انا جديده ع الرياض وبسكن فيها بس مو عارفه من اي محل

وينكم يابنات الرياض

اول شئ هلا فيك في الرياض محلات الاواني اللي اسعارها معقوله هي السبالة وابن دايل راح تلقين كل اللي تبغين فيها وهذي الاماكن غير قريبة من السليمانيةوالاكلات اللي تبغي تسويها في رمضان كثيرة وفيه اكلات سهلة وانتي دوري في المنتدى وباقي المنتديات الا اذا كنتي ماتحبي الطبخ فراح يكون كل شئ صعب عليك لان عندي اختي الصغيرة مجننتي ماهي راضية تتعلموعندي لك طريقة صاج بريك وهي مرة سهلة وهي3كاس طحين و2ملعقةكبيرة حليب بودره وملعقة صغيرة سكر وملعقة كبيرة خميرة وماء دافي للعجن وتخلطي المقادير كلها وتعجنيها معا حتى تحصلي على عجينة ماتلصق باليدوتتركيها تتخمرساعة وبعدين تفرديها رقيقة مرة ونحشيها باي شئ تحبيه ويكون عندك تاوة تيفالاو صاج مدهون بزيت وعلى النار وتحطي البريك عليه لحد مايتحمروهي سهلة مرة ويمكن تكوني تعرفينها عندي طرق كثيرة لكن وقتي مشحون مرة ياادوب لقيت وقت افتح المنتدى وتقبلي مروري واي مساعدة انا حاضرة

تسلمي يالغلا

عندك الهزازي حلو
قريب من الرياض جاليري

ممكن تقولي فين بالضبط يالغلا لاني لو قلت لزوجي عند قاليري مايوديني
واكون شاكره لك

الهزازي مخرج تسعه متجه لشمال
وفي محلات مكتوب عليها على كيفك او فرصه او رامز
انا ماعرف السليمانيه وين بالضبط بس اكثر محلات عندنا هي ابو ريالين وفيها كل شي
واذا انتي وزوجك بس سوي فطور خفيف شوربه شعيريه مكرونا وفطاير وحلا
وطبعا عصاير

انا بالشميسي هو محل الهزازي وين بالضبط

سبحان الله
لااله الا الله