ام زوجي

الله يعينك مالي خبرة لسا مااقدر افيدك

خذي الامور ببساطة ولاتزعلينها هي سوت هالشي بحسن نية اعتبريها امك وحاولي تكسبينها
انتي توك باول الطريق وحاولي كسب ودها وبتكسبين زوجك

حبيبتي انتي مقهورة أكتر شئ علشان شافت بيتك ماهو مرتب وماهو نظيف
مو علشان بس دخلتة بغيابك!!
الواضح انو شقتك في بيت أهل زوجك .. ومامته شايفة ان شقتكم شقتها ..
وشئ طبيعي أنو أم زوجك لسه ماهي مستوعبة أن ولدها صار له زوجة مسؤولة عنه
ومتحمسة انها تعلمك وتفهمك عن ولدها وايش يبغي ...وغيرة ، وشايفتكم لسه صغار ومحتاجينها
أختي كنتي طالعتي للأيجابيات قبل السلبيات
نظفت لك البيت وجابتلك كاسات جديدة .. وريحّتك من التنظيف وانتي دوبك راجعه ..عشانك عروسة
يمكن انتي مو محتاجة لأحد يعلمك كيف ترتبي بيتك وتنظفيه !!
بس صدقيني مع الوقت راح تثبتيلها انها غلطانة ، لما تزورك وتشوفك أيش مساوية وكيف مرتبة نفسك
كان فيه أسلوب أفضل من اللي ساويتيه وتوصليلها فكرتك بأدب وأحترام ..
وزي ماقالت أختي نسمة الكون جزاها الله كل خير .. حاولي تكسبيها ولا تعّاديها ..
انا عاذرتّك علشانك اتصدمتي من التصرف دا الي ماكنتي حاطتة في بالك
صدقيني حبيبتي في مواقف أقوي والله أعلم .. ممكن تصادفيها بحياتك المستقبلية بأذن الله
لازم تحاولي تتعاملي معها بصبر وحكمة ومو كل شئ يستحق انك توقفي عنده وتعاتبي وتتضايقي
الله يوفقك بحياتك الجديده أن شالله ويريح قلبك وبالك بكل اللي تتمنية يارب

اما عصبت وطرطعت بيني وبين نفسي نهائيا ماكلمتها ولاجبت سيره

شوفي والله شي يقهر يعني ... لانها تحسس الواحد بالنقص ... يعني ما ينفع تدخل بيتك وتنظف مهما كآآآن خصوصية .. لو انا في مكانك راح اطرطع وازعل .. بس انتي خذي الأمور ببساطة بما انك عروسة .. لانك الى الان ما تعرفين طبعها ممكن بحسن نيه

شوفي ياقلبي عامليها بحكمه تكسبينها ترا عمر الحقد والمشاكل تعمر بيوت تعاملي معاها مثل امك واخذيها بالضحك والغشمره وسعه النفس ترا الحريم الكبار بركه بالبيت لاتاخذين الامور بحساسيه ومشاكل خليج اكبر من جذيه بعكس تكسبيها وترا انتم في بدايه المشوار الله يوفقج انشالله اكسبيها في صفج تحبج وترا هذا ولدها الله يحفظه لها ولج

ما أزيد على كلام البنات
بس انا رأيي اذا طلعتي من بيتك قفلي شقتك وبكذا ما تقدر تدخلها
والمفروض انك طنشتي الموضوع ولا سالتيها
وترى كلنا نمر بهالمواقف مع أمهات ازواجنا
والله يعينا يا رب
ويوفقك مع زوجك ويسخركم لبعض