الي يشوف مصايب الناس تهون عليه مصيبته والله صح

1. سلام عليكم بنات شلون الاحوال انشالله الكل بخير ومرتاحين يارب

سلام عليكم بنات شلون الاحوال انشالله الكل بخير ومرتاحين يارب

بنات حبيت انزل موضوع ونتناقش بي ونتبادل التجارب الموضوع وما فيه اني من يوم الي سجلت بهذا المنتدى واني احس نفسيتي تغيرت ونظلرتي لامور الحياة تغيرت راح تكلون شلون ؟؟ اني اكوللكم بصراحه بنات اني صارلي فتره 7 شهور متزوجه يعني لسه جديدة وتعرفون البنيه من تدخل القفص الذهبي راح تتفاجا ببعض الامور الي مجانت متوقعتهه في الزواج من مسؤولية واطباع الزوج وتقلبات مزاجيه و .....الخ
طبعا اكيد كل وحده مرت بهيج امور وكنت في البداية اتكدر جدا وانقهر واضوج وميت فكره سوده تجي ابالي وخصوصا اني بعيده عن اهلي متزوجه بغير محافظه ولا احب احجي وافضفض لاهلي حتى لا يضل بالهم عليه ... بس يا بنات قسما بالله من سجلت بهذا المنتدى الرائع وقريت مشاكل وهموم الفراشات واحوال الدنيا والامور الي تمر على بنات حوا صدكوني هذا الشي قواني هوايه وخلاني افكر بغير منظار وما اكبر المواضيع ولا انطيهه اكثر من حجمهه يعني مثلا مرات من عندي مشكلة ويه زوجي واجي هنا واقرى مشاكل البنات عن جد احمد الله واشكره الف مره انو مشاكلي اصغر بكثير من مشاكل بعض الفراشات الله يسعد حياتهم انشالله والله صرت احمد الله على حالي وادعي لكل فراشة انو تنحل مشكلته الي طارحته بالمنتدى ... بالاضافه يابنات حسيت اني صرت انظر للامور من مستويات اعلى يعني مثلا ما اكبر موضوع وهو مو مستاهل او الح ويا زوجي على بعض الامور الي ممكن تكون هي من اطباعه وصرت اشوف الصفات الزينه لزوجي قبل الشينه ... ملخص موضوعي يا بنات انو الحياة لا تخلو من المشاكل والمصايب والله يبعد الجميع عنهه يارب ومثل ميكول المثل (( الي يشوف مصايب الناس تهون عليه مصيبته )) لفذلك حبيت تتفاعلون ويايه بهالممضوع واريد اشوف كل وحده حست باحساسي من قرت مشاكل المنتدى ومواضيع البنات الي شافتهه بالمنتدى هل خلتهه تصبر على مشاكلهه وتغير تفكيرهه مثلي لان بصراحه يابنات والله شاهد على كل كلمة هالمنتدى صار مثل عائلتي الثانيه احب اتواصل واشارك وادعي لكل اخت موجوده هنا
اسفه عالاطاله واتمنى من كل الفراشات يشاركون ويتفاعلون ويبينون تأثير مشاكل الفراشات الايجابي على نفسيتهم ومنظورهم لمشاكلهم
مع التحيات لكل الفراشات الحلوات والله يجعل ايامنه كلهه عسل يارب