دورة حيآة زوجيه آسعد مع دودي

بسم آلله آلرحمن آلرحيم
هينآ نبآ نعمل تجمع للمتجوزآت آلفآهمآت إللي يبو يعيشو ف سعآده
مع شركآء حيآتهم وطبعآ كل وحدآ تكتبلنآ نصآئح ف آلحيآه آلزوجيه
توصلنآ ل حيآه آسعد بإزن آلله
طبعآ ف حآجه آهم م آلليالي آلرومنسيآ وآلشموع وآلحركتات
مووهم لنا أولا ولأزواجنا ولتوطيد علاقتنا بأزواجنا يعني شي لزوم الاستقرار
وأنا أشوفو من العشرة الطيبة ...
وهيآ
] ...
يعني إزآ حبيب القلب جالس يقوص أظافرو وأكتر الرجال يعانو بدآ الموقف
تشوفيهم وكأنهم بمصارعة حرة تعالي عندو بهدوء خوذي المقص من يدو
وقومي بالواجب عاد نحنا الحريم شاطرين بدي الشغلات ...
خرج للدوام الصباح وهو تعبان أو مصدع أو مرشح حلو انك تتصلي عليه بعد مايوصل بساعة
عشان تتطمني عليه هوآ ما حيقوللك اتصلي عليّا واتطمني
بس أكيد لو اتصلتي حتتركي أتر رائع بنفسو ...
جالس ع النت تعالي من وراه ودلكي أكتافو ورقبتو لدقايق
أو حضريلو كوب نسكافيه أو كابتشينو أو كوفي عربي مع قطعة حلو أو تشوكليت ...
(( بس لو كان ع التشات أو من حقون حركات النص كم سيبيه ينكسر ظهرو ويتشنج كمان ههه ))
حلو انك توفري بكل شهر مبلغ بسيط بلا ماتخبريه ولو حسيتيه مزنوق ماديا قدميه لوو
أو لو كان نفسو بشي تقدري تشتريه لوو ...
يتفرج ع التي في متابع بحماس أو يقرا كتاب أو جريدة قدميلو مشروب يحبو بلا مايطلب
حسسيه انك مبسوطة بالشي اللي يبسطو ...
لاحظتي انو متضايق والبوز شبر اجلسي جنبو امسكي يدو وسمعيه من الحكي
اللي يرفع المعنويات قوليلو حبيبي والله الدنيا ماتسوى انك تزعل عشانها
حياتي انتا كلو ولا زعلك الوسيم دا منو لايق عليه التكشير ...
(( بس كذا بدون تحقيق وشلة كونان ))
جي بعد شفت ويوم دوام طويل تعبان وحيلو مهدود دخل يبغى ينام ادخلي معاه
اجلسي ع طرف السرير ودلكي رجولو بشويش خمس دقايق واخرجي ...
كان يبغى ينام ادخلي عليه وغطيه أو عدلي اللحاف زي ماتسوي للبيبي وبوسيه ع جبينو
واتأكدي انو يكون صاحي بس انتي سوي نفسك انك تفكريه نايم ...
خرج من البيت وهوا زعلان حتى لو كان زعلان منك لاسمح الله
اتصلي عليه بعد خروجه بفترة اذا رد عليكي قوليلو بس كنت أبغى أتطمن عليك
واذا اداكي بيزي ارسليلو مسج قوليلو فيه كنت خايفة عليك بس الحمد لله طمنتي لما اديتلي بيزي ...
جوزك يدرس وعندو اختبار أو موظف وعندو شغلة مهمة أو مدير وعندو اجتماع
أوبيزنس مان وعندو صفقة ؛؛؛
اتصلي عليه بوقت تكوني متأكدة انو دوبو مخلص واسأليه ايش سار معاه ...؟؟؟
اتطمني عليه وع خطواتو سوي نفسك انك دوبك صاحية من النوم
وانك صحيتي مخصوص عشان تتطمني عليه ...
(( مو انتي بوادي وهو بوادي حسسيه انو اللي يهمو كمان يهمك انتي ))
كنتو جالسين فجأة هو صار يدلك راسو وهوا منزعج أو حط يدو ع كتفه أو ظهره وكأنو يتألم
ع طول اسأليه وانتي خايفة عليه موت قوليلو :-
ايش فيك ياروحي تعبان يآروحي انتا سلامتك في شي يآلمك ؛؛؛
حسسيه انو قلبك حيتقطع عليه وانك خايفة عليه رغم انو كل الشغلة شوية صداع
بس حلو تحسسيه باهتمامك وخوفك عليه ...
(( ترا فيلو رجال كتير يسووا هذي الحركات بالقصد يحبوا يلفتوا الانتباه
يعني مجرد دلع واللي يرفع الضغط انو الزوجة ولا هيا هنا ))
كنتو تاكلو أو تتفرجوا ع التي في فجأة التفتي عليه وركزي نظرك بعيونو لتواني بس
بعدها ع طول ابتسمي لو كأنك جالسة تستمتعي وتتلددي بالنظر فيه
وقوليلو أنا معجبة فيك أنا مبسوطة انك انتا زوجي من بين رجال الكون ...
