انا مصدومة من نتيجة الاشعة الصبغيه

حبيبتي لاتخافين بس قوليلي أنتي وين سويتي الاشعه بالولاده والاطفال والا عنيزه والا الرس؟
عشان أرد عليك!!!!!!!!!!!

رند لي
مشكوره يعمري انا سويتة بمستوصف ببريده والله كانت الصدمه علي قويه
حتى زوجي مو من انوع الي يقبل بالطفال الانابيب هذ الي زاد علي همي

أقول مستوصف بريده خرطي لاتخافين أنا لي قربيات هناك وشافو الهوايل جربو كل مستشفيات القصيم
شوفي حبيبتي لاتسوين شي ! أنتي خذي زوجك وروحي للرياض عند الحبيب والا الحمادي دام أنك دافعه دافعه
وسوي كشف جديد وأشعه وكملي العلاج معهم , أهم شي صحتك دام زوجك مايبي أنابيب!
الله يسهلك والله اني حاسه بمشكلتك بس مثل ماقلتللك خذي اكثر من راي بالرياض واذا اتفقو خلاص عالجي
عندهم مهما كان هم استشارين من بره وحالتك تعتبر بسيطه عندهم مو ذاك المستوصف اللي ماتدرين اللي فيه
دكاتره والا سباكين!!!
طمني زوجك ولاتخوفيه واتكلي على الله.

انتو فاجئتوني يعني اللي عندها التصاق ماتحمل طبيعي؟؟ يعني لازم طفل انابيب؟؟
معقوله بنات بديت اجن احد يرد علي

الله يسمع منك يارب يكون الغلط من نفس المستوصف

اختي مها
ايه والله هذا الي صار الي عنده التصاق بقناة فالوب =الانابيب
ماتحمل الا باطفال انابيب
بس فيه منظار للتصاق بس نسبة نجاحة مادري مضمونة او لا
لا يصيرعندك نفس مشكلتي

رندلي الرياض
أنا مع أختي رندلي في كل كلمه قالتها وممكن اذا أعدتي الأشعه يروح الانسداد والالتصاق في ناس عادوها مرتين وراح الانسداد ولألألألألألألألألألألأتستعجلين بالمنظار وأكثري من الدعاء والاستغفار والله يرزقنا جميعا السميع البصير

اهلين اختي جود
الله يجزاك خير على مشاركتك
بس انا سامعة ان الوحده لاتاخرت عن المظار يزيد اللتصاق
والله اعلم
استنى باقي البنات يفيدوننا اكثر
بنات الله يرضى عليكم الي له قريبة وصار له نفس اشي طمنن والله لادعيله

أعيدي الأشعه بعد شهرين بس في مستشفى موثوقه ولاتستعجلين على المنظار تراه موت الله لاييجك له وان شاء الله مع الأشعه الثانيه تنفك اللتصاقات لاتخافين توكلي على الله,,وطمنينا عليكي,,