اليوم عرفت ان مافيه رجل وفي كبرتني يا هم دخيلك قول للدنيا أنا عمري كم

تخُونْ اليُومْ عِشْرَتْنا .. وتِبَدِّلْ فرْحِنا بأحزان
ويِطُولْ اللِّيلْ في عِيني وأقولْ : الشَمسْ خوَّانه
سِمَا .. وقلبي مِثلْ طيرٍ يطيرْ وفَارِدْ الجنحان
وبَعَدْ مَا طَار لِكْ قلبي تِكَسِّر ليه جنحانه ..!
زِمَنْ غيَّر وفا قلبك وخلاكْ الزِمَنْ خوَّان
وأنا اللِّي أحْسِبَه قلبكْ يصُونْ القلبْ لو خانه
أصدِّقْ وإلا ما أصَدِّقْ .. أخافْ إنِّي أنا حلمان
تدُور الدنيا في عِيني وإلاَّ عِيني نعسانه ..!
السلام عليكم ورحمه الله وبركاته ..
اشكركم على هذا المنتدى الناجح وحبيت اسجل واشاركم همي واتمنى تساعدوني ..
انا متزوجه صار ليا سنه و3 شهور والحمد لله مبسوطه مع زوجي ويحبني واحبه ومايقصر معي بأي شي وطيب وحنون ورجال محترم ولكن انصدمت بخيانته مادري هيا خيانه والا ايش ؟!
المهم لما كنت حامل في شهري الثامن كنت نايمه عند اهلي والصباح جاء زوجي واخذني منشان مراجعه الحمل قالي زوجي تجهزي انا ابغى اروح الدوام استأذن واجي ولما راح تجهزت وكان معي وقت رحت اخذ الاب توب في غرفه الجلوس ولكن انصدمت لما شفت جوال على الطاوله اول مره اشوفه اخذته بسرعه وفتحته ولقيت رسائل واسماء بنات
لقيت رقم مسميه بجواله بأسم صيانه هذا الرقم يرسل كلام حب وغرام بس الغريب انه في الرسائل المرسله مافي رساله حب وغرام بس فيه رساله مرسله بالصادر الى وحده اسمها اريج كاتب لها ردي يا*** (كلمه وتعني انها قليله ادب)
واستغرب يعني مافيه ولا مسج يدل على ان الجوال له يعني ماذكرو اسم زوجي
بس اللي مسميه صيانه ارسل مادري ارسلت مسج فيه بيت شعر دايم يردده زوجي ويحبه اللي هو
(( فليتك تحلو والحياة مريرة *** وليتك ترضى والأنام غضابُ
وليت الذي بيني وبينك عامر *** وبيني وبين العالمين خرابُ
إذا صح منك الود فالكل هين *** وكل الذي فوق التراب ترابُ))
بس اللي خلاني اشك وأتيقن بأن هذا الجوال لزوجي بيت الشعر هذا وكان وقت الملكه يقولي فيه ارقام تتصل عليه وترسل رسايل
ولما تزوجت جاب ليا شريحته القديمه وقال اكسريها عشان الارقام المزعجه وكسرتها وطبعا معاه جوال جديد وكنت اسأله ايش نوع جوالك القديم وفين وديته يقولي رميته ويقول اسمه نوكيا مادري كم والله
المهم ان الجوال اللي انا لقينه تقريبا هوا نفسه جواله القديم المهم رجعت جواله نفس مكانه يعني ماكأني شفته بس اخذت رقم الجوال ورقم صيانه ورقم اريج وصورت الجوال بجوالي
جاء زوجي وانا كرهته قد ماحبيته بس مابينت له اني عرفت حاجه سكت ورحنا المستشفى
واحنا في الطريق جالس يدور على حاجه على كبوت السياره وتحت المقعده واسأله ايش تدور عنه وانا عارفه ايش قاعد يدور عليه بس ساكته يقولي ادور ورقه المراجعه المهم مشيتها له ولما وصلنا المستشفى نزل على طول وفتح شنطه السياره قاعد يدور ع شي قلت له ايش تسوي قال لا بس اتأكد من الاستبنه وانا عارفه وساكته
المهم لما رجعنا البيت نزل على طول قبلي وفتح البيت واخذ الجوال وننزل وانا طلعت البيت وطليت ع الشباك وشفته يحط الجوال في الشنطه حقت السياره
ومرت الايام وولدت وكنت نفاس وقلت له حبيبي عطني جوالك بكلم واخذت جواله وشفته متصل على الرقم اللي مسميه صيانه من الجوال حقه بس مو حافظ الرقم عنده المهم عطيته جواله وسكت ومره شافني وانا افتش السجل حقه يمكن انتبه لي وصار يمسح السجل ومرت 3 شهور ع السالفه الي الان وانا ماكلمته ولاصارحته بس له شهرين مايمسح السجل ومافيه الرقم هذا
ودقيت انا على الي مسميه صيانه حوالي الف مره ماترد مره تعطي مشغول ومره يقفله مادري تقفله بس مره ردت وحسيت انها بنت لانها ردت بس ساكته وعلى طول قفلتوحركاتها تدلانها بنت صح؟؟ ولليوم هذا ادق وماترد
ومرات ادور بالسياره تحت المقعده بس مالقيت شي وماقدر انزل من السياره وافتح الشنظه صعبه
انا الحين مادري كيف اتصرف او مادري كيف اواجهه؟؟ هل اواجهه ام اسكت لاني احبه مرره واخاف اسكت يتمادى واخسره انا محتااره بس الى الان مابينت لزوجي اي شي بس كنت اقوله انا احبك ولاتصدمني في يوم من الايام توعدني ويقولي اوعدك يقول ليه تسالين اقوله لا بس اخاف من الصدمه ؟؟؟
حَتى إنتْ
كنت أظنك غير والله !
بس / خنت !
وهان قلبي عندك إنت
والله كنت أظنك غيرهم
كنت أظنِّك كلِّهم !
وبعت إنت !
يعني ما فكرَّت فيني ؟
إرخصَتْ أحلى سنيني ؟
وضاع عمري ..
وإنت / إنت !
كنت أظنِّك غير والله
كنت أظنِّك خير والله
طيِّب
وقلبي اللي حبك ؟
والعيون اللي سهرت لك ؟
والشفاه اللي ندهت لك ؟
والأيادي اللي دعت لك !
كلها كانت سراب !
وآخر الرحله إغتراب ؟
هذا إنت !!