انا مااقدر اكون اني حبيب في بعض احوال انا كلي اجي والا اروح بعزتي كلي

هو وشوله تثيقلون .
6 قرأوا ولا وحده كلفت على نفسها ترد وتجبر بخاطري .

كملي كملي كملي القصه روعه..

مرحبا خيتوا تسلمي على القصه
وأنا بصراحه شد أنتباهي العنوان لأني أحب الغنيه هاذي لمحمد عبده
وتوقعاتي أن الوالده تتوفا وفيصل تكون إصابته خطيره
وبليز لاتطولين علينا حلوه وعشان يكون اريحلك عطينا اليوم اللي بتنزلين فيه البارت مثل كم يوم في الأسبوع وأي يوم واتمنى تكون القصه عندك كامله لأن كثير قصص تكون بدون نهايه والسبب عدم تكملت الكاتبه لها..
وسوري على الأطاله
تقبلوا مروري مع خالص التحيه

اهلين اخواتي .
القصة في اجزائها الاخيرة يعني بتخلصها وانا انزل باول البارتات ان شاء الله .
وراح يكون البارت كل يومين او يومياً حسب ظروفي تعرفون وراي دراسة ومن ذا الخرابيط .

الله يقويك ويعطيكِ العافية يارب ،،
استمري ياعسل .. وعجبني العنوان ودخلت ،،
بس ماتلاحظين أنه طويل العنوان ..؟
كملي ماسطرته اناملك ...

ليه يادنياُُ المحبة؟؟؟خذتي مني الليُ أحبُُه .
في سيارة ابو سطام :
ابوسطام وهو ماسك الجوال : وش فيصل ما يرد .
وفاء : اكيد ناسيه على الصامت دايماً هاذي حالته يحطه على الصامت لما يجي ينام وما يتذكر يغيره الا اخر النهار .
الكل :ههه
(يضحكون ولا يعرفون ماذ يخبي لهم القدر ولا ما ينتظرهم ) .
..............................................
امام سيارة فيصل مرت سيارة وشافت ان الحادث جديد .
نزل الرجال وهو مسرع : اتصل عالاسعاف وهو يحاول يفتح الابواب .
لكن دون جدوى كانت السيارة معدومة لدرجة انه الابواب ما تنفتح .
..................................
ابو سطام : لا انا ماني متطمن وينه فيصل ما دق علي لا يكون صاير فيه شء .
وفاء وقلبها ينغزها على اغلي البشر امها وعلى اخوها اللي كأنه اخت واخو بنفس الوقت بعد ما اتزوجوا تهاني ونهى ......
وفاء : نفاءلوا الخير تجدوه .
ام سطام : خير ان شاء الله يا عبد الله لا تتشاءم الحين يدق يمكن تعطلت السيارة والا شيء .
الكل بالسيارة سكت ووقف ابو سطام عند المخيم ونزلوا .
بس اختفت معالم الفرح وبدت معالم القلق والحيرة .
.....................
امام سيارة فيصل :
عبد العزيز( الرجل اللي شاف السيارة ) وهو يسأل رجال الاسعاف : هاه بشروا .
رد عيله واحد منهم : للأسف كلهم توفوا الشاب والعجوز والخدامة بعد الحادث كان قوي .
عبد العزيز : لا حول ولا قوة الا بالله .
وطبعاً رجال الشرطة وصلوا وطلعوا اغراض فيصل من السيارة عشان يعفون هويته .
ولقوا الجوال ودقوا على آخر رقم اتصل عليه وطبعاً كان رقم ابو سطام .
ابو سطام : الو نعم .
الشرطي : السلام عليكم .
ابو سطام وعليكم السلام .
الشرطي : تعرف فيصل ناصر ال.............
ابو سطام بربكة : ايه نعم اخوي فيه شيء؟؟؟؟
الشرطي اللي حس بربكة ابو سطام : اخوك سوى حادث وهم الحين بمستشفى ( ........) .
ابو سطام : فيهم شي ؟
الشرطي : تعال وانت تعرف ؟؟؟
.....................................
ابو سطام :يالله قوموا بسرعة .
وفاء وهي تبكي وتمسك يدين ابو سطام : عبد الله قلي فيهم شيء عبد الله تكفى لا تخبي علي .
سمر وحالتها لا تقل سوءاً عن وفاء : ان شاء الله ما فيهم شيء قومي خل نمشي عشان نروح لهم .
ابو سطام قام وركب السيارة وركبوا كلهم وحالهم قد انقلبت للحزن والخوف من المنتظر .
طبعاً ما يحتاج اقولكم جو السيارة وهو بالطريق كيف كان كله بكاء ودعاء .