دائما اتعودي انك تاكليه حتى قبل ماتاكلي انتي ...
اتتحمم...!!! قدميلو كوب مويا وقوليلو عشان ماتتعب حبيبي وآتعودي دآئمآ انك انتي
اللي تحمميه وكل الرجال يحبو دا الشي ولا تنسي تتغزلي ف جسمو ...
روحتي المكتبة افتكريه بكتاب يوافق ميولو يعني هو اللي يصرف وهو اللي يوصل
مايستحق انك تفتكريه بشي ...
وهوا ف الدوام اتصلي ف يوم ع المطعم اللي هوا يحبو واطلبيلو فطور آو غدآء آو عشآء
وأرسليه لو ع الدوام وفاجئيه بشي حلو خليه يحوس بالتميز قدام أصحابو
وانك افتكرتيه واهتميتي فيه ...
لو جاب اغراض للبيت وكان بينهم شي تحبيه حتى ولو تافهة بينيلو الفرحة متلا :-
انتي تحوبي الكرز وجاب بيوم أغراض للبيت وبينهم كرز ع طول طيري عندو
واديلو بوسة ع خدو وقولي واو حبيبي حياتي انتا لكأنك كنت عارف اني مشتهيتو
مهما كان الشي صغير وتافه بالغي في انفعالك في التعبير عن فرحتكي فيلو ...
راح الصالون أوكي بعد مايرجع علقي ع شكلو أو لوكو الجديد قولي :-
ماشاء الله حبيبي تجنن شكلك مرا حلو حلوا قصتك الجديدة ...
(( افتكري انو نحنا لما نروح الصالون كيف ننبسط لما أزواجنا يعلقوا ع اللوك الجديد
حتى لو عملتي ماسك تحبي انو زوجك يلاحظ ويعلق والدليل انتبهوا لأغلب مواضيع العناية بالبشرة
لما وحدة تبغى توصف ماسك انو قد ايه غيرها ع طول تقول حتى زوجي لاحظ
معناتو انو الملاحظة دليل الاهتمام صح ))
لبس واتأنتك وطلع عريس لؤطة قوليلو انو مرة شيك وانك فخورة باهتمامو بأناقتو
ومن دا الحكي اللي كلو ضرب فراشي ...
وصلك بيت أهلك متلا بالويك اند بعد كم ساعة من جلستك عند أهلك ارسليلو مسج
خبريه فيه انك اشتقتيلو وانو وحشك موت وانو مهما كتروا الناس حولك فيظل هوا الأهم
هوا اللي تفتقديه حتى لو بعدتي عنو تواني باختصار انتا كل الناس وكل الناس منّهم انتا ...
(( مو ماحسبتي على الله جاتك من السما الفكة من شكلو ))
عوديه انو وقت خرجتو توقفي معاه عند الباب وتجسلي توصيه متلا :-
انتبه حبيبي لاتبرد لاتسرع قلبو والله سلامتك بالدنيا حياتي انتا طمني عليك
ومن دي التوصيات اللي تبين اهتمامك فيلو وخوفك عليه ...
دآئمآ عآمليه ع آنو بيبي ولمآ يطلب منك حآجه قوليلو م عيوني حيآتو بس كدآ
ولآ ترفضيلو طلب مهمآ كآن حتى لو كنتي تعبآنا معليش اتحملي ماحتموتي ...
لمآ تتكلمي معآه آتكلمي بنعومه ولآ تسرخي آبدآ إلا ف (( .... )) فهمكم يكفي
كوني نآعمه لآبعد درجه ...
دآئمآ بوسيه ف آي وقت وكل دقيقه وقدآم آي آحد لآتخجلي ترآ آلخجل
هوآ إللي يوديكي ورآء آلشمس ...
ترا دي اللفتات كلها أشياء صغيرا وبنظر البعض تافهة بس والله تحتاجلها قوة ملاحظة
تلاحظي هو ايش يحتاج ...
حتى تتلقي الكبار يقولو فلان رمة أو أهبل يعني انك تلمحي ع شغلة قدامه ولا يبادر هوا بتقديمها
أو تكوني بموقف يستلزم انو هوا يبادر بالمساعدة بس لاحياة لمن تنادي لازم تقوليها لوو صريحة
ونحنا مانبغى نكون كذا مع أقرب الناس لنا وأحبهم ع قلوبنا أزواجنا ربنا يسخرهم لنا ...
أرجوكم أبغى تفاعل حتى لو ماقدرت أرد عليكم
بس حابة انكم تنبهوا ع لفتات ممكن الزوجة ماتنتبهلها بالرغم من حاجة زوجها ليها ...