرس انتساب في جامعة الملك عبدالعزيز
التخصصات المفتوحة
كلية الاداب(دراسات اسلامية،لغة عربية،لغات اوروبية،تاريخ،جغرافيا،علم نفس،علم اجتماع)
كلية الادارة والاقتصاد(ادارة عامة،ادارة اعمال)
الرسوم 3000 في الترم الواحد
وتقدرين تختبرين في الرياض
وبس
دمتي بخير

Sun and Hope

28-06-2022 - 04:17 pm

مشكورة يادلع جدة الله يجزاك خير .........
انا دخلت على موقعهم والرسوم ب 4000 ريال ماأدري اذا كان كل تخصص يختلف بالرسوم عن الآخر الله العالم ؟؟؟؟؟؟؟؟؟؟؟؟؟
ياليت الي عندها رقم جامعة الملك عبد العزيز فرع الرياض ترد
والي عندها خلفية عن جامعة الملك سعود ورسومها وتخصصاته ترد والله يجزاها خير ....
مشكورين ..

الناعمـه

28-06-2022 - 05:18 pm

اهلين اختي اللي اعرفه ان جامعة الملك سعود مافيها انتساب بس دراسه منتظمه

Ro0oro

28-06-2022 - 06:19 pm

جامعه الملك سعود ما فيها انتساب
أبداً

Sun and Hope

28-06-2022 - 07:20 pm

موجود دراسة عن بعد بجامعة الملك سعود وهذا مكتوب بموقعهم ولكن غير موضحين الرسوم او التخصصات ..... شاكرة لك
ياليت تسعفوني بردودكم ...منتظرة

بحر الشــــوق

28-06-2022 - 08:21 pm

السلام عليكم ورحمة الله وبركاته
كيفكم أخواتي أن شاء الله طيبين
ماكيفية التسجيل في جامعة الملك عبد العزيز بجدة انتساب وكم رسومها وماتخصاصتها وهل يمكنني أن أختبر في أقرب كلية في منطقتي ومتى يبدأ التسجيل في الفصل الثاني أرجو أفادتي وجزاكن الله الجنة

بحر الشــــوق

28-06-2022 - 09:22 pm

السلام عليكم ورحمة الله وبركاته
كيف الحال أخواتي الفراشات
ماكيفية التسجيل في جامعة الملك عبد العزيز بجدة وكم الرسوم وماهي التخصصات وهل يمكنني أن أختبر في أي كلية قريبة مني ومتى يبدأ التسجيل للفصل الثاني

::[¤]::سواها قلبي::[¤]::

28-06-2022 - 10:23 pm

هلا حبيبتي
انا سمعت انو مافيه انتساب في جامعة الملك سعود..بس دراسة منتظمه
وحتى سألت في منتدى الجامعه قالوا لي نفس الكلام ( مافيه انتساب )

Sun and Hope

28-06-2022 - 11:24 pm

مشكورين على ردودكم وتفاعلكم مع موضوعي وانا متأكدة ان هالمشكلة تؤرق كثير من الفتيات وهي صعوبة اكمال تعليمهم انتظام .........جزاكن الله الف خير
* ولكن الي بتنتسب بفرع الرياض لجامعة الملك عبد العزيز اين موقعهم بالرياض حتى تقدم اوراقها ...ورقمهم ؟
الي بترد الله يجازيها الجنة ويجعله في موازين حسناته شاكرة لكم
اما بالنسبة لجامعة الملك سعود هناك دراسة عن بعد ولكن للاسف غير موضحين التخصصات ولا حتى الرسوم ...الله المستعان مع ان هناك قرار ينص بانه سوف يتم الدراسة عن بعد في جميع الجامعات بالمملكة عام 2004 م واول جامعة واكبر جامعة هي جامعة الملك سعود بالمملكة ....بصراحة مستغربة هذا التكتم !!!!!!!!!!
اما باقي الجامعات موضحين .. ومنهم جامعة الامام ماشاء الله مكبرة العنوان وموضحة ولكن مافي تخصص الانجلزي للاسف ..
شاكرة ومقدرة
سبحان من سخر لنا هذا وما كنا له بمقرنين وانا الى ربنا لمنقلبون * والحمد لله رب العالمين

استفسار عن موقع كلية التربيه←
مساعدة عن العنف لبكرة→