وكانت هناك انسانة ستفقد كل دنيتها ستفقد امها واخوها امها التي كانت لها الام والاب لان ابوها ابو عبد الله متزوج وحدة ثانية من يوم وفاء عمرها 7 سنوات ولا عرفت حنان الابو ولا عطاءه ولا اي شيء يقدمه اي اب لبنته كانوا اخوانها عبد الله وفيصل بمثابة ابوها وامها اللي كانت تحاول ان تعوضها عن حنان ابوها .( طبعاً هي وفاء ) .
وصلوا المستشفى ونزلوا كلهم .
مشى ابو سطام لين ما وصل عند الاستقبال سأل فيصل ناصر ال ........
الموظف : انت تصيرله ؟؟؟؟
ابو سطام : اخوه .
طيب تفضل هنا الحين يجي الدكتور ......
جاء الدكتور ومعاه الشرطي .
الدكتور يكلم ابو سطام : انت اخوه .
ابو سطام ووده الارض تنشق وتبلعه ولا يسمع اي خبر سيء عن امه واخوه : اي نعم .
الدكتور : خل ايمانك بالله القوي والله يرحمهم جميع .
ابوسطام الي انهملت الدموع من عيونه لا شعورياًوطاح على الكرسي .وسموع صوت طيحة وراهم ولما التفتوا كانت وفاء .
طاحت واغمى عليهم .
ام سطام وهي تبكي وصوتها يا دوب ينفهم من البكاء : وفاء حبيبيتي تسمعيني .
سطام اللي ما قدر يتحرك من الصدمة ووقف مكانه وما يدري يروح لابوه والا لعمته والا يواسي نفسه .
شالوا الدكاترة وفاء ودخلوها واجروا لها الفحوصات اللازمة .
وكانت الصدمة قوية لدرجة انها دخلت بغيبوبة .
الدكتور يكلم ابو سطام : غيبوبة واحتمال يوم او يومين ان شاء الله وتصحى .
ابو سطام وكل هموم الدنيا على راسه فقد اخوه وامه واخته بغيبوبة شلون بيكون حاله بعدهم : مشكور يا دكتور طلع من المستشفى عشان يبلغ ابوه وكان معطي سطام مفتاح السيارة يودي امه وخواته الصغار للبيت اما سمر فرفضت تروح وقعدت عند وفاء .
.......................................
بعد ثلاثة ايام .
في المستشفى : ابو سطام : دكتور انت قلت يوم او يومين وهذا اليوم الثالث .
الدكتور : كل شيء بيد الله بس ان شاء بتصحى قريب .
سمر وهي طالعه تصارخ من الغرفة : صحت وفاء صحت .
ابو سطام وكأن الحياة بدت على ملامح وجهه الذي بات بائساُ بعد وفاة سنده وعونه واغلى ما في الكون امه : الحمد لله الحمد لله .
الدكتور : خلاص بنجري لها الفحوصات وان شاء الله تطلع اليوم او بكرة .
ابو سطام : ان شاء الله .
سطام وهو جاي بيدخل لغرفة وفا ء : يبه انت هنا .
ابو سطام : اجل وين باكون باشوف هالمسكينة وش صار فيها .
سمر : سطام صحت وفاء وقعدت تبكي بحرقة .
سطام كان بيطير من الفرح : والله جد كيفها طيب ؟؟؟؟؟
سمر وبانت ملامح الحزن على وجهها : تبكي وموب راضية تتكلم .
وقفوا عند سريرها وكانت مغطية وجهها بيدينها وتبكي : عبد الله .
ابو سطام : سمي .
وفاء : قولي انهم حيين قول انهم كانوا يكذبون تكفى .
وبدت تصارخ : راحوا راحوا وتركوني من بقالي بها الدنيا شلون باعيش ..........
سمر وسطام كانوا يبكون من انهيار عمتهم كانت حالتها تصعب على الكافر .
ابو سطام وهو يمسح دموعه : وانا وين رحت ؟
وفاء كملت بكاها بدون ولا كلمة واكتفت بالدموع .
الدكتور يطق الباب : ممكن ادخل ؟
تغطت سمر وجت لوفاء اللي كانت منسدحه وتبكي ولا هي مع العالم وغطتها بالشرشف حق السرير.
ابو سطام : اتفضل .
الدكتور : السلام عليكم .
ابوسطام وسطام : وعليكم السلام .
الدكتور : ممكن شوي يا اخ عبد الله ؟
طلع معاه ابو سطام :
الدكتور : شوف يا اخ عبد الله اختك تحتاج لشوية مهدئات كتبتها لها وهي صدمتها قوية ومأثرة عليها جداً وانا ما الومها بس ياليت تحاولون تخففون عنها وعليها بالقرآن ترى ما فيه افضل من ذكر الله .
