انا وانتي والشغل والخدامه

1. (انا وانتي والشغل والخدامه )

السلام عليكم يافراشاتي الاميرات
اليوم انا جايه بموضوع يهم كل بنات حواء متزوجه وغير متزوجه لانه بصراحه اكيد كلهم يعانون منه الله يعينا بس نجي للموضوع اللي هو موضوع
7
7
7
7
7

(انا وانتي والشغل والخدامه )

انا متزوجه وعندي ولد ولسه ادرس وتعبت من شغل البيت لاني ماني قادره اقسم وقتي بين دراستي وولدي وزوجي وبيتي زووجي رافض شي اسمه خدامه في بيته والصراحه انا معاه في هذا الشي لان الخدامات ماوراهم الاوجع الراس والهم والقلق وياما قريت مواضيع يوقف لها شعر الراس من هولها مثلا""شغاله سممت طفل- شغاله تقتل طفله -شغاله تحرق طفله- لا والادهى والامر مصايبهم مع الرجال والله الوحده منهم تنظف البيت وترفع قميصها متعمده وتنكشف سيقانها ومابقي غير اللي فوق سيقانها يبان لا وقدام رجال غريب لاهو محرم لها ولا يمت لها بصله واللي تنام وما تسكر باب الغرفه ونص جسمها باين واللي تحط على جسمها كريم ريحته تشميها من برا و هذا كله قبل تنام وتخلي الباب مفتوح ليه الله اعلم؟؟؟واخر شي قبل كم يوم قريت قصة الطفل مشاري اللي سممته الشغاله الله لايوفقها ولا يشممها ريحة الجنه ويحرق قلبها زي ما حرقت قلب امه وابوه وشفت الفيديو والله تقطع عليه فلبي وذكرني بولدي سلامة ولدي ان شاء الله ولدي عمره 4شهور وهو بكري الله يخليه لي ..المهم وسوست وانا لله الحمد والمنه ابدا ما اخلي الشغاله تلمس ولدي او تسويله حليب اوتغيرله كل شي انا اسويه الرضاعه انا اغسلها واروح اسويله الحليب واشربه واحممه والحمد الله و على فكره انا زي ماقلت ماعندي خدامه بس اهلي عندهم وتجي تشتغل عندي احيان اذا تعبت لان بيت اهلي معايا في نفس العماره تيجي ترتب وتمسح تكنس وبس حتى ملابسي وزوجي وولدي مااحبها تغسلها انا اغسلها لاني ما اضمنها طبعا الطبخ مستحيل اخلي وحده تطبخ حتى ام زوجي لما تجي عندي وتجيب خدامتها معاها تقولي خلي الشغاله تطبخ اقولها لا انا اللي بطبخ وتقولي ماشاء الله عليك ما تحبينهم يمسكون اكلك المهم انا كرهت الخدامات كره وصرت اخاف موت منهم خصوصا الاندنوسيات اه منهم بس هم اساس البلا كله انا زي ماقال زوجي انه مايرتاح اذاكان في خدامه وانا كمان ماارتاح انا شلت فكرة الخدامه من راسي بس ان شاء الله ان عشنا لرمضان يمكن اجيب وحده عشان تعرفون تعب رمضان وانا ابغى اروح التحفيظ ان شاء الله وتعرفون رمضان كله عباده صلاة التروايح والتهجد وما ابغى انشغل بالشغل والبيت طول الوقت حتى اغراض العيد حاأشتريها لي ولولدي شهر8 ان شاء الله عشان اتفرغ للعباده والصلاه و قراءة القران بأذن الله المهم <<<طوولت عليكم<<< يافراشاتي اللي ابغاه منكم ياحلوات كل وحده تفيدني بجدولها اليومي للتنظيف والترتيب والطبخ ومتى تغسل ملابسها وايش اللي يخلي الملابس البيضاء بيضاء لاني جربت كل شي فينش كلوركس اريال موبي كله بس احس ماجاب نتيجه تثلج الخاطر اعطوني تجااربكم يا ربات البيوت وياملكات البيوت لان كل وحده فينا ملكه في بيتها يالله نستعد..123 انطلاق