ام شخبارك تفهمي بالقصات والشعر ابيك بسالفه لو سمحتي صور صبغات واو

مراحب لكل البنات
اخباركم
واخبار حوسة السوق معكم؟
يلا اعترفوا كم وحده راحت السوق اليوم؟؟
920
500؟؟
الله يعفيكم خلاص اركدوا نبي نخلص اشغالنا كل يوم نقول اكيد بكره تخف ازحمه الرياض ونقدر نطلع نتسوق بس شكلكم مانتم مخلصين الا يوم العيد
وبعدين لا شفتوني اقضي مشاغلي بهليكوبتر لا حد يلومني
المهم مااطول عليكم بس حبيت اخذ رايكم بشغله
قررت وبحمد الله اني اسوي نيو لوك لاشعري في العيد
بس محتاره
انا شعري مو طويل ولا قصير يعني لحد حافة الستيانه من ورى وقاصته طبقتين بس وشعري مشاء الله كثير (تخيلو شكلي طويل وكثير صايره مره شي عادي) ايش تنصحوني اقصه؟؟
ابي ع طوله لان تعبت لحد وصل هاطول
الطلب الثاني ودي اقص لي غرره <==لاول مره بحياتي خ لان قلت ماراح اقص غره لاحد مااتعلم ع الاستشوار الهوائي واخيرا تعلمت عليه
انا وجهي دبدوب شوي يعني عندي خدود<==خ
وجبهتي صغيره
يعني ابي الغره تنعم ملامحي شوي
تنصحوني الى وين اخلي طولها؟؟ يعني تحت حواجبي ع طول؟؟ولا ع عيني؟؟ ولا ببداية خدي؟؟
الطلب الثالث
قررت اغير لون شعري بس الصبغه بسويها بالبيت لان اعرف اصبغ
الي افكر فيه
اول شي بخصل شعري خصل صغار مره بلون اشقر فاتحه
بعدين بصبغه بني شوكلاته
الناتج
شعر بني شوكلاته بخصل صغيره افتح من لون الشعر الاساسي بشوي
ايش رايكم؟؟
بس ترددت بالاخير بدرجة اللون
انا بصراحه نفسي بهالالوان بس مااعرف ايش درجتها بالضبط؟؟(اه ياطوني مندلق جنني هالانسان بصبغاته لو انه بنت كان حجزت ع لبنان وطرت عنده)