ابو سطام : الله يجزاك خير بس متى اقدر آخذها ؟؟
الدكتور : الحين تآخذ الوصفة وتسوي اجراءات الخروج وتقدر تاخذها .
ابو سطام : الله يعطيك العافيه يادكتور تعبناك معانا .
الدكتور : ولو هذا واجبنا .
كمل ابوسطام اجراءات الخروج واخذ وفاء وسمر اللي كانت معها ما تركتها ولا لحظة وطلعوا للبيت .
يوم دخلوا البيت مسكوا سمر وسطام وفاء يسندونها لا نها كانت هلكانة لآخر درجة .
في الحوش وهم بيدخلون .
مشعل ( خال سمر اخو ام سطام ) : ابو سطام .
ابو سطام : هلا مشعل .
مشعل : عظم الله اجرك يا ابو سطام .
ابو سطام : اجرنا واجرك ليه كلفت على نفسلك يا مشعل وجيت من الطائف والله وصلت تعزيتك يوم كلمتني .
مشعل : ولو يا ابو سطام انت مثل اخوي ولو ما وقفت معك الحين متى باوقف ؟
ابو سطام وهو يحط ايده على كتف مشعل : كفو كفو يا ابو سعد .
ابو سطام : تفضل يامشعل ادخل .
مشعل كان يناظر بالبنت اللي يسندونها سمر وسطام وتأكد انها وحده من عماتهم ورحمها من كل قلبه فقدت امها وابوها بيوم واحد .
مشعل : لا والله تسلم انا من الصبح فيه والحين العصر وباروح عندي كم شغله اخلصها واجيكم الليل ان شاء الله .
.........................................
في الصالة .
تهاني وهي تضم اختها وتبكي : وفاء حبيبيتي كيفك ؟؟
وفاء : تبين اقول بخير ماني بخير من بعدهم .
نهى : وهي تضم وفاء وتمسكها من يدينها : واحنا وين رحنا.
سمر بعد ما سلمت على عماتها : عمه تهاني متى جيتوا .
تهاني وتسمح دموعها : تو جينا قبل نص ساعة .
نهى : يا قلبي يا سمر الله لا يحرمنا منك وقفتك مع وفاء ماراح ننساها لك .
سمر : وفاء موب عمتي بس وفاء اختي وصديقتي ودنيتي اذا ما وقفت معها من اوقف معه .
ام سطام بعد ما سلمت على وفاء : سمر خذي عمتك فوق شوفيني مجهزة لها الغرفة اللي جنب غرفتك .
سمر : يمه لا ابيها معاي بغرفتي او اني اجي معها بغرفتها .
ام سطام : احسن بعد عشان ما تجلس لحالها خلاص الحين اخلي الشغالة تنقل اغراض وفاء بغرفتك .
ونادت ام سطام الشغالة وقالتلها ايش تسوي ووصت خلود تساعدها .
وبين ما هم جالسين الا دخلت عليهم زوجة ابوهم الثانية شعاع ولا كأنها جاية عزا متكشخة ولا همها .
شعاع : السلام عليكم .
الكل مستغرب من حركتها جاية ومتكشخه بعزا : وعليكم السلام .
سلمت عليهم سلام بارد وقالت : عظم الله اجرهكم جميع .
الكل ما عاد وفاء اللي كانت تبكي : اجرنا واجرك .
وطلعت .....
نهى اللي تحاول تتكلم وما تقدر خانقتها العبرة : هاذي اول مرة تجي .
ام سطام : ما شفناها الا اليوم .
وجهزت ام سطام غرف للبنات نهى وتهاني .
وطلعوا كلهم من المغرب لان الكل كان تعبان وهلكان .
...............................
بغرفة سمر .
سطام : وش فيها .
سمر : عطيتها حبوب منومة ما نامت عدل وكانت مرة تعبانة وتبكي وتتحسر قلت النوم اريح لها .
وجلست سمر تبكي .
سطام : سمر اتماسكي موب عشان شيء عشان وفاء .
سمر : باحاول .
.................................................. ...
بعد مرور اسبوع .
في بيت ابو سطام تحديداً في مجلس الرجال :
ابو عبد الله : انا بآخذ وفاء خلها تجهز اغراضها بارجع باليل وآخذها .
ابو سطام : يبه الله يسلمك ...........
وما كمل كلامه ....
ابو عبد الله : لا تناقشني بنتي وبآخذها عندي .
................................................
توقعاتكم هل ابو عبد الله بياخذ وفاء او يرفض ابو سطام .؟؟؟؟؟؟؟؟

ليه يادنياُُ المحبة؟؟؟خذتي مني الليُ أحبُُه .
في سيارة ابو سطام :
ابوسطام وهو ماسك الجوال : وش فيصل ما يرد .
وفاء : اكيد ناسيه على الصامت دايماً هاذي حالته يحطه على الصامت لما يجي ينام وما يتذكر يغيره الا اخر النهار .
