انا وزوجي استشاره

1. بسم الله الرحمن الرحيم


2. سوف اوجز حياتي الزوجية وبعدها اطرح استفساراتي


3. السلبيات :


4. 2- ابوه وجده اصحاب سوابق يعني يتزوجون ومن اجنبيات بعد .


5. 3- اغلب الاحيان يتكلم بالحريم عندي .

بسم الله الرحمن الرحيم

سوف اوجز حياتي الزوجية وبعدها اطرح استفساراتي

بدات مشوار زواجي عندما تقدم لي خطيب متزن وعاقل ومحافظ ومتخرج ويحمل شهادة الماجستير ووافقت عليه وتم الزواج على خير ولله الحمد ومن ثم عرف رغبتي بحبي للسفر لخارج المملكة وتحديد (سويسرا) فلبى رغبتي علما انه لم يسافر خارج السعودية ابدا قبل زواجه ولا يحب السفر للخارج وسافرنا سويا وقضينا شهر العسل في ذاك البلد وحصلت بعض النقاشات بيني وبينه الا انها كلملح في الطعام ، ومن ثم عدنا ولم يستاجر لي بيت وانما في شقق مفروشة (فندقية ) لمدة 6 شهور بحجة انه مايدري عن مستقبله خصوصا انه مقبل على وظيفة بعد ستة اشهر قلنا ماشي فعلن توظف بعد ست شهور وسكنا في مدينته التي تعين فيها واستاجر شقة مفروشة ثم بعد اربعة اشهر استاجر وحده سكنية ، واثث غرفته عند اهله بمبلغ 70000 الف ريال بما فيها حمام السونا والجاكوزي وغير ذلك ، ثم بعد سنة من زواجنا سافر بي إلى ماليزيا ، وانا الان لي قرابة سنتين متزوجه ، وسافرت داخل المملكة معه عدة مرات ...
هو توظف بعد زواجي منه بسنة تقريبا وراتبه 10000 الاف ريال ، ويحولي مبلغ 2000 ريال شهريا مبلغ 1000 ريال لي ومبلغ 1000 ريال للسفره السنوية .
الايجابيات :
1- يوديني لاهلي متى مابغيت حتى وان ادى ذلك لسفره من اجلي .
2- ياتيني بحجيات البيت بالكميات وكذلك حاجاتي .
3- الوظيفة ما عنده مانع .
4- الماجستير مؤذيني عندها ويقول مخالف روحي ابعدي عني(عند اهلك وهو في منطقة وظيفته) بس اهم شي تكملين الدراسة .
5- مرح ويحب المقالب الخفيفة .
6- لديه فراسة بالاخرين ويعرف مايدور في خلدي في بعض الاحيان .
7- السوق معطيني الاذن المطلق اذا كنت عند اهلي بشرط يكون معي احد اخوتي الصغار .

السلبيات :

1- بخيل نوعا ما يعني أني اشك ان لديه تجاره وما يصرف لي الا 1000 ريال واذا كلمته يزيد قال لي ياحبيبتي ابحسبها معاك 2000 ريال اجار و3000 ريال مصاريف 2000 ريال لك وللسفر وعندي اكثر من ثلاث قروض وضعت مبالغها في مشاريع من عمار ومن شركة ف اعذرين وانا ازرع لمستقبلنا ومستقبل ابنائنا ويقول نصبر وحنا شباب على تحصيل بعض الكماليات الزائدة مقابل ضمان مستبلنا اذا صرنا شيبان ومستقبل ابنائنا وبعدين وش يفيد اذا شريت ساعة 5000 وغلا شنطة 3000 كل شهرين والا ثلاثة ، واذا شفت رصيده فيه مئات الاف زعلت عليه ليش مايعطين ما اذكر جابلي الاطقم ذهب انا وامي 11000 ريال من يوم تزوجته ، يجي يقولي انا علي التزامات من عمار وعمال ولابد اسوي تناسب بحيث حنا مانتاثر ونشتري اللي حنا نبي ولا مستقبلنا ومشاريعنا تاثر ، واني كل فتره وفتره اطلب يكتب شي باسمي ورافض .

2- ابوه وجده اصحاب سوابق يعني يتزوجون ومن اجنبيات بعد .

3- اغلب الاحيان يتكلم بالحريم عندي .

4- عند اهله ما اسمع منه كلمات الحنان اللي اسمعها بيتنا والا انا واياه لوحدي ودايم يقول لاهله انا ما لقيت اللي تملاء عيني ويمه دوريلي واذا فاتحته بهذا الكلام قال صدقيني ماريد هذا وانما لمصلحة حياتنا الزوجية ولذر الرماد على العيون .
5- يقيدني في حريتي يعني ماأخذ راحتي عنده زي ماأبي قيود في الروحات واللبس .
6- غثيث لحد الثمالة يرفع ضغطي بكل شي ومايطلع الشي الأ إذا طلعت روحي .
7- عدم أهتمامه بالشكل العام (نوعا ما) يعني يحس أن المرأة هي اللي واجب عليها التزين والرجل يقعد حوسة مايضره وكل يوم طالعة للسوق وأجيبلة عطر ونظارة وبيجامات للبيت وكلهن محلتهن ولا يستخدمهن وإذا قلته ليش يقول ذوقك مب زين وهو من جنبها
8- يحس أنه أقضل زوج بالعالم وهو الزوج المثالي وأي شي يسويه لي حتى لويجيب لي شوكلاته يقول شفتي أني مدلعك وغيري ساحب على زوجته
9- يشككني بشكلي مع العلم أني جميلة وكلن ساعي بخطبتي ويقول أني أحب الشقراء والعيون الزرق .
10- إذا سافرنا برا يقلب مريري يعني تكون نفسيته زفت الزفت وما أدري هل هو يبي يكرهني بالسفر أو هو مو متعود على السفرات لأنه مايسافر الإ لشغل ولا عمره سافر للخارج قبل زواجنا مع العلم انه مقتدر ماديا .
11- مايحترمني في السفر وعند أهله .
12- يحسن المراوغة .
والله احيانا اناقشه ويتنرفز ويطلع يروح لربعه واحيانا نتناقش حتى يتنرفز ويقول روحي لاهلك ، وش رايكم ؟؟؟؟؟؟؟؟؟؟؟؟؟؟