برنامجي لشعر طويل صحي ناعم بالعيد

يافراشات مابقى شي عن عيد الاضحى يادوب شهر وكم يوم والكل عارف العيد وعزايمه والاعراس ونبي نشجع بعض ونهتم بشعورنا اكثر بجد لما نشوف شعور الممثلات التركيات شي خيال روعه نعومه لون جنان طيب حنا ايش ينقصنا حتى ماتصير شعورنا زيهن بس نبعد حاجه وحده عنا وهي الكسل ونبدأ البرنامج بنشاط ونحارب الكسل _ البرنامج وهو __ التقليل من سيشوار الشعر والرغوات والجل حتى تظهر نتيجه افضل_ _ تنتظمي على جدول بالاسبوع مثلا __الزيت 3مرات بالاسبوع __حمام الزيت مره بالاسبوع __والماسكات مرتين بالاسبوع بالإضافه الى البخاخات اللي راح تستخدمينها بشكل يومي_ واذا في تونيكات مفيده ممكن اضافتها للبرنامج_ ايضا الفيتامينات ونخص النحيفات واللي اوزانهن مثاليه لان ممكن تسمن والاجسام تختلف اولا_ الزيوت في خلطات زيوت كثيره ومفيده للشعر نذكر اهمها _1_ زيت عافيه وحلبه هذي مشهوره ومعروفه بس لازم تخمرينها 10ايام او اسبوع ويمكن اضافه حبةالبركه وفلفل حار بصراحه هذي روعه بس لازم الاستمرار تعطي لمعه للشعر ونعومه ومع الاستمرار تطول مجربته انا وخواتي بس عيبه ريحةالحلبه 2_زيت دابراملا الاصلي مره يمدحونه وهذا للي شعرها غامق لانه يغمق الشعر اناماجربته بس كثير يمدحونه 3_زيت اللوزوالخروع والزيتون معروفه وحلوه 4_زيت النارجيل مره حلو نعم شعراختي وامدحه الدكتور جابرالقحطاني للشعر سواء تنعيم او تكثيف او تطويل _ايضا يوجود بعض الزيوت المفيده مثل السمسم والجرجير_ بكذا انتهينا من الزيوت انا ذكرت الافضل مع الاستمرار واكيد اي وحده عندها زيوت نتيجتهن حلوه تفيدنا_ واهم شي عند وضع الزيت تدليك فروة الشعر بالزيت لمدة عشر دقائق لنتيجه اسرع ثانيا__ الماسكات مره او مرتين بالاسبوع _ الماسك الاول ماسك المايونيز حلو وكثير فادهن وبجربه ان شاء الله طريقته ملعقه كبيره من عسل _مايونيز_زيت زيتون_خل تفاح توضع ساعتين او ثلاثه تلفين الشعر بكيس اوطاقيه_ الماسك الثاني__ لمستخدمات الحنا_ ملعقة من الحلبة مع ملعقة حبة سوداء مع ثلاثة ملاعق حناء وملعقة محلب وملعقة كريم شعر وملعقة قرنفل تخلط جميع المقادير وتوضع على الشعر . _الماسك الثالث زبادي -مايونيز -زبده مذوبه -عسل_الكميه على حسب شعرك من ساعتين ل3ساعات_ الماسك الاخير اخذته من منتدى كويتيات حق انجل كات حلو جربته مره وان شاء الله بداوم عليه للتكثيف والتطويل نص فنجان من زيت برشوت وزيت زيتون ملعقتين قهوه مطحونه ملعقةحلبه مطحونه وعلبه زبادي ملعقتين عسل نجي للطريقه اول شيء تجيبي قدر وتحطي فيه الحلبه والقهوه والزيوت وتحركيها بمضرب البيض لحد ماتحسيها اندمجت مع بعضها بعدين تضيفي العسل وتحركي وبعدها تضيفي الزبادي وتخلينه دقيقه وخلاص ترفعينه من على النار وتخلينه لحد مايصير دافي وبعدين قسمي شعرك وحطي الخلطه بيكون شكلها زي الحناء والبسي بونيه وتركيه من ساعه لخمس ساعات _ثالثا_ _ _ البخاخات والتونيكات انا سويت بخاخ البابونج عشان يتفتح شعري لان بصبغه بالعيد_ _بخاخ عشبةالاس واكليل الجبل لتطويل ومنع تساقط الشعر طريقته_ 4م ك عشبةالآس 4م ك اكليل الجبل تغلين كوبين مويه وتنقعينهن فيها _لان اذا غليتيها راح فايدتها وتحطيها فبخاخ انا سويتها وابدأ فيها_ _ في تونيكات كثيره اللي جربت شي وفادها تذكره_ _ _ _ _ رابعا_ الشامبوهات افضل الشامبوهات عن تجربه صانسيلك ولوريال واختاري دايم اللي يناسب شعرك _ _ _ _ خامسا حمامات الزيت عن تجربه بوناويل بالمشمس روعه وحمام زيت كل الخطاوي بعدحلو انا استخدمه بالمناسبات_ وفي فاشكول بالثوم حلو اختي جربته _ _ _ _ _ _ _ وان شاء الله تعم الفايده و نستفيد من بعضنا اي وحده عندها اضافه تفيدنا جعله الله في موازين اعمالها بالنسبه لي استخدم زيت اخذته من تاجره لي 3اسابيع احس تحسن بشعري على الخفيف وعملت لي خلطه وخمرتها حتى استخدمها بها زيت عافيه واللوزوالسمسم والحلبه والنارجيل والبطم واعشاب الاس والسدروالحلبه واكليل الجبل ورشاد نواة تمر وقهوه وفلفل بخمرها فتره واستخدمها لان احب اخلط بجرب واشوف وابدأ بالماسكات والبخاخات اللي عملتها _وحمام الزيت انا مداومه عليه اسبوعيا ونبي التفاعل يافراشات والاهتمام بشعورنا