الكل :ههه
(يضحكون ولا يعرفون ماذ يخبي لهم القدر ولا ما ينتظرهم ) .
..............................................
امام سيارة فيصل مرت سيارة وشافت ان الحادث جديد .
نزل الرجال وهو مسرع : اتصل عالاسعاف وهو يحاول يفتح الابواب .
لكن دون جدوى كانت السيارة معدومة لدرجة انه الابواب ما تنفتح .
..................................
ابو سطام : لا انا ماني متطمن وينه فيصل ما دق علي لا يكون صاير فيه شء .
وفاء وقلبها ينغزها على اغلي البشر امها وعلى اخوها اللي كأنه اخت واخو بنفس الوقت بعد ما اتزوجوا تهاني ونهى ......
وفاء : نفاءلوا الخير تجدوه .
ام سطام : خير ان شاء الله يا عبد الله لا تتشاءم الحين يدق يمكن تعطلت السيارة والا شيء .
الكل بالسيارة سكت ووقف ابو سطام عند المخيم ونزلوا .
بس اختفت معالم الفرح وبدت معالم القلق والحيرة .
.....................
امام سيارة فيصل :
عبد العزيز( الرجل اللي شاف السيارة ) وهو يسأل رجال الاسعاف : هاه بشروا .
رد عيله واحد منهم : للأسف كلهم توفوا الشاب والعجوز والخدامة بعد الحادث كان قوي .
عبد العزيز : لا حول ولا قوة الا بالله .
وطبعاً رجال الشرطة وصلوا وطلعوا اغراض فيصل من السيارة عشان يعفون هويته .
ولقوا الجوال ودقوا على آخر رقم اتصل عليه وطبعاً كان رقم ابو سطام .
ابو سطام : الو نعم .
الشرطي : السلام عليكم .
ابو سطام وعليكم السلام .
الشرطي : تعرف فيصل ناصر ال.............
ابو سطام بربكة : ايه نعم اخوي فيه شيء؟؟؟؟
الشرطي اللي حس بربكة ابو سطام : اخوك سوى حادث وهم الحين بمستشفى ( ........) .
ابو سطام : فيهم شي ؟
الشرطي : تعال وانت تعرف ؟؟؟
.....................................
ابو سطام :يالله قوموا بسرعة .
وفاء وهي تبكي وتمسك يدين ابو سطام : عبد الله قلي فيهم شيء عبد الله تكفى لا تخبي علي .
سمر وحالتها لا تقل سوءاً عن وفاء : ان شاء الله ما فيهم شيء قومي خل نمشي عشان نروح لهم .
ابو سطام قام وركب السيارة وركبوا كلهم وحالهم قد انقلبت للحزن والخوف من المنتظر .
طبعاً ما يحتاج اقولكم جو السيارة وهو بالطريق كيف كان كله بكاء ودعاء .
وكانت هناك انسانة ستفقد كل دنيتها ستفقد امها واخوها امها التي كانت لها الام والاب لان ابوها ابو عبد الله متزوج وحدة ثانية من يوم وفاء عمرها 7 سنوات ولا عرفت حنان الابو ولا عطاءه ولا اي شيء يقدمه اي اب لبنته كانوا اخوانها عبد الله وفيصل بمثابة ابوها وامها اللي كانت تحاول ان تعوضها عن حنان ابوها .( طبعاً هي وفاء ) .
وصلوا المستشفى ونزلوا كلهم .
مشى ابو سطام لين ما وصل عند الاستقبال سأل فيصل ناصر ال ........
الموظف : انت تصيرله ؟؟؟؟
ابو سطام : اخوه .
طيب تفضل هنا الحين يجي الدكتور ......
جاء الدكتور ومعاه الشرطي .
الدكتور يكلم ابو سطام : انت اخوه .
ابو سطام ووده الارض تنشق وتبلعه ولا يسمع اي خبر سيء عن امه واخوه : اي نعم .
الدكتور : خل ايمانك بالله القوي والله يرحمهم جميع .
ابوسطام الي انهملت الدموع من عيونه لا شعورياًوطاح على الكرسي .وسموع صوت طيحة وراهم ولما التفتوا كانت وفاء .
طاحت واغمى عليهم .
ام سطام وهي تبكي وصوتها يا دوب ينفهم من البكاء : وفاء حبيبيتي تسمعيني .
سطام اللي ما قدر يتحرك من الصدمة ووقف مكانه وما يدري يروح لابوه والا لعمته والا يواسي نفسه .
شالوا الدكاترة وفاء ودخلوها واجروا لها الفحوصات اللازمة .
وكانت الصدمة قوية لدرجة انها دخلت بغيبوبة .
