انا واختبار الرياضيات قصه بحاجه لتعليقاتكم

هلا وغلا باحلى فراشات واحلى بنوتات
اليوم انا صارت لي قصه مع اختباري ماده الريض<<<رمز للرياضيات
في جامعه**********<<<الاسم مشفر لاسباب امنيه
وبالذات قبل ثلاث ونص من الآآآن وقبل ست ساعات ونص بعد ثلاث ساعات
كنت وش حليلي جايه لاختباري مستعده استعداد تمام ومذاكره تمام
بس استنى الورقه تجيني ويوم جت قلتلها ياويلك مني هع هع
المهم مالكم بالطويله والتفاصيل اللي مالها علاقه بلب الموضوع او القصه اللي
رافعه ضغطي مليون و2 كيلو وأنش
وذلك حدث بعدما وصلت لسؤال كان مطلوب نطلع فيه قيمه المجهول x
اللي هو ايام ماكان الريض عربي يرمز له ب س او ص او اي حرف اخر <<<اخلصي علينا
المهم وصلت لمعادله الدرجه الثانيه واتوقع الاغلبيه العضمى يعرف شي اسمه تحليل المعادله
لحدين او ايجادها بالقانون العام عشان نجيب قيمه المجهول....
طبعا هالقانون اخر مره مر علي كان من ثلاث سنوات يعني صعبه اتذكره مره زين
المهم عصرت مخي وكتبته بس قلت بنادي الدكتوره وللاسف انها دكتوره عشان اتاكد اذا هو صح والا لا
حسافه اكتب القانون غلط واطبق عليه غلط ,,,, المهم بنت الحلال جت وقلبت القانون
فوق تحت وراحت وانا عرفت او بالاصح حسيت
من النتيجه اللي طلعت انه غلط بس قلت فشله اناديها واقولها شكله غلط مهما كان هذي دكتوره
اكيد اني انا انا اللي غلطانه بشي مو هي!!!!
المهم توكلت وسلمت الورقه ,,,,,والصدمه اني يوم طلعت وتاكدت من البنات طلع صدق غلط عليها
بوقتها ماحمقت ولا عصبت قلت كلنا بني ادم وكلنا خطائون بس بروح اكلمها قبل تنساني
ورحت كلمتها وقلتلها السالفه والقاون اللي نقلتني اياه وقلت يوه صح غلط
قلت دكتوره طيب بتقصيني والا شلون؟؟؟؟؟؟؟؟؟؟؟؟؟؟؟؟؟
قالت لا وشلون >>>>>>>امزح لول
لا صدق قالت عطيني اسمك وبشوف بس ماضمن اعطيك الدرجه!!!!!!
امنتكم بنات باله مين الغلطان فينا يعني جايبن شي نسخدم فيه قانون من سنه كح واضرط
وغير كذا هي بنفسها تنقلني اياه غلط وفوق هذا بتشوف؟؟؟
انا صراحه رايحه شبه مواصله وعقب هالسالفه طار النوم,,, وقلت مافيه غير خواتي اعضاء
منتداي المفضل افضفض لهم واشوف رايهم؟؟؟؟
ولو وحده كانت بمكاني وش سوت؟؟؟؟
هذا ولكم ارق واعذب تحياتي وآآآآآآآآآآسفه عالاطاله بس من حر مافيني....
اختكم : عطر_السحاب....