امر كان مسبب لي قلق القمل

1. ديتول مخفف بالماء ،,او صابونة ديتول انا استخدمة الصابونه

السلام عليكم رحمة الله بركاته...
صباح الخير لجميع الفراشات
قبل ماكتب موضوعي ..ابي الردود تكون زينه ولافيها استهزاء ولا تدخل وحده وتقولي ياي مسويها فيها نفسه ماتعرف هالامور ..وابي الردود رفع وحتى لو تكتبين مشكوره لانه ابي تعم الفائده..
ندخل في صلب الموضوع ...بنتي تدر س بثالث ابتدائي في شهر 6 رحت للمشغل وقصية شعرها كاريه مدرج..المهم ومر اسبوع الا البنت جايه من المدرسه مو طايقه نفسها من شعرها وتاخذ لها شور
وشكيت انا لانها تعاني من حكه قويه ...وتقولي ماني قاددره اوقف عن حك شعري ..انا خفت بصراحه من انه يكون فيها قمل ..اصلن كنت مستبعده انه يكون فيه قمل بهذا الزمن ..لكن الي حصل انه فتشت شعرها
وانفجعت ماصدقت الي شافته عيوني ....وسيده اخبر ابوها وطيران على الصيدليه ويجيبلي
بخاخ بار وشامبو سنان ....وقعدت ابخ شعرها واغسله بسنان ..ومع الايام حسيت انه خفت الحكه
وماعاد شفت فيها قمل ولابيوضه ...واوقف اليخاخ والشامبو ...وتجي العطله ونلتهي فيها وبمناسياتها
ورجعنا في رمضان الا القي انه منتشر بشعرها بشكل موطبيعي ..وبصراحه كلن نصحني اني استخدم بف باف بس خفت اضرها لانها شفت ان فروت الشعر متحسسه ...والمهم استمريت بمعاناتي ادور الحلول
والمشكله انه انتشر بين اخوانها
الي ان هداني ربي ودورت بالنت اصلن كنت مئيسه اني القي احد كاتب عن القمل او يعاني منه
وربي يدلني على خلطه كاتبتها احد العضوات في منتدى سيدتي ..
وطيران اسويها ...والله الذي لا اله الاهو ان القمل يتساقط بشكل ماني مصدقته..
وابد اغسل شعرها في الخلطه كل نهاية اسبوع والحمدلله راح واختفي بقدرت قادر وسويتها لاخوها الي يدرس كمان ..وسويتها لنفسي من باب الاحتياط.....
ادري كثرت عليكم بالكلام لكن حبيت تتعايشون معي الوضع .
والحين مع الخلطه.
فنجان زيت زيتون والا زيت الطبخ تخلطينه بملعقتين صابون تايد او ايريل انا جربت ايريل احسن مفعول
تخلطين فنجان خل مع لتر ماء
فاشكول او بلسم

ديتول مخفف بالماء ،,او صابونة ديتول انا استخدمة الصابونه

اولا: بلليي الشعر بالماء والافضل تحت الدش وحطي من خلطة الصابون والزيت واتركي شوي وابدي افركي الشعر وافركي وافركي لمدة 2وبعدين غسليه بالماء
ثانيا :مشطي الشعر زين عشان تفكين التشابك وحطي عليه فاشكول او بلسم ثم صبي شوي من خلطة الخل وجيبي مشط اسنانه صغيره جدا تلاقينه عند العطارين وابدي مشطي الشعر وشو في العجب كيف القمل كيف يتساقط وكذالك البيوض حقته وبين مشطه والثانيه غسلي المشط زين يبيله صبر هالمرحله
ثم صبي الباقي من الخل وامشطي الين تحسين انه ماعاد ينزل قمل
ثم غسلي شعرها ثم جيبي باقي خلطة الزيت والصابون وغسليه زين وافركيه ثم غسليه
وبالاخير غسليها بالديتول ثم شطفي شعرها زين ثم اغسليه بالشامبو تبعها الي تستخدمينه لها ثم لفي شعرها
وبعد ماينشف ابدي مشطيه على منشفه ..واذا جف الشعر جيبي الاستشوار بس انا افضل المكواه السراميك..لانه الاستشوار حار عليها ..وابدي اكوي الشعر خصله خصله واذا شفتي باقي بيوض اضغطي عليهن بقوه ..ثم اسحبيها باصابعك .....واستمري على هذي الطريقه الين تضبطين الشعر
وفي نهايه كل اسبوع سويها لو تبقين لمدة شهر سويها لانه احتمال يرحع
والله يابنات حبيت اكتبكم تجربتي لتستفيد كل ام تمر بهذا الوضع ...
والعدواء الي جات بنتي ماني عارفه هي من الرسه او المشغل اذا هي المدرسه غيري مكانها عن البنت المصابه..
والمشغل المفروض يكون معنا ادواتنا من امشاط وبنس ومقص وفلنكات
وابي منكم دعوه حلوه لي بالهدايه وراحة البال وصلا ح الزوج والابناء والوظيفه