الدكتور يكلم ابو سطام : غيبوبة واحتمال يوم او يومين ان شاء الله وتصحى .
ابو سطام وكل هموم الدنيا على راسه فقد اخوه وامه واخته بغيبوبة شلون بيكون حاله بعدهم : مشكور يا دكتور طلع من المستشفى عشان يبلغ ابوه وكان معطي سطام مفتاح السيارة يودي امه وخواته الصغار للبيت اما سمر فرفضت تروح وقعدت عند وفاء .
.......................................
بعد ثلاثة ايام .
في المستشفى : ابو سطام : دكتور انت قلت يوم او يومين وهذا اليوم الثالث .
الدكتور : كل شيء بيد الله بس ان شاء بتصحى قريب .
سمر وهي طالعه تصارخ من الغرفة : صحت وفاء صحت .
ابو سطام وكأن الحياة بدت على ملامح وجهه الذي بات بائساُ بعد وفاة سنده وعونه واغلى ما في الكون امه : الحمد لله الحمد لله .
الدكتور : خلاص بنجري لها الفحوصات وان شاء الله تطلع اليوم او بكرة .
ابو سطام : ان شاء الله .
سطام وهو جاي بيدخل لغرفة وفا ء : يبه انت هنا .
ابو سطام : اجل وين باكون باشوف هالمسكينة وش صار فيها .
سمر : سطام صحت وفاء وقعدت تبكي بحرقة .
سطام كان بيطير من الفرح : والله جد كيفها طيب ؟؟؟؟؟
سمر وبانت ملامح الحزن على وجهها : تبكي وموب راضية تتكلم .
وقفوا عند سريرها وكانت مغطية وجهها بيدينها وتبكي : عبد الله .
ابو سطام : سمي .
وفاء : قولي انهم حيين قول انهم كانوا يكذبون تكفى .
وبدت تصارخ : راحوا راحوا وتركوني من بقالي بها الدنيا شلون باعيش ..........
سمر وسطام كانوا يبكون من انهيار عمتهم كانت حالتها تصعب على الكافر .
ابو سطام وهو يمسح دموعه : وانا وين رحت ؟
وفاء كملت بكاها بدون ولا كلمة واكتفت بالدموع .
الدكتور يطق الباب : ممكن ادخل ؟
تغطت سمر وجت لوفاء اللي كانت منسدحه وتبكي ولا هي مع العالم وغطتها بالشرشف حق السرير.
ابو سطام : اتفضل .
الدكتور : السلام عليكم .
ابوسطام وسطام : وعليكم السلام .
الدكتور : ممكن شوي يا اخ عبد الله ؟
طلع معاه ابو سطام :
الدكتور : شوف يا اخ عبد الله اختك تحتاج لشوية مهدئات كتبتها لها وهي صدمتها قوية ومأثرة عليها جداً وانا ما الومها بس ياليت تحاولون تخففون عنها وعليها بالقرآن ترى ما فيه افضل من ذكر الله .
ابو سطام : الله يجزاك خير بس متى اقدر آخذها ؟؟
الدكتور : الحين تآخذ الوصفة وتسوي اجراءات الخروج وتقدر تاخذها .
ابو سطام : الله يعطيك العافيه يادكتور تعبناك معانا .
الدكتور : ولو هذا واجبنا .
كمل ابوسطام اجراءات الخروج واخذ وفاء وسمر اللي كانت معها ما تركتها ولا لحظة وطلعوا للبيت .
يوم دخلوا البيت مسكوا سمر وسطام وفاء يسندونها لا نها كانت هلكانة لآخر درجة .
في الحوش وهم بيدخلون .
مشعل ( خال سمر اخو ام سطام ) : ابو سطام .
ابو سطام : هلا مشعل .
مشعل : عظم الله اجرك يا ابو سطام .
ابو سطام : اجرنا واجرك ليه كلفت على نفسلك يا مشعل وجيت من الطائف والله وصلت تعزيتك يوم كلمتني .
مشعل : ولو يا ابو سطام انت مثل اخوي ولو ما وقفت معك الحين متى باوقف ؟
ابو سطام وهو يحط ايده على كتف مشعل : كفو كفو يا ابو سعد .
ابو سطام : تفضل يامشعل ادخل .
مشعل كان يناظر بالبنت اللي يسندونها سمر وسطام وتأكد انها وحده من عماتهم ورحمها من كل قلبه فقدت امها وابوها بيوم واحد .
مشعل : لا والله تسلم انا من الصبح فيه والحين العصر وباروح عندي كم شغله اخلصها واجيكم الليل ان شاء الله .
.........................................
في الصالة .
تهاني وهي تضم اختها وتبكي : وفاء حبيبيتي كيفك ؟؟
وفاء : تبين اقول بخير ماني بخير من بعدهم .
نهى : وهي تضم وفاء وتمسكها من يدينها : واحنا وين رحنا.
سمر بعد ما سلمت على عماتها : عمه تهاني متى جيتوا .
تهاني وتسمح دموعها : تو جينا قبل نص ساعة .
نهى : يا قلبي يا سمر الله لا يحرمنا منك وقفتك مع وفاء ماراح ننساها لك .
سمر : وفاء موب عمتي بس وفاء اختي وصديقتي ودنيتي اذا ما وقفت معها من اوقف معه .
ام سطام بعد ما سلمت على وفاء : سمر خذي عمتك فوق شوفيني مجهزة لها الغرفة اللي جنب غرفتك .
سمر : يمه لا ابيها معاي بغرفتي او اني اجي معها بغرفتها .
ام سطام : احسن بعد عشان ما تجلس لحالها خلاص الحين اخلي الشغالة تنقل اغراض وفاء بغرفتك .
ونادت ام سطام الشغالة وقالتلها ايش تسوي ووصت خلود تساعدها .
وبين ما هم جالسين الا دخلت عليهم زوجة ابوهم الثانية شعاع ولا كأنها جاية عزا متكشخة ولا همها .
شعاع : السلام عليكم .
الكل مستغرب من حركتها جاية ومتكشخه بعزا : وعليكم السلام .
سلمت عليهم سلام بارد وقالت : عظم الله اجرهكم جميع .
الكل ما عاد وفاء اللي كانت تبكي : اجرنا واجرك .
وطلعت .....
نهى اللي تحاول تتكلم وما تقدر خانقتها العبرة : هاذي اول مرة تجي .
ام سطام : ما شفناها الا اليوم .
وجهزت ام سطام غرف للبنات نهى وتهاني .
وطلعوا كلهم من المغرب لان الكل كان تعبان وهلكان .
...............................
بغرفة سمر .
سطام : وش فيها .
سمر : عطيتها حبوب منومة ما نامت عدل وكانت مرة تعبانة وتبكي وتتحسر قلت النوم اريح لها .
وجلست سمر تبكي .
سطام : سمر اتماسكي موب عشان شيء عشان وفاء .
سمر : باحاول .
.................................................. ...
بعد مرور اسبوع .
في بيت ابو سطام تحديداً في مجلس الرجال :
ابو عبد الله : انا بآخذ وفاء خلها تجهز اغراضها بارجع باليل وآخذها .
ابو سطام : يبه الله يسلمك ...........
وما كمل كلامه ....
ابو عبد الله : لا تناقشني بنتي وبآخذها عندي .
................................................
توقعاتكم هل ابو عبد الله بياخذ وفاء او يرفض ابو سطام .؟؟؟؟؟؟؟؟

مشكوره تجنن
كمليها الله يسعدك

يا أخويُ يا عزوتيُُ .
كثيراً ما نفقد من نحب .
ونفتقد حبهم لنا وحبنا لهم .
ولكن نكتشف ان هناك من يحبنا ونحبه .
من يقف معنا في أزماتنا .
من يقتلعنا من كومة أحزاننا وأتراحنا .
لنعيش في سعادة حقيقية يحفها طاعة الله وحبه .
...........................................
ابو سطام : يا ابو الله يخليك لي ولايخليني منك انا ابيها عندي ومابيها تثقل عليك ولا على زوجتك .
ابو عبد الله : يا ابوك وش تبي الناس يقولون تاركةً بيت ابوها وعايشةً عند اخوها .
ابو سطام : يبه الناس ما علينا منهم وبعدين بيتي وبيتك واحد والبنت الحين نفسيتها تعبانة على الأقل خلها عندي لين ترتاح .
سمر كانت جاية بتسلم على جدها وسمعت كل اللي صار .
سمر وهي داخله وعيونها كلها دموع : السلام عليكم .
وتجي ووتبوس راس جدها وتمسك يده وتبوسها جدي طلبتك قول تم .
ابو سطام يناظر باستغراب وابو عبد الله بعد .
سمر وهي تبكي :قول تم .
ابو عبدالله : تم يا سمر وش بغيتي .
سمر : تخلي وفاء عندنا يا جدي هي تعبانة الحين ولازم تجلس عندنا تكفى ياجدي .
ابو سطام اللي صار موقف سمر في صالحه : يا ابوي هي بنتك وماني مانعك منها ولو تبيهاا الحين اخذها بس انا ابي اريحك واريحها فخلها عندي وان شاء الله انها بترتاح .
ابو عبد الله : تم يا ابوك لا اوصيك على اختك .
وسكنت وفاء عند ابو سطام طبعاً اغفلنا نقطة مهمة وهي انه الحادث كان بشهر 6 بالعطلة .
كانت وفاء كثير ما تبكي وتنهار بس سمر كانت ما تخليها لوحدها بما انه كانوا بغرفة وحده .
وكانت تقرأ قرآن عشان ترتاح نفسيتها وفعلاً هو شفاء لما في الصدور .
وكثير ما كانوا سمر ووفاء ياخذون حبوب منومة تقريباً شبه يومي .
عشان حالة وفاء طبعاً الكل بيقنول وش دخل سمر .
سمر كانت حبوبة وشقية وملقوفة وعربجية وبقد ماهي مرحه بقد ماهي حزينة على جدتها وعمها وهالشيء أثر فيها كثير وخصوصاً حالة وفاء فكانت تاخذ الحبوب المنومة عشان ترتاح من الهموم .
...................................
بعد ثلاثة شهور :
تبقى على المدرسة اسبوع بس ولا جهزوا ولا شيء .
وفاء تحسنت كثير وتأقلمت مع الوضع صحيح تتذكر امها كثير واخوها وتفتقدهم بس خفف عليها حزنها اخوها الكبير اللي عوضها عن ابوها اللي لاهي مع زوجته ووقف بوجه ابوه عشان تجلس معه ويرعاها .
وزوجة اخوها اللي كانت بمثابة الأخت الكبرى .
وسمر اللي كانت الاخت اللي ما جبتها امها كانت توأم روحها مثل ما تقول لها.
وسطام وخلود ونوف كانوا مالين عليها حياتها .
...........................................
خواتها سافروا بعد اسبوعين من العزاء لانهم مضطرين بسبب دراسة ازواجهم .
تهاني ونهى كانوا ماخذين اخوان وهم خالد ويوسف وكانوا بأمريكا .
تهاني عندها ولد واحد اسمه محمد .
ونهى كانت متزوجه قبل وفاة امها بسنة بس وكانت حامل بشهرها الثاني ايام وفاة امها .
................................................
في الصالة الدائرية اللي ينزل الدرج بنصها نزلت وفاء وهي لابسة قميص ميدي سماوي كوت بدون اكمام ورافعه شعرها القصير اللي يوصل الى كتفها بشباصه صغيرة وعيونها السوداء اللي مليانة حزن وجسمها الطويل الريان لكن الحين نحفانة كثيير وبشرتها البيضاء الصافية ووجها المستدير كالقمر .
وهبت بوجهها سمر : هلا وغلا بالطش والرش والبيض المفقش من شافك طرش .
الكل :وع
وفاء : ههه الله يرجك يالخبله .
وتمسكها سمر وتضمها .
سمر : اشتقت لك .
وفاء : يالدوبة توك الحين قبل ما تنزلين تقولين مالت عليك وتطفشين ,
ام سطام : هاذي لسانها متبري منها .
سطام : يمه انتي رائعه تعجبيني عليها عليها .
نوف : اصلاً ماما رائعه من زمان .
خلود : انطموا تحسسوني اني بحصة عربي .
الكل : ههه
وفاء بعد ماجت وجلست معهم بالصالة : وين عبد الله ؟؟؟؟؟
ام سطام : في الشركة .
وفاء : ياآ الله ياسلوى قوليله يرحم نفسه وش ذا الشغل اللي دايماً كذا بيتعب .
ام سطام : والله عجزت فيه يقول لازم اعوض الايام اللي راحت وان شاء كلها اسبوعين بالكثير ويرجع شغلي زي قبل .
ودق جوال سمر .
سمر : ارحبو.
مشعل : ههه مرحبتين سمورة كيفك ؟
سمر : بخير ومشتاقة لك .
مشعل : وانا اكثر وشلون امك وابوك واخوانك ؟
سمر : بخير ويسلمون عليك والجماعه كاهم بخير والموظفين اللي عند ابوي بخير ويسلمون عليك وعبد المنعم بخير ويسلم عليك .....................
مشعل : هيه هيه انتي يا ام الشباب .
سمر: هلا يا ابو الشباب .
مشعل : بس أدوختيني مايسوى علي .
سمر : ههه
وحطت عالسبيكر .
مشعل : سميروه اشتقتيلي صح ؟
سمر : ايه صح .
مشعل : بس انا ما اشتقت لك .
الكل : ههه
مشعل : سمر ووجع حاطه عالسبيكر متى بتخلين هالعادة .
سمر : اذا مت وحطوني بقبري .
مشعل : والله انك مهوية الزبدة انا ان شاء الله جاي للرياض بكرة او بعده بالكثير ,
سطام : وانا اشوف الرياض مظلمة اثرك بتجي .
مشعل : وجع سطامووه وش دخلك ؟؟؟
الكل : ههه
مشعل : يالله سمورة سلمي على امك وعلى اللي عندك كلهم .
سمر بخبث : كلهك كلهم .
مشعل : لانصهم ههه يالله مع السلامة .
سمر : مع الف سلامة .
وفاء : يمه منك ياطول لسانك .
سمر تسوي نفسها تبكي : انا لساني طويل هين هين انا فيه وري انت .
ام سطام : يالله سمر روحي انتي وعمتك وسطام للسوق جيبي اغراض المدرسة ما بقى شيء .
سمر : الله باروح للسوق من زمان عنه .
وفاء : انا مالي نفس ما ابي اروح .
سطام : اصلاً من اخذ رايك بتمشين غصب(ن) عنك .
سمر : يالله قومي وسحبتها من يدها وطلعوا فوق .
بدلوا سمر ووفاء ملابسهم ولبسوا عباياتهم ونزلوا .
سمر : يوه يمه ما قلت لابوي ولا استأذنت منه .
ام سطام : انا مكلمته .
سمر : الحمد لله وباست امها الله لايحرمني منك يا قلبي انتي .
سطام : يبه اما باوديهم مانبي نروح مع السواق .
ام سطام : بس بشرط ما تسرع وما تتأخرون .
سطام : ان شاء الله .
سمر : ماراح نتأخر الحين الساعه اربع ونص الساعه (1) ان شاء الله وحنا هنا .
الكل فتح عيونه مستغرب .
ام سطام : نعم .
سمر: ههه امزح يمه منكم تخوفون .
الكل :ههه
نوف نطت وهي تصارخ : ابي اروح معكم .
سمر : لا انثبري .
وفاء : حرام خليها تروح .
سمر : لا هاذي مزعجه بتأذينا .
نوف : لا والله ما ازعجكم .
سمر : خلاص امشي بالبسك وامري لله .
واخذتها سمر ولبستها بنطلون ابيض فيه خط وردي من الجنب وتيشرت وردي ربع كم وحطت شعرها ثنين اللي كان قصير لين رقبتها .
ونزلت .
وفاء : كان نمتي فوق .
سمر : وش اسوي جلست البس هالبلشة .
نوف تتخصر : انا بلشة .
سمر : لا لا انا البلشة بس امشي .
وهم طالعين مع الباب تلحقهم خلود :سمر تعالي تعالي .
سمر : نعم .
خلود : امي تقول تعالي خذي فلوس .
سمر : يوه نسيت اخذ فلوس .
الكل :ههه
سطام : احد بيروح للسوق بدون فلوس الله لاتبلانا .
رجعت سمر وطلعوا للسوق وطبعاً كعادة سمر وسطام تهاوشوا لاي سوق يروحون .
سمر : بنروح لصحارى بعدين نروح مكتبة جرير نجيب الاغراض حقت الدراسة .
سطام : لا انا ما احب صحارى نبي نروح لغرناطة .
سمر : لا ابي صحارى .
سطام : لا يعني لا .
وفاء : بس لاتهاوشون انا عندي حل خلوا نوف تختار السوق .
سمر : موافقة .
سطام : وانا بعد مع ان فيه اهانة هالبزر تختار السوق .
نوف : لا ياشيخ احلف .
سطام يقلد صوتها : لا ياشيخ .
وفاء : خلاص عاد , يالله نوف تبينا نروح لاي سوق ؟
نوف : حياة مول .
سطام : تم .
وفاء : خلاص ناخذ اغراضنا من حياة مول بعدين نروح لمكتبة جرير .
سمر :واذا خلصنا باشربكم آيس موكا على حسابي في ستار بكس .
سطام : كلفتي على روحك آيس موكا مرة وحده لا لا واجد .
الكل :ههه
.........................................
في امريكا :
في شقة تهاني اللي بجنب شقة نهى اختها .
تهاني : بس ماني قادرة اصبر وربي ماعاد اقدر اتحمل يا نهى .
نهى : يا تهاني لازم تصبرين على الاقل عشان محمد
تهاني : الزم ما علي كرامتي بس ما ذبحني الا هالولد والا كان من يوم رجعنا للسعودية ايام وفاة امي الله يرحمها وانا تاركته .
نهى : يا تهاني استحملي يمكن يرجع زي قبل ان شاء الله سحابة صيف وتعدي .
تهاني : انا باصبر وامري لله مع ان حتى الحب اللي كنت احبه اياه تبخر بسبة عمايله .
نهى : اللي يحب عمره مايكره بس هذا يمكن عشانك مقهورة منه .
تهاني : يجوز ليش لا .
نهى وهي تقوم : يالله انا باروح اجهز غدا يوسف مع السلامة .
تهاني : مع السلامة .
.................................................. ......
ماذا يحمل القدر لابطال قصتنا ؟؟
ماذا ستكشف لهم الايام من خفايا واسرار ؟؟؟
هل امامهم سعادة غامرة ام حزن وترح ؟؟